Shtohen debatet nga një foto e re e përngjashme me atë të para disa ditëve...Sikur të mos mjaftonin komentet e politikanëve, mediat mezi presin të gjejnë momente për ti fryrë zjarrit. Këtë herë mediat greke kanë zbuluar një tjetër ushtar me origjinë shqiptare, që bën simbolin e shqiponjës. Mediat greke kanë nisur të shpikin skenarë terrori duke ngritur teza se shqiptari në foto, prapa të cilit ndodhen tanket dhe avionët luftarakë mund të sabotojë ushtrinë e shtetit helen.
Nuk ngelen më pas edhe mediat shqiptare, të cilat e shohin si ‘reagim’ të kryeministrit Edi Rama ndaj Greqisë, një status që ai ka publikuar për Ali pashë Tepelenën. Në fakt statusi është vendosur me rastin e 195-vjetorit të vdekjes. Më poshtë statusi i plotë:
“195 vjet më parë jepte shpirt, jo në shtrat por duke luftuar, Ali pashë Tepelena, Luani i Janinës.
Si personalitet historik, Ali pasha është ndoshta nga të rrallët që përgënjeshtron postulatin e gjithpranuar se historia u jep të drejtë fitimtarëve. Zjarri që ndezi gjeniu gjakësor i vezirit të Toskërisë, e shkrumboi aq keq rretherrotull pushtetin e establishmentit osman, sa në letrat e shkëmbimeve diplomatike, ai cilësohej si “plaga më e tmerrshme e perandorisë”.
Revolucioni grek, revoltat në Bullgari dhe në principatat danubiane që përfunduan të tëra me mëvetësinë e atyre kombeve, i detyrohen jo pak Ali pashës në përgatitjen e tyre sociale, ushtarake e shpirtërore.
Shumë i detyrohet Ali pashës edhe ndërgjegjësimi i krerëve shqiptarë, të cilët gjatë mesit të parë të shek. XIX, filluan ta konceptonin përfshirjen në çështjet kombëtare, siç e thotë bukur mirë studiuesi Dritan Egro, “përtej interesit të çifligjeve të tyre”.
Figura e pashait që tronditi Portën e Lartë mbetet padyshim një nga figurat më të diskutueshme të historisë sonë, por çka nuk është diskutuar as nga detraktorët e tij më të mëdhenj, është gjenialiteti i këtij kryeneçi të madh shqiptar,” shkruan Rama.
Tju them të drejtën përsa i përket uniformës ushtrake, apo të policisë , mua personalisht nuk më kanë pëlqyer dhe aq shumë fotografitë e bashkombësave duke na pershëndetur me simbolin tonë ( nuk e mohoj që në zemër ndjej një gëzim të vecant), por imagjinonja se si mund të ndjehesha nëse ndodhte e kundërta, pra nëse në ushtrinë tonë të kishim një grek, apo serb,apo turk , qoftë dhe nga vënde të tjera, të bënin reagime të tilla .... SI DO REAGONIM NE??
Dua të shtoj gjithashtu që me këtë foton e dytë më kan lindur dy dyshime:
-Tashmë që debati në greqi është 'ndezur', ata shumë urtë e butë mund ti fryejn zjarrit me ndonjë foto që personi mund të mos jetë shqiptarë.... në foton e dytë mediat greke na paskan pëdorur ''masa mbrojtje privatësie'', pse për fotot e para nuk morën 'masa' te tilla?!
-Dyshimi i dytë më lindi që ushtari në foton e dytë mban një beret blu, beretat blu janë një klasifikim i vecantë në ushtrin greke, dhe mendoj që në atë klasifikim një i huaj (që bën ushtrin me detyrim vetem për kushtin e dokumentave) nuk klasifikohet nga grekët në atë detyrë.
