Gatime tradicionale shqiptare per festat e fund vitit

#1

Gatimi i GJELIT

#2

#3

#4

#5

#6

QOFTE TE FERGUARA / SKARE

Numri i postimeve: 223
Ditelindja: 19/05/1985
Mosha: 26
Vendodhja: tirane
Hobet: Arti ne pergjithesi
Reputazioni Ne Forum: 16
Piket Ne Forum: 639
Data e Rregjistrimit: 30/01/2010
Për 4 vetë

Duhen:

- Mish 1 filxhan çaji
- qepë 2 kokrra
- bukë 75 g (2 feta)
- vezë 1 kokërr
- miell 2 lugë gjelle
- vaj 4-5 lugë
- perime sipas dëshirës
- kripë, piper, majdanoz

Gatimi:

Qoftet përgatiten zakonisht me mish viçi. Pritet mishi në copa të vogla dhe grihet në makinë së bashku me qepën dhe hudhrat. Në masën e mishit hidhet vezë, kripë, piper i zi, majdanoz dhe bukë bajate e zbutur me qumësht ose ujë (bukë perben rreth 25% te mishit). Masa përzihet mirë dhe ndahet në qofte; çdo qofteje i jepet forma e rrumbullakët ose ovale, pastaj kalohen në miell dhe skuqen në tigan me vaj nga të dyja anët. Duhet pasur parasysh se qofteve gjatë fërgimit nuk u duhet hedhur shumë vaj. Shoqërohen me patate të skuqura, pure patate, perime të tjera të ziera ose të skuqura, etj

#7

Pulë e mbushur

Kohëzgjatja: Përgatitja 10 min, Pjekja 1 orë.

Për 4-6 persona nevojiten:

1 pulë,
150 gr. mish qengji i grirë,
1 qepë e grirë,
kanellë pluhur,
50 gr. oriz,
50 gr. fistekë,
20 dcl lëng pule,
vaj luledielli,
kripe e piper.
Përgatitja:

Pastroni orizin dhe ziejeni në lëngun e pulës. Ngrohni furrën në 210 grade celsius. Në një tigan, nxehni një lugë vaj dhe skuqeni lehtë qepen e grirë. Shtoni mishin e qengjit të grirë dhe lëreni të skuqet për disa minuta. Pastaj hidheni në një enë. Në tigan piqni fistekët. Më pas bashkojini në enën me qepën dhe mishin e grirë. Shtoni kanellë, kripë, piper dhe përziejeni mirë. Hidhini pak piper pulës nga brenda pastaj mbusheni. Lidheni pulën me fill. Vendoseni pulën në një tavë, hidhini piper dhe lëreni të piqet për 50 min. Spërkateni rregullisht me lëngun e zier që mishi të rrije i butë. Servireni sa ta hiqni nga furra.

#8

Byrek me qumesht

Përbërësit:

peta byreku te pjekura
4 kokrra veze
250 g gjalp
1 liter qumesht
kripe

Udhëzime per pregaditje:

Hedhim qumeshtin ne nje tas te madh. Ne nje ene tjeter rrahim tre veze dhe pastaj ia shtojme qumeshtit bashke me kripen. Marim nje tepsi te madhe ( nga ato qe jane tamam per furrin shtepiak ) dhe e lyejme me gjalp. Pastaj nje nga nje petat e pjekura i lyejme ne qumeshtin e perzier me veze e kripe dhe i vendosin ne tepsi nje nga nje duke i shtypur qe te copetohen.

Cdo 2-3 peta i vendosim siper copa te vogla gjalpi. Vazhdojme keshtu deri kur trashesia e byrakut arrin rreth 4 cm. I hedhim siper te gjithe qumeshtin e mbetur. Vezen qe lame menjane e rrahim ne nje pjate, i shtojme pak kripe dhe lyejme siperfaqen e byrekut. E fusim ne furre me 200 grade per 25-30 minuta deri ra siperfaqja te jete e arte.

#9

Keshille nga une per byrekun me qumensht: ne qoftese fryhet gjate pjekjes mos u shqetesoni, mjafton ta shponi me nje thike! Ju befte mire!

#10

Kadaifi me arra!

Një gjë për të ditur mbi kadaifin: NUK KA GJË MË TË LEEEEEHTË !!!!

Duhen:

Gjys kile kadaif
Arra të qëruara (më mirë ti qëroni vetë)
200 Gram Gjalp

Shërbeti:

4 gota sheqer ( kam përdor sheqer të bardh dhe kaf)
3 gota ujë.

Kadaifi shkriftohet mirë e mirë. Vendose në një tavë të lyer me pak gjalp.
Vendoset një shtresë kadaif.
Një shtresë arra.
Një shtresë kadaif.

Gjalpin e shkrijmë dhe ia hedhin përsipër.

E fusin në furrë 250, për 20 min.

Pasi e heqim nga furra e lejmë të ftohet.

Përgatisim shërbetin.
Unë e bëra të hollë, nuk e lashë shumë të trashej.
Shërbetin ia hedhim kadaifit të ftohtë.

Dhe ja , më thjesht se kaq nuk ka.
E vetmja gjë është nëse nuk doni të ngrini pesha, atëherë hidheni shërbetin me GARUZHDE.

gjithashtu mund ta shtroni edhe ne kete menyre, shikoni videon:

Ju befte mire

#11

Mos harroni Tavë Kosi (Elbasani)
Mbas disa dite feste vetem me mishra te pjekur, tava e kosit te mbledh!!
Eshe shume tradicionale!!

Nevojiten:

1 kg mish qengji,
1 kg kos të trashë ose të përzier me ajkë,
2 lugë gjalpë,
2-3 thelpinj hudhër të shtypur,
8-10 kokrra vezë,
2 lugë miell,
kripë,
vegetë,
specall,
piper.
Përgatitja:

Nëse është mish qengji i ri, pritet në copa racioni, kriposet, vendoset në tavë me yndyrë të nxehtë dhe futet në furrë për t’u pjekur. Kohë pas kohe, nëse ka nevojë, i shtohet nga pak ujë i nxehtë. Në të kundërtën, hidhet në tenxhere për t’u zier, e gjysmë i zier, vendoset në tavë, ku i hidhet pak supë dhe dy lugë gjalpë. Futet në furrë të nxehtë me temp. 200ºC që të piqet. Ndërkohë tunden vezët me kos, shtohen hudhrat e shtypura, mielli i ulur në pak ujë dhe lëng mishi, kripa, vegeta, piperi. Tavës me mish i hidhet një lugë specall, pastaj mbi mish derdhet masa e përzier e vezëve dhe rrafshohet në tërë tavën. Futet në furrë edhe për disa çaste, sa të mpiksen vezët, por të mbesin të buta. Shërbehet e nxehtë.

#12

Bakllava
( jo nga ato te perditshmet ne dyqan, por te bere ne shtepi

)

Për një tepsi, nevojiten:

1 kg petë të bakllavasë ,
250 g margarinë ose gjalpë.
Për shtresën e parë nevojiten:

125 g margarinë ,
2 vezë ,
gjysmë gote (uji) sheqer ,
gjysmë luge bakin.
Të gjitha këto përzihen mirë, pastaj shtohen 8-10 lugë miell të egër. Krejt kjo përzihet mirë, fitohet një masë homogjene dhe lihet anash.

Për shtresën e dytë nevojiten:

300 g arra të bluara ,
2 vezë ,
gjysmë gote sheqer ,
lëngu i një limoni.
Përzihen mirë dhe lihen anash. Lyhet tepsia me yndyrë.

Petët ndahen në 3 pjesë (nga 10 sosh). Shtrohet pjesa e parë e petëve në tepsi dhe secila stërpiket me pak margarinë (pjesa tjetër e margarinës mbetet për lyerje sipër).

Mbi këto petë qitet shtresa e parë e masës së përgatitur. Shtrihet mirë në gjithë sipërfaqen. Mbi këtë shtresë shtrohet pjesa e dytë e petëve si dhe shtresa e dytë – arrat e parapërgatitura.

Përfundojmë me shtresën e tretë të petëve. Pasi të jetë përvëluar thika, pritet bakllavaja në formë trekëndëshash.

Pastaj i hidhet sipër margarina e shkrirë dhe futet për t’u pjekur kujdesshëm, në temperaturë mesatare. Pasi të piqet, bakllavaja lihet për t’u ftohur mirë.

Sherbeti: 1 kg sheqer, 2-3 gota ujë dhe 3 vanilje. Sapo të vlojë (sheqeri shkrihet mirë), hiqet nga temperatura, që sheqeri të mos trashet. Me këtë sherbet të nxehtë ulet bakllavaja e ftohur.

Shërbehet të nesërmen!

#13

Ty te lumshin ato duar moj Adriana, po nuk na the me cfare ta ngrejme dolline ?

#14

Morrison wrote:Ty te lumshin ato duar moj Adriana, po nuk na the me cfare ta ngrejme dolline ?

Me uje burimi , apo mos kishe ndonje mendje tjeter Ti, se ju andej rakine e keni si uje

ARBERIAONLINE