Lajme nga Maqedonia

[Arbëri]

ketu me duket se Arben LLalla eshte i padeshirueshem per politikanet shqiptare ne qeverine sllavo-Fyrom.
Eshte nje turp i radhes per politiken shqiptare ne te tre shtetet tona,vertet skandal.

Askund nuk jemi o vella , beje nje dallim me kete poshte :
Për dhjetë vite janë “importuar” 3.800 maqedonas nga Shqipëria
(Keta edhe atje votojne , edhe kendej )

Maqedonia përmes importit të personave të përcaktuar si maqedonas përpiqet që të minimizojë numrin e shqiptarëve që jetojnë në Maqedoni. Rreth 100 mijë shqiptarë të lindur dhe të rritur në Maqedoni, nuk arrijnë dot që të marrin shtetësinë. Disa prej tyre pas shumë peripecive ia arrijnë t’ia dalin në krye, ndërkaq që disa të tjerë edhe kanë vdekur dhe nuk kanë arritur dot të bëhen shtetas të Maqedonisë. Ndërsa nga ana tjetër, janë disa mijëra raste të dhënies së shtetësisë maqedonase “pa një ferrë në këmbë”, sidomos për personat nga krahinat e Prespës së Vogël të Shqipërisë dhe Gora e Kosovës që kanë deklaruar kombësinë maqedonase.
Zyrtarisht në Ministrinë Punëve të Brendshme (MPB) bëjnë të ditur se numri i maqedonasve nga Shqipëria që kanë marrë shtetësi të Maqedonisë në dhjetëvjeçarin e fundit, arrin rreth tre mijë e 800. Të njëjta shifra kap edhe numri i atyre që kanë marrë shtetësi deri në vitin 1998. “Në pajtueshmëri me nenin 11 të Ligjit për shtetësi, në periudhën prej vitit 1998 deri në mars të vitit 2008, shtetësi të Maqedonisë kanë marrë rreth tre mijë e 800 persona, shtetas të Shqipërisë që janë përcaktuar si maqedonas”, tha për “Lajm”, ndihmësi i ministrit i MPB-së, Ivo Kotevski. Flitet se numri më i madh i shtetësive është ndarë në vitin 2001-2002, pak para zgjedhjeve të vitit 2002, kur në krye të MPB-së ishte Lube Boshkovski. Ish ministri Boshkovski, që tani gjendet në Hagë, në një periudhë tepër të shkurtër (as tre muaj ), ndau mbi dy mijë shtetësi, me shpresë që të fitonte në zgjedhjet parlamentare. Në kohën kur shtetasit e përcaktuar si maqedonas marrin shtetësi me një shpejtësi marramendëse, një numër i madh shqiptarësh, që kanë lindur e janë rritur në Maqedoni, edhe sot e kësaj dite përballen me peripecitë e ligjit për shtetësi, ku shumicës prej tyre, neni 7, paragrafi 1, pika 8 e ligjit, ia ndalon këtë të drejtë, pasi në bazë të këtij neni marrja e shtetësisë do të rrezikojë sigurinë dhe mbrojtjen e Republikës së Maqedonisë. Me këtë vendim (se do ta rrezikojnë mbrojtjen e Maqedonisë) janë refuzuar dhjetëra gra e fëmijë që i kanë prindërit ose gjyshërit prej Kosove.

Kurse Arben Llalla ka gruan nga Maqedonia dhe ka femije ketu .

[erix77]

Ajo dihet qe sllavet nuk na e duan te miren por keta politikanet tane qe se vrasin mendjen me keta si tja bejme.

P.s.mos e vrit shume mendjen per keta te prespes se keta pashaportat maqedone i hodhen ne plehra dhe moren pashaporta bullgare sic bene dhe shume "maqedone" te tjere.

[Arbëri]

Shqiptari tre ditë ndalohet në aeroportin e Shkupit

Shtetasi nga Shqipëria Kastriot Seferi ndalohet për 72 orë nga policia maqedonase, ndërkohë që gjithë ky terror psikik, nuk merr një përgjigje zyrtare. Seferi u ndalua të premten në aeroportin e Shkupit teksa do të udhëtonte për në Hamburg të Gjermanisë. Shkak i ndalesës ka qenë dyshimi për vizë falso. Por edhe pse ekspertët konstatuan se viza nuk ishte false, autoritet policore nuk e lejuan të riun nga Shqipëria të vazhdonte rrugën, por nga aeroporti e zhvendosën në Qendrën transitore ku u mbajt pa asnjë arsye.
“Pash që çdo gjë ndryshoi do të thotë me pamjen e parë të dokumentit tim si shqiptarë, ajo ishte thjeshtë një paragjykim që çdo shqiptarë është ilegalë. Kështu u pa ajo ngjarje. Pastaj ajo vazhdoi me disa pyetje provokuese dhe qesharake. Më tha se pse ke ardhur që të ikësh nga këtu, ku e ke vizën, ndërkohë që pasaporta ndodheshe para duarve të saj. Vazhdoi kontrollimin dhe erdhën tre të tjerë me uniforma duke kontrolluar pasaportën dhe ata vërtetuan se ne nuk mund ti themi false. Këmbëngulëse ishte vetëm një femër që nga fillimi”, tregon Kastriot Seferi, shtetas i Shqipërisë.
Kastriot Seferi rrëfen se mbajtja e tij mund të konsiderohet ‘tallje’ me njerëz të pafajshëm madje ndaj tij janë shkelur shumë të drejta. Atij i është lejuar vetëm një telefonatë e shkurtër me të cilën nuk ka mundur të sqarohet me avokatin e tij.
“..më morën dhe më futën brenda në aeroport, ishin disa dhoma izolimi, edhe më thanë të pres derisa të vinë inspektorët. Inspektorët kanë ardhur në 17:30 – 18;00, pasdite. 04:53 E vërtetuan edhe ato që ishin inspektorë që deri diku merreshin vesh, dhe ata e vërtetuan që kjo vizë nuk mund me qenë falso. Por prapë se prapë po qëndroja brenda. Prej aty më kanë nxjerr prej aty më dërguan në një vend nuk e di si quheshe, tranzicion, transit këto që i çonin ilegalët, nuk e di si quhet ajo zona. Aty më futën me arsyetim deri sa të sqarohet çështja e jote", shton Kastriot Seferi.
I riu nga Shqipëria paralajmëron se do të ndërmerr të gjitha hapat juridik për sqarimin e kësaj çështje. Ndërkohë edhe nga Ministra e Brendshme në linjë telefonike për Alsat-M vërtetojnë rastin, dhe deklarojnë se i riu nuk është arrestuar, por është ndaluar nga policia dhe është vendosur në qendrën transitore për shtetas të huaj që nuk posedojnë dokumente të rregullta ose jo valide. Sipas zëdhënësit Kotevski, Ministria e Brendshme në bashkëpunim me Interpolin kanë punuar në zbardhjen e rastit. Kotevski madje tha se Seferi është mbajtur me kërkesë të zyrtarëve gjermanë të cilët kishin kërkuar kohë shtesë për të vërtetuar vlefshmërinë e vizës.
http://alsat-m.tv/lajme/vendi/43559.html

[Arbëri]

Pedagogjiku i Shkupit ndalon historinë shqiptare

Udhëheqësi i sektorit për arsim pranë komunës së Çairit, Shefqet Zekolli dhe Shoqata e Historianëve Shqiptarë reaguan ashpër ndaj ligjit për arsim të lartë në të cilin thuhet se në ato fakultet ku mësohet në gjuhën jo maqedonase, përveç lëndës së maqedonishtes duhet patjetër edhe dy lëndë tjera të mësohen në gjuhën maqedonase. “Ligji për arsimin sipëror, neni 103 është një ligj për të cilin ne konsiderojmë se është antikushtetues pasi që nxënësve shqiptarë iu ligjërohet historia nacionale maqedonase dhe jo ajo kombëtare shqiptare. Një grup intelektualësh dhe njerëz të arsimit jemi në biseda intensive me ekspertë të çështjeve juridike, të cilët njohin kushtetutën e Maqedonisë dhe po që se konstatohet se ky ligj është antikushtetues atëherë ne do të inicojmë procedurën në gjyq që ky ligj të abrogohet dhe të ndryshohet”, tha Zekolli. Ai shtoi se jo që ligji është tepër diskriminues dhe antishqiptarë, por këtu kemi të bëjmë edhe me një komentim të gabueshëm të disa zyrtarëve të fakultetit. “Zyrtarët e fakultetit pedagogjik arsyetohen dhe thonë që i kanë duart e lidhura, por në të vërtet ata nuk janë munduar asnjëherë që së paku çështjet e pa definuara sa duhet brenda ligjit t’i trajtojnë në mënyrë tjetër”, theksoi Zekolli. Injoranca e zyrtarëve të këtij universiteti, sipas Zekollit ka shkuar aq larg se në mënyrë tejet të çuditshme dhe misterioze janë organizuar disa student që të mbledhin nënshkrime dhe të bëjnë një farë lloji të peticionit në të cilin deklarojnë se ata duan ta dëgjojnë historinë nacionale maqedonase e jo historinë tonë, gjë që është shumë e çuditshme dhe e pabesueshme dhe kjo do të thotë se ka manipulim. Gjithashtu edhe Shoqata e historianëve reagon për këtë çështje duke thënë se është absurde që në këtë fakultet ku më shumë se 70 për qind e studentëve janë shqiptar, të mësohen lëndë në maqedonisht duke pasur mjaft kuadër shqiptarë për ato lëndë. “Kemi reaguar kundër mësimit të historisë maqedonase dhe në gjuhën maqedone pa asnjë element shqiptarë në fakultetin e pedagogjisë në Shkup. Nuk e di se pse ende nuk ka asnjë reagim nga ana e studentëve por duket se këtu mbizotëron frika”, tha Muzafer Bislimi, nënkryetarë i Shoqatës së Historianëve Shqiptarë. Ai shtoi se ashtu siç zhvillohet mësimi në Universitetin Shtetëror të Tetovës, ashtu duhet të zhvillohet edhe në Fakultetin pedagogjik, të mësohet vetëm gjuha maqedonase si lëndë në vete. Mijëra student të grupit parashkollor dhe klasor që janë shkolluar në fakultetin pedagogjik në Shkup asnjëherë nuk kanë dëgjuar asgjë nga historia e tyre kombëtare, pasi që kanë qenë të obliguar të mësojnë historinë nacionale maqedonase dhe në këtë rast elementi shqiptarë shkon duke u dobësuar.
http://lajmpress.com/lajme/maqedoni/6035.html

[Sally]

Komisioneri i OSBE-së për pakicat Knut Volebek tha sot në Shkup se fëmijët e të gjitha komuniteteve duhet ta mësojnë gjuhën shtetërore -- maqedonishten në moshë sa më të vogël, por pa përcaktuar se nga cila klasë. Qeveria e Maqedonisë, ndërkohë ka miratuar një strategji me të cilën u lihet prindërve dhe këshillave të shkollave që të vendosin se nga cila klasë e fillores duhet të fillojë mësimi i maqedonishtes.

[Sally]

Haradinaj bashkon shqiptaret ne Maqedoni


Partitë e mëdha politike shqiptare, njëzëri mbështesin tubimin solidarizues për ish-kryeministrin e Republikës së Kosovës, Ramush Haradinaj që e organizon Këshilli i organizatave shqiptare (KOSH) të premten në sheshin “Iliria” në Tetovë.
Tubimi i së premtes është mbështetur edhe nga partia shqiptare në pushtet, BDI. Kjo parti, sipas deputetit Rafiz Haliti, beson në pafajësinë e Haradinajt dhe shokëve të tij.

“Gjithsesi se e mbështesim tubimin solidarizues. Çdo anëtar i BDI-së që do të marrë pjesë në tubimin e së premtes, do të japë kontribut dhe do të shprehë pakënaqësinë për masën e paraburgimit të cilën Haradinaj e mban pa faj, bashkë me miqtë e tij”, ka thënë Haliti.

Edhe lideri i PDSH-së, Menduh Thaçi u ka bërë një thirrje publike anëtarëve dhe simpatizantëve të partisë së tij dhe të gjithë shqiptarët që jetojnë në Maqedoni që të mbështesin tubimin solidarizues dhe përkrahës për Haradinajn.

“Besoj se ka shumë arsye për gjithë në shqiptarët që t’i përgjigjemi pozitivisht këtij tubimi. Nuk do të jetë ndonjë tubim i sforcuar politik dhe partiak, por një solidarizim me Haradinajn, personifikimi i historisë së re të vuajtjeve më të mëdha të një njeriu dhe një familjeje që kombi të ketë ardhmëri më të mire. Me këtë, ne do të legjitimojmë të gjitha sakrificat, do të jemi ata që do të bëjmë satisfaksion për të gjithë shqiptarët të cilët kanë sakrifikuar gjatë historisë që ne të jetojmë këto momente shumë më mirë, se sa para qindra viteve”, ka thënë numri një i PDSH-së Thaçi.

Tubimi solidarizues për Haradinajn ka gjetur mbështetje edhe të partive tjera shqiptare në Maqedoni. Ndërkohë, edhe Komuna e Tetovës ka apeluar sërish për një përkrahje masive të qytetarëve në tubimin solidarizues për Haradinaj. Zëdhënësi i Komunës së Tetovës, Flakron Pustina me këtë rast ka thënë se tubimi bart në vete mesazhin historik të mbarë popullit shqiptar, i cili ka qenë i prekur nga luftëra. Protesta e KOSH-it është mbështetur edhe nga Bashkësia Fetare Islame e Maqedonisë.

[Adriana]

Nuk ka azil politik e ekonomik për qytetarët e Maqedonisë




Fluksi i madh i azilkërkuesve në vendet e Bashkimit Evropian që nga fillimi i muajit tetor, për herë të dytë solli në Maqedoni, sekretarin shtetëror për buxhet, azil dhe migrim të Bashkimit Evropian, Meklior Vatle. Gjatë takimit me ministrin e punës dhe politikës sociale Xhelal Bajrami, ai u bëri thirrje institucioneve që sa më shpejtë të marrin masa për parandalimin e këtij fenomeni, duke përsëritur qëndrimin se në asnjë mënyrë qytetarët e Maqedonisë nuk mund të fitojnë azil politik apo ekonomik në vendet e BE-së , ndërkohë nuk do të mbulohen as shpenzimet e transportit të tyre për t’u kthyer në Maqedoni. “Që nga fillimi i këtij muaji përballemi me një rritje të madhe të azilkërkuesve, edhe pse nuk është serioz sa i mëparshmi, por përsëri kemi një rritje në Belgjikë dhe shtetet tjera të BE-së, prandaj duhet të luftohet ky fenomen sa më shpejtë që është e mundur…Sigurisht se ndërprerja e regjimit të vizave nuk është në agjendë, por mesazhi është shumë i qartë...” tha Meklior Vatle, sekretar shtetëror për buxhet, azil, migrim të Belgjikës. Nga ana tjetër qeveria planifikon që përmes fushatave informative të parandalojnë migrimin e popullatës, që sipas tyre ndodh për shkak të keqkuptimit të procesit të heqjes së vizave.“Unë shpresoj se ky proces më veç është në ndalim, për dallim nga muajt e parë të këtij viti muajit shkurt/mars kur kishim një numër të madh të qytetarëve që vendosnin në këtë drejtim, tani më ai numër ai numër është dukshëm në rënie.. Ne si qeveri, si ministri e punës dhe politikës sociale do të vazhdojmë edhe me një kampanjë ndoshta më agresive në të ardhmen për njoftimin më të mirë të qytetarëve se procesi i liberalizimit të vizave nuk nënkupton edhe fitimin e statusit azil në këto shtete, por shëtitjen e tyre të lirë në shtetet e Evropës perëndimore” tha ministri i Punës dhe politikës sociale Xhelal Bajrami. Edhe euroambasadori Fuere sot bëri thirrje qytetarëve që të mos manipulohen.“Ne i kemi apeluar qeverisë që të bëjnë gjithcka të mundur, ashtu dic bënë në fillim të vitit. Të forcojnë monitorimin, të ngrejnë vetëdijen e popullatës, të sigurojnë zgjidhjen e cështjes së agjencive turistike që përpiqen t’i manipulojnë me qytetarët” tha ambasadori i BE-së Ervan Fuere. Në kuadër të vizitës së tij, Meklior Vatle vizitoi komunat e Likovës, Kumanovës dhe Shuto Orizarit prej ku ishin dhe numri më i madh i azilkërkuesve. Paraprakisht ai kishte qëndruar në Luginën e Preshevës, gjithashtu rajon i prekur nga migrimet. Vizitën e parë Vatle e realizoi në shkurt të këtij viti kur qindra qytetarë kryesisht nga komuna e Likovës braktisën vendin për të kërkuar azil në Belgjikë. Semra Jakupi


http://alsat-m.tv/lajme/vendi/43893.html

[Sally]

Maqedonia heq dorë nga NATO

[Arbëri]

Maqedoni, 1/3 e shqiptarëve përjashtohen nga regjistrimi

Partitë shqiptare të opozitës në Maqedoni janë shprehur kundër ligjit për regjistrimin e popullatës, të cilin e quajnë skandaloz, pasi sipas tyre, përjashton nga procesi 1/3 e popullatës shqiptare.

Kreu i Demokracisë së Re (DR), Imer Selmani, deklaroi se ky ligj skandaloz që u propozua kohëve të fundit nga Qeveria e Republikës së Maqedonisë përjashton nga procesi 1/3 e popullatës shqiptare e cila përkohësisht punon dhe qëndron jashtë Maqedonisë.

Ndërkohë, Partia Demokratike Shqiptare (PDSH) do të ftojë shqiptarët të bojkotojnë regjistrimin në rast se nuk plotësohen kërkesat e tyre: mbajtja e regjistrimit në muajin korrik, mundësia e regjistrimit të qytetarëve që nuk kanë shtetësi të Maqedonisë, si dhe formimin e një trupi mbikëqyrës të përbërë nga përfaqësues të katër partive më të mëdha politike. (ina)
http://www.albeu.com/maqedoni/maqedoni, ... imi/24984/

[Arbëri]

Shkup, protesta kundër ligjit për regjistrimin e popullsisë

SHKUP- Në Shkup është protestuar kundër miratimit të ligjit për regjistrimin e popullsisë. Protesta e mbajtur me moton “Nuk regjistrohesh nuk ekziston”, zgjati rreth një orë, ndërsa mbështetësit e protestës kërkuan që të mos miratohet një ligj i cili dëmton procesin e regjistrimit të shqiptarëve në Maqedoni.

Imer Selmani, kryetar i partisë Demokracia e Re, e cila organizoi protestën, kërkoi nga Bashkimi Demokratik për Integrim, që të mos e mbështesë projekt-ligjin e hartuar nga qeveria, pasi ai nuk do të përfshijë qytetarët që ndodhen në punë të përkohshme jashtë vendit.

Demokracia e Re kërkon që regjistrimi të mbahet në muajin korrik, kur në vendlindje kthehen dhe mërgimtarët. Por, BDI-ja premtoi regjistrim korrekt të popullsisë. Kjo parti ftoi qytetarët shqiptarë që pozitivisht dhe në mënyrë afirmative t’i përgjigjen thirrjes për regjistrim të popullsisë.

Ky regjistrim pritet të realizohet nga data 1 deri më 15 prill të vitit 2011.

[Arbëri]

Diaspora mobilizohet kundër regjistrimit


Komuniteti shqiptar në SHBA do të organizojë protesta kundër regjistrimit. Protestat do të mbahen të dielën, ditën kur dhe do të protestohet në Shkup."Pas shumë përpjekjeve dhe iniciativave, pas shumë propozimeve të partisë parlamentare DR për pushtetin e VMRO-së dhe BDI-së që të përmirësojnë gabimet e ligjit për regjistrim dhe pas asaj që ata nuk u vetëdijesuan dhe vërtetuan qëllimin e qartë të këtij ligji që përjashton 1/3 e popullatës shqiptare nga regjistrimi i ardhshëm në vitin 2011 dhe refuzimi i pakuptimtë i BDI-së për bashkëpunim që të bllokojmë këtë ligj diskriminues, Shoqata Atdhetare Dibrane, vendosëm që shqetësimin tonë ta shprehim nëpërmjet kësaj deklarate", thuhet në deklaratën me shkrim të shoqatës Dibrane.

Po ashtu protestat i mbështesin edhe shoqatat shqiptaro-amerikane nga Prespa, Kërçova, Tetova , Gostivari, Struga, Manastiri e Ohri. Përveç protestave do të përgatitet edhe një peticion i përbashkët që do ti drejtohet institucioneve amerikane, përfaqësive diplomatike të Maqedonisë në SHBA dhe të OKB-së për të kundërshtuar manipulimin e autoriteteve maqedonase lidhur me numrin e shqiptarëve dhe anashkalimin e diasporës shqiptare ,e cila është në numër të konsiderueshëm. Protesta pritet të mbahet para selisë së OKB-së në Nju Jork dhe përfaqësisë diplomatike të Maqedonisë. Komuniteti shqiptar në SHBA përkrah të gjitha përpjekjet dhe zërat e protestave për të parandaluar manipulimin dhe falsifikimin e numrit të shqiptarëve në regjistrimin e popullsisë që do të mbahet më 1 prill të vitit 2011. Në pakënaqësinë që kanë shpërthyer kudo në diasporën shqiptare nëpër botë, është përfshirë edhe Komuniteti shqiptar në vendet Skandinave, në Suedi të cilët kanë reaguar edhe për datën e regjistrimit. Një reagim që është bërë edhe nga shoqata e të burgosurve politik në Suedi. "Termini më i përshtatshëm për regjistrim është edhe muaji korrik -gusht kur edhe mundësit e emigrantëve janë shumë më të mëdha të vizitojnë vendlindjen , në kohën kur mijëra shqiptarë kthehen në këtë sesion vit për vit", thuhet në reagimin ish të burgosuri politik të demonstratave të vitit 198 në Kosovë, Dr. Kastriot Rexha. Ai kërkon që të gjithë shqiptarët ta ngrenë zërin kundër projekt- ligjit të regjistrimit të popullatës në Maqedoni.
http://lajmpress.com/lajme/maqedoni/6525.html

[Arbëri]

Historianët: Tirana dhe Prishtina ta festojnë 22 Nëntorin


Historianët shqiptarë të Maqedonisë i bëjnë thirrje Tiranës dhe Prishtinës që t’i kushtojnë vëmendje më të madhe festës së Alfabetit dhe 22 Nëntorin ta bëjnë festë shtetërore. “Dita e Alfabetit është një ndër festat më të mëdha të popullit shqiptarë. I bëjmë thirrje Shqipërisë dhe Kosovës që 22 Nëntorin ta bëjnë festë shtetërore”, tha kryetari i Shoqatës së Historianëve Shqiptarë të Maqedonisë (SHHSHM), Skënder Hasani.
Ndërkaq, tribuna shkencore për 102 vjetorin e Kongresit të Alfabetit do të mbahet në Manastir, në qytetin e Alfabetit. Ndryshe nga vitet e tjera kur tribunat për kongresin mbaheshin në Shkup, tani historianët kanë vendosur që ato të zhvillohen në vendin ku dhe u mbajt kongresi. SHHSHM-ja në bashkëpunim me Sekretariatin për Implementimin e Marrëveshjes së Ohrit, më 22 Nëntor pas vizitës së Shtëpisë së Alfabetit do të organizojnë edhe një tribunë shkencore në të cilën do të marrin pjesë historianë dhe gjuhëtarë nga Maqedonia.
Tribuna do të mbahet në sallën e madhe të hotelit “Epinaf” në Manastir, pasi hapësirat e shtëpisë së Alfabetit nuk janë të mjaftueshme për të mbledhur të gjithë pjesëmarrësit. “Me këtë manifestim dëshirojmë që t’i japim kurajë popullatës shqiptare të Manastirit, të cilët prej vitit 2001 janë në presion të llahtarshëm”, tha kryetari i SHHSHM-së, Skënder Hasani.
Rikonstruimi i Shtëpisë së Alfabetit ka përfunduar dhe tashmë në procedurë është miratimi i statutit të Muzeut të Alfabetit. “Në procedurë janë miratimi i statusit të Muzeut të Alfabetit si dhe shpallja e konkursit për personelin që do të punojë aty. Si fillim në Muzeun e Alfabetit do të punojnë 8 persona”, tha zëdhënësi i Qeverisë, Muhamet Hoxha.
Delegacioni i Qeverisë që do të vizitojë shtëpinë e Alfabetit do të kryesohet nga zëvendës kryeministri Abdylaqim Ademi. Po ashtu shtëpinë e Alfabetit më 22 Nëntor pritet ta vizitojnë edhe ministrat shqiptarë si dhe personalitete të tjera të jetës publike.
Më 14 nëntor të vitit 1908 në Manastir u mblodh Kongresi i Manastirit, ose Kongresi i Alfabetit. Në këtë kongres morrin pjesë rreth 150 delegatë të ardhur nga të gjitha anët e Shqipërisë si dhe nga komuniteti shqiptar në Rumani, Itali, Greqi, Turqi, Egjipt, Amerikë etj. Kryetar i Kongresit u Zgjodh Mit’hat Frashëri, djali i Abdyl Frashrit. Punimet e Kongresit përfunduan më 22 Nëntor, kur dhe u vendos Alfabeti që do të përdorej.
http://lajmpress.com/lajme/maqedoni/6590.html

[Arbëri]

Regjistrimi i popullsisë, flet Albin Kurti

Lideri i Lëvizjes “VETËVENDOSJE!”, Albin Kurti tha se shqiptarët në Maqedoni nuk duhet të lejojnë abuzimin dhe falsifikimin e regjistrimit të popullsisë.

“Regjistrimi i popullsisë është një gjë e nevojshme për çdo shtet i cili dëshiron të planifikoj politika afatgjata. Por, se cili është ky plan në rastin konkret, nga cilat motive bëhet kjo gjë nga autoritetet maqedonase, lë mjaft hapësirë për dyshime. Shqiptarët duhet patjetër të jenë të përfaqësuar në Entin e Statistikave si përqindje e përgjithshme, por sidomos në pozitat drejtuese të këtij institucioni. Të dhënat në terren, mospërfaqësimi i shqiptarëve në këtë institucion, qoftë në nivelin qendror apo rajonal aktualisht, përvojat e hidhura me regjistrimet në të kaluarën, skandali lidhur me ligjin për natalitetin para ca kohe, janë indikacione se ky regjistrim është i motivuar nga qëllime antishqiptare”, theksoi Albin Kurti.

Sipas tij, shqiptarët janë aty në Maqedoni dhe se nëse nuk figurojnë saktësisht ne lista, do të reagojnë, do të duken e do të shfaqen. “Çështja është nëse Qeveria Gruevski do të mësoj se diskriminimi e nënpërfaqësimi nuk krijon rehati. Shqiptarët janë! Ata duhet trajtuar si janë dhe duhet numëruar aq sa janë. Ndryshe, ata mund të dalin shumë më tepër”, theksoi kreu i Lëvizjes “VETËVENDOSJE!”. (ina)

[Arbëri]

Shënohet 102 vjetori i Kongresit të Manastirit


Alfabeti i gjuhës shqipe shënon sot 102 vjetorin e tij në Kongresin e Manastirit. Me këtë rast sot në Manastir u organizua një tribunë me temë “Kongresi i Manastirit”. Të mbledhur të gjithë së bashku, përfaqësues të Qeverisë, gjuhëtarë dhe studiues vlerësojnë se historia e 36 shkronjave autoktone ka luajtur rol vendimtar në traditën shqiptare. Në këtë tribunë u theksua se Kongresi i Manastirit është një nga ngjarjet më të rëndësishme që ka të bëjë me identitetin tonë kombëtar dhe me gjuhën shqipe. Pjesëmarrësit e kësaj tribune vizituan shtëpinë e Kongresit të Manastirit. Në këtë tribunë morën pjesë zëvendëskryeministri Abdilaqim Ademi bashkë me ministrat shqiptar.
“Ngjarje e cila mund të konsiderohet si më e rëndësishmja për shqiptarët pasi është vendosur të zgjidhet alfabeti latin, pasi atë kohë gjuha shqipe shkruhej në katër alfabete të ndryshme. Duke e pare rëndësinë e kësaj dite për shqiptarët vendosëm që të jemi këtu në Manastir pikërisht në vendin ku është mbajtur Kongresi i Manastirit para 102 viteve. Manifestimet do të vazhdojnë deri më 28 Nëntor ditën e Flamurit, të gjitha këto përkrahen nga Sekretariati për Implementimin e Marrëveshjes së Ohrit, Komuna Çair dhe disa komuna të tjera në vend”, tha Abdilaqim Ademi, zv/kryeministër.
Ndërkohë historianët shqiptarë dhe albanologët e tubuar sot, u shprehën se ky Kongres është një nga ngjarjet më të rëndësishme të kulturës shqiptare, por edhe të historisë së kombit shqiptar.
“Jo vetëm për shqiptarët e Maqedonisë por në përgjithësi për të gjithë shqiptarët, Manastiri dhe vendi ku është mbajtur Kongresi, ku është sjell vendim për alfabetin të cilin ne sot e shfrytëzojmë është i shenjtë për të gjithë shqiptarët, pa marrë parasysh nga cilat vende vijnë. Ata duhet të vizitojnë këtë shtëpi e cila së shpejti do të zyrtarizohet dhe kompletohet me dokumente origjinale sipas mundësive dhe ta vizitojnë posaçërisht gjeneratat e reja dhe të mësojnë se Manastiri është qendër shumë e rëndësishme për shqiptarët”, tha Muzafer Bislimi, historian.
“Ngjarje mjaft interesante dhe shumë e madhe për shqiptarët. Të organizohet tribunë në Manastir ku dhe ka filluar të mbahet Kongresi i Manastirit për gjithë shqiptarët është një meritë jashtëzakonisht e madhe dhe për të gjithë shqiptarët e Manastiri, sepse këta shqiptarë nuk e kanë harruar dhe këtë ngjarje që po manifestojmë këtu është një ngjarje mjaft e madhe ër të gjithë shqiptarët e Maqedonisë. Patjetër se duhet të kthehemi që mos ta harrojmë këtë qytet legjendar të shqiptarëve dhe këta shqiptarë që kanë ngelur në pakicë duhet tu japim përkrahje, të paktën morale”, deklaroi Avzi Mustafa, albanolog.
Në shtëpinë prapa meje, njëqind e dy vjet më parë, nga 14 deri 22 nëntor 1908 u mbajt Kongresi i Manastirit ose siç thuhet, Kongresi i alfabetit të gjuhës shqipe i cili përfaqëson një veprimtari madhore për kombin shqiptar. Ky kongres është një nga ngjarjet më të rëndësishme, që ka të bëjë me identitetin tonë kombëtar dhe me gjuhën shqipe.
Me rastin e shënimit të përvjetorit të Kongresit të Manastirit shqiptarët i përshëndeti edhe ambasadori amerikan në vend, Philip Riker i cili vizitoi Institutin për Trashëgimi Kulturore të shqiptarëve të Maqedonisë.
video : http://alsat-m.tv/lajme/vendi/44521.html

[Adriana]