Ndërroi jetë ish-rektori i USHT-së, Fadil Sulejmani
Posted: Mon Feb 11, 2013 2:19 pm
by ALBPelasgian
Me keqardhjen me te madhe morra vesh lajmin pikellues te vdekjes se filologut nga Pollogu, Fadil Sulejmani. Duke njohur kontributet e tij te vazhdueshme ne filologjine shqiptare, konsideroj se Sulejmani ka qene nje nga intelektualet me te medhenj nga Pollogu. Kontributi i tij ne themelimin e Universitetit te Tetoves si dhe aktiviteti i tij ne pajtimin e gjaqeve e bejne Fadil Sulejmanin nje intelektual te guximshem qe ze nje vend te respektuar ne piedestalin e figurave te spikatura nga Ilirida. Ne keto caste pikelluese sikur gjej nje ngushellim tek fjalimi i nje kengetari te shquar nga Kuba, Kompay Segundo: "Njeriu ka tri menyra per te perjetesuar vehten e tij. Ai mund te mbjelle nje peme, te kete pasardhes ose te krijoje nje veper". Sulejmani e perjetesoi vehten e tij ne keto tri menyra: mbolli nje peme, frytet te te cilit i korrim gjenerate pas gjenerate (Universiteti ne Tetove), la pasardhes te denje si dhe krijoi vepra me rendesi madhore per filologjine shqiptare. I qofte i lehte dheu i Pollogut!
Mbrëmë pas një sëmundje të rëndë ka ndërruar jetë, rektori i parë i Universitetit Shtetëror të Tetovës, prof.dr. Fadil Sulejmani.
Prof. dr. Fadil Sulejmani u lind më 5 dhjetor të vitit 1940 në katundin Bozovcë të Malësisë së Sharrit të Tetovës. Arsimin fillor e kreu në vendlindje dhe në qytetin e Tetovës, kurse Shkollën e Lartë Pedagogjike në Prizren dhe Fakultetin Filozofik, drejtimi Gjuhë dhe Letërsi Shqipe e kreu në Prishtinë. Studimet pasuniversitare për magjistraturë i kreu në Beograd dhe doktoroi në Prishtinë për shkencat filologjike.
Ka punuar fillimisht si arsimtar i gjuhës dhe letërsisë shqipe në katundin Obiliq afër Prishtinës dhe 2 vjet si profesor i gjuhës latine në Gjimnazin e Mitrovicës. Në vitin 1971, filloi si pedagog i rregullt në degën gjuhë dhe letërsi shqipe, të Fakultetit Filozofik të Universitetit të Prishtinës, ku punoi deri në vitin 1994. Në vitin 1994-95 u avancua në cilësinë e profesorit ordinar për shkenca filologjike, po në këtë universitet. Formimi i tij akademik do të vijojë me 2 vjet specializim në Gjermani si bursist i Fondacionit Aleksandër fon Humbold në Bon dhe 1 vit në Itali, gjë që i ka mundësuar edhe njohjen e gjuhëve përkatëse, të cilat do t’i shfrytëzojë edhe më vonë në hulumtimet e tij.
Në vitin 1994, bashkë me intelektualë të tjerë, themelon Universitetin e Tetovës dhe e drejton atë deri në vitin 2003, periudhë kur fillon edhe zyrtarizimi i tij.
Profesor Fadil Sulejmani është autor i mbi 10 librave dhe mbi 200 artikujve të publikuar në revista shkencore e periodike.
Më 17 dhjetor 2012, me rastin e 18 vjetorit të themelimit, Universiteti Shtetërori Tetovës, themeluesit dhe Rektorit të parë të Universitetit tonë, Prof. dr. Fadil Sulejmanit i ndau titullin Doctor Honoris Causa.
Me rastin e ndarjes nga jeta të Prof. dr. Fadil Sulejmanit, sot më 11 shkurt 2013, në orën 12.00, në Qendrën për Kulturë në Tetovë do të mbahen homazhe, kurse kortezhi funeral për përcjelljen e të ndjerit do të niset nga qendra e Tetovës në orën 15.00, për në varrezat e qytetit të Tetovës.
Me këtë rast, udhëheqësia e Universitetit i shpreh ngushëllime familjes Sulejmani. (INA)
Re: Ndërroi jetë ish-rektori i USHT-së, Fadil Sulejmani
Posted: Mon Feb 11, 2013 7:18 pm
by Mallakastrioti
I qofte dheu i lehte dhe ngushellime familjes.
Re: Ndërroi jetë ish-rektori i USHT-së, Fadil Sulejmani
Posted: Mon Feb 11, 2013 7:44 pm
by Socio
Ju faleminderit !
Re: Ndërroi jetë ish-rektori i USHT-së, Fadil Sulejmani
Posted: Mon Feb 11, 2013 8:30 pm
by ALBPelasgian
Kryeministri i Kosovës ngushëllon familjen Sulejmani
Kryeministri i Republikës së Kosovës, Hashim Thaçi dërgoi sot një telegram ngushëllimi familjes Sulejmani me rastin e vdekjes së profesorit, themeluesit dhe Rektorit të parë të Universitetit të Tetovës, Fadil Sulejmani.
“E nderuara familje Sulejmani, me pikëllim e morëm lajmin për ndarjen nga jeta të profesorit të nderuar... Kontributi i tij për arsimimin e gjeneratave në Universitetin e Prishtinës, si dhe në themelimin e Universitetit të Tetovës dhe në rritjen e këtij institucioni, do të çmohet dhe e respektohet nga të gjithë,” thuhet në telegram.
“Humbja e profesorit Sulejmani është një humbje jo vetëm për institucionet ku punoi, por edhe për albanologjinë në përgjithësi. Në emër të Qeverisë së Republikës së Kosovës dhe në emrin tim, ju lutem pranoni ngushëllimet më të sinqerta,” shkruan kryeministri i Kosovës në telegram ngushëllimin dërguar sot familjes Sulejmani.
Fadil Sulejmani ka ndërruar jetë mbrëmë në moshën 73 vieçare. Varrim i tij bëhet sot në ora 15.
Tetovë, 11 janar - Kryetari i Bashkimit Demokratik për Integrim, Ali Ahmeti, i ka dërguar telegram ngushëllimi familjes Sylejmani, me rastin e ndarjes nga jeta Rektorit të parë të Universitetit të Tetovës, z. Fadil Sylejmani.
“Më lejoni ju lutem që në emër të Bashkimit Demokratik për Integrim dhe në emrin tim personal, t’Ju shpreh ngushëllimet tona të sinqerta për humbjen e Rektorit të parë të Universitetit të Tetovës, z. Fadil Sylejmani.
z.Sylejmani do të mbetët në kujtimet tona si një veprimtar i shquar i arsimit në gjuhën shqipe në Maqedoni dhe kontribues në themelimin e Univerzitetit Shtetëror të Tetovës.
Bashkëndjejmë me dhimbjen e familjes Sylejmani për humbjen e tyre, por njëkohësisht jemi të sigurt që z. Fadil Sylejmani dhe familja e tij, ashtu si edhe ne, mbetën krenar për arritjet e Univerzitetit Shtetëror të Tetovës, për të cilin ai punoi shumë, përfundon telegramin e tij kryetari i BDI-së, Ali Ahmeti.
Bexheti: Vdekja e Sulejmanit, humbje për arsimin shqip
Tetovë, 11 shkurt - Kryetari i Komunës së Tetovës, Sadi Bexheti, i ka shprehur familjes Sulejmani pikëllimin e tij për vdekjen e z. Fadil Sulejmani, themelues dhe Rektor i parë i Universitetit të Tetovës.
Bexheti shkruan se ndarja nga jeta e profesorit Sulejmani, është humbje e madhe për arsimin shqip dhe për përpjekjet për të afirmuar në rrugë autentike vlerat arsimore dhe kulturore.
“E nderuara familja Sulejmani, më lejoni të ju shpreh ngushëllimet e mia më të thella dhe më të sinqerta për humbjen e profesorit tonë të nderuar, Fadil Sulejmanit. Në këto momente dhimbjeje, ne qëndrojmë pranë jush, duke vlerësuar lartë punën e tij, misionin e tij në ngritjen arsimore të shqiptarëve të Maqedonisë dhe duke e ngritur në piedestalet më të larta punën e tij shkencore si profesor i devotshëm. Profesori i nderuar do të mbetet në kujtesën tonë si një figurë e përndritur që me vendosmëri të jashtëzakonshme hapi rrugën e arsimimit shqip për gjeneratat e reja. U preftë në paqe”, thuhet në telegramin e Bexhetit.
Thaçi: Fadil Sulejmani, kontribuues i përkushtuar i arsimit shqip
Tetovë, 11 shkurt - Kryetari i Partisë Demokratike Shqiptare (PDSH) ka shprehur keqardhje për ndarjen nga jeta të Rektorit të parë të Universitetit Shtetëror të Tetovës, Fadil Sulejmani.
Thaçi i ka shprehur ngushëllime familjes së të ndjerit, duke vlerësuar lart kontributin e tij në arsimin shqip.
“Përkushtimi, puna dhe veprimtaria e tij radhitet në grupin e kontribuuesve më të përkushtuar të arsimit shqip në Maqedoni. Në emër të Partisë Demokratike Shqiptare dhe në emër tim personal, më lejoni që të ju shpreh ngushëllimet më të sinqerta familjarëve, bashkëpunëtorëve, dhe të gjithë shqiptarëve në përgjithësi”, ka shkruar Thaçi.
Osmani ngushëllon: Vdekja e Sulejmanit, humbje për mbarë shqiptarët
Shkup, 11 shkurt - Ngushëllimeve për vdekjen e Rektorit të parë të Universitetit Shtetëror të Tetovës, iu ka bashkangjitur edhe kryetari i Rilindjes Demokratike Kombëtare, Rufi Osmani.
Në letrën e tij drejtuar familjes së të ndjerit, Osmani e vlerëson vdekjen e tij si një humbje për të gjithë shqiptarët e Maqedonisë.
“Ndarja nga jeta e prof.dr. Fadil Sulejmanit paraqet një humbje jo vetëm për familjarët dhe të afërmit e tij, por edhe për gjithë shqiptarët e Maqedonisë e më gjerë. Andaj më lejoni që në emër të Rilindjes Demokratike Kombëtare dhe në emrin tim personal, t’ju shpreh ngushëllimet më të sinqerta. Kujtimi për të ndjerin prof.dr. Fadil Sulejmani, si një ndër themeluesit e Universitetit të Tetovës dhe rektor i parë i tij, do të mbetet i përhershëm ndër shqiptarët”, thuhet në telegramin e Osmanit.
