...kjo nuk është lojë, por është një luftë nga e cila opozita nuk kthehet pa fitore.
...zgjedhje me këtë qeveri nuk ka dhe se kush nuk e ka dëgjuar, ta dëgjojë dhe t’i vërë gishtin kokës.
Deklarata e plotë e Bashës:
Misioni ynë nuk përfundon me zgjedhje te lira, misioni ynë përfundon vetëm kur të kemi varrosur republikën e vjetër dhe të kemi ngritur republikën e re të qytetarëve shqiptarë.
Kurrë më s’do lejojmë pazare të ndyra politike në kurriz të shqiptarëve.
Shpesh partitë politike i kanë mbyllur kauzat e mëdha me pazare të vogla, jam këtu për t’ju premtuar se kjo nuk do të ndodhë më se interesat e kësaj lëvizje popullore janë mbi interesat politike.
Le t’ju kujtojmë se ne nuk tërhiqemi, Rama largohu dhe hapi rrugë një qeverie të vullnetit të mirë për zgjedhje të lira dhe të ndershme.
Ne nuk kthehemi në parlamentin e krimit, aty ku janë ulur kriminelët e kanë vendin vetëm ata që i sollën aty.
Zgjedhje me këtë qeveri nuk ka për të pasur, pikë!
Kush s’e ka dëgjuar ta dëgjojë dhe t’i vërë gishtin kokës, zgjedhje me këtë qeveri, me këtë kryeministër, zgjedhje me krimin s’ka për të pasur kurrë më.
Këtu i japim zemër njëri tjetrit por nuk është lojë fati i qytetarëve, s’janë lojë fatet e fëmijëve tanë, s’është lojë të luftosh për të drejtat, demokracinë dhe unë s’ju thirra për lojë, kjo është një luftë nga e cila do kthehemi vetëm me fitore.
I kam pyetur, ju kam thënë se jam gati të luftoj deri në fund dhe i kam pyetur a jeni gati të luftojmë së bashku? Kjo është një luftë pa kthim.
Në njërën anë është një grusht njerëzish, një pakicë pushtetarësh të korruptuar nga maja e kokës deri te maja e thoit, një grusht derrash oligarkë që ju vjedhin dhe ju zhvasin ditë për ditë paratë dhe taksat tuaja… /TO/