Foto paraqet një rit të njohur që kryhet nga llozhat masonike. Ai i mbulimit të njërit sy, i cili ka dhe simbolikën e saj. Në lidhje me këtë takim nuk pati ndonjë informacion zyrtar. Mbajtja e fshehtë e këtij takimi, ashtu sikurse e shumë punëve të tjera të Ramës lë vend për shumë pikëpyetje. E para ka të bëjë me pyetjen nëse Kryeministri ynë është apo jo një mason? Duke respektuar zgjedhjen e tij, ky mund të jetë një detyrim për transparencën para shqiptarëve, aq më tepër që masonët kanë rregullat e tyre edhe kur administrojnë punët e një shteti, rregulla të cilat në shumë raste bien në kundërshtim me parimet themelore të demokracisë.Tezat e udhëheqësit shpirtëror të masonëve, Adam Weishaupt janë shkatërrimi i të gjitha qeverive paqedashëse, heqja e trashëgimisë, zhdukja e pronës private, zhdukja e patriotizmit, zhdukja e familjes, heqja e fesë, krijimi i një Qeverie botërore. Masoneria ka pasur gjatë shekujve si armik kryesor të sajën, Kishën Katolike të Vatikanit, e cila u’a ka ndaluar besimtarëve të saj hyrjen në këtë organizatë.
Nëse Rama ka vendosur të ngrejë të parën llozhë masonike në Shqipëri, kjo është në të drejtën e tij, sikurse të gjithë duhet të dinë orientimin e Ramës, sepse deri tani ka provuar se është një përçues ideal i udhëheqësit shpirtëror të masonëve, Adam Weishaupt në shkatërrimin e institucioneve dhe zëvendësimin e tyre me okultizmin e sektit që përfaqëson në PS.
Simbolika e fshehjes së syrit
Simbolika e fshehjes së syrit të majtë ka një shpjegim tek urdhërat okultë. Sipas një shpegimi mbi atë që njihet si origjina e Syrit të Horusit. Horus ishte dielli i Osirirs dhe Iris. Ishte quajtur Horusi që sundon me të dy sytë. Syri i tij i majtë përfaqëson diellin, ndërsa syri i tij majtë përfaqëson hënën. Sipas mitit, Horusi humbi syrin e tij të majtë tek vëllai i tij i keq Seth, të cilin e luftoi për të marrë hak për vrasjen e Osiris. Seth i hoqi syrin, por humbi betejën. Syri ishte shëruar me magji nga Thoth, Perëndia e shikimit, hënës dhe magjisë. Horus shfaqi syrin e tij tek Orisis, i cili provoi ringjalljen ne ferr. Ky është shpjegimi që i jep fshehjes së syrit të majtë fjalori i Okultizmit.
Masoneria në Shqipëri
Me rënien e diktaturës, Masoneria u ringjall, pa arritur të krijonte një llozhë. Në vitin 2005 u krijua në Tiranë me vendim të Këshillit të Lartë Masonik për Anglinë dhe Uellsin, dhe Këshillit të Lartë Masonik Botëror “e para Llozhë Masonike në vend, Llozha e Masonerisë së Lashtë, me emrin Llozha Akacia Nr.25, Shqipëri Nr.1”. Gjithsesi krijimi i kësaj llozhe është mohuar nga Maksim Zotaj (mason shqiptar), nga Jean Michel Quillardet dhe Lui Lopez. Në vitin 2007, në Shqipëri erdhi Mjeshtri i Madh i Grand Orientit të Francës, Jean Michel Quillardet i cili u takua me Kryeministrin Berisha dhe Presidentin Topi. Më vonë Lui Lopez, një mason francez i vetëdeklaruar, tha se në Shqipëri e para llozhë masonike, ishte ajo e krijuar nga Grand Orienti i Francës. (duke marrë parasysh se Orienti i Madh dhe Masonët anglofonë nuk kanë marrëdhënie mes tyre, ndoshta Orienti i Madh, quan të parën llozhë shqiptare, Llozhën e saj.
Gjithsesi mbetet i habitshëm, reagimi i Maksim Zotajt, mason i New Yorkut, që thotë se në Shqipëri nuk ka Llozhë Masonike). Maksim Zotaj, i pari mason shqiptar i vetëdeklaruar erdhi në Shqipëri, në vitin 2007, dhe në vitin 2009 krijoi shoqatën “Miqtë e Masonëve”. Në tre vitet e fundit, shtëpitë botuese shqiptare kanë botuar një sërë librash mbi masonët dhe akuzat ndaj tyre, duke e bërë këtë organizatë gjerësisht të njohur. Në Kosovë, vëllazëria filloi të njihej pas vitit 1999. Mendohet se aty ka dy llozha, por nuk ekzistojnë fakte të sakta. Në Pejë në vitin 2005 u krijua Shoqata Rotari, me udhëheqës Neshad Asllanin. Ndonëse nuk ka lidhje me masonerinë, shkrimtari Saad Gashi deklaron se në fakt ajo është një llozhë masonike.
1 Maji i vitit 1776 është data më e rëndësishme për planet luciferiane për Rendin e Ri Botëror të Masonëve të Lirë. Në këtë datë një jezuit obskurantist, profesor i së drejtës kanonike në Universitetin e Ingolstadt në Bavari, Adam Weishaupt krijoi një organizatë ose shoqëri sekrete të quajtur Ancient and Illuminated Seers of Bavaria që me pak fjalë do të thotë Profetët e Lashtë dhe të Ndriçuar (në kuptimin mendjendritur) Bavarez ose si term i shkurtër nga anglishtja AISB.
