Pacolli: Tuvalu njeh pavarësinë e Kosovës
PRISHTINË- Kryetari i partisë Aleanca Kosova e Re, Bexhet Pacolli, ka njoftuar sot se Tuvalu, ka njohur shtetin e Kosovës. Për këtë ai ka dhënë dëshmi, duke treguar edhe Notën Verbale që atij i ka arritur nga ky shtet. Pacolli, ka thënë se këto ditë ka qënë duke lobuar nëpër botë për të kërkuar njohjen e pavarësisë së Kosovës. “Ndonëse shteti i Kosovës është pa qeveri, lobimi po vazhdon dhe po vazhdojnë njohjet e reja”,- tha ai.
Tuvalu, është një shtet i vogël dhe ka pak më shumë se 12 mijë banorë. Ky shtet, është i pavarur që nga viti 1978. “Njohja ka ardhur nga qeveria, ashtu sikur na ishte premtuar në takimet tona më herët”, tha Pacolli.
Ai ka paralajmëruar edhe njohje tjera, duke treguar se ka udhëtuar në Azinë Qendrore e më pas edhe në Afrikën e largët. Pacolli ka thënë se Notën Verbale të Tuvalu, do ta dërgojnë në Ministrinë e Punëve të Jashtme të Kosovës.
(m.a/BalkanWeb)
Mark Zukerberg, themeluesi i rrjetit të njohur social në internet, Facebook njoftoi dje se ka vendosur Kosovën si shtet ku personat mund të regjistrohen si shtetas kosovarë. Zukerberg ka theksuar se, edhe pse vetëm një e treta e shteteve të cilat gjenden të OKB e kanë njohur pavarësinë e Kosovës, prapë se prapë, është e drejtë e kosovarëve që në rrjetet sociale në internet të kenë mundësinë për të deklaruar nënshtetësinë e tyre. 
