Tragjedit aktuale ne Shqiperi

[Sally]

Kukës, vritet kryekomunari

[Sally]

Tragjedi në Sukth të Durrësit, nëna gjen të vdekur katër fëmijët në shtëpi .


TIRANE— R.Xheka, 13 vjeç, V.Xheka,11 vjeç, K.Xheka 9-vjeçare dhe N.Xheka 6 vjeç u gjetën të pajetë nga nëna e tyre mëngjesin e sotëm. Ngjarja tragjike ndodhi në Sukth të qytetit të Durrësit dhe shkaku i vdekjes ende nuk është qartësuar. Fillimisht u mendua se vdekja kishte ardhur për shkak të shkarkimit të një rrufeje por më pas u dyshua se gjithçka ka ardhur pas asfiksimit nga tymi i një qiriu të lënë ndezur në banesë. Policia ka mbërritur në vendin e ngjarjes dhe po kryen hetimet paraprake për të zbuluar shkaqet e kësaj tragjedie.

[Arbëri]

Ngushllime familjes , se vertet ngjarje rende u ka ndodhur ..
Nuk po fajesoj nene e tyre , se ndoshta ishte detyruar te kendon neper lokalet qe ti ushqente femijet ?
Ngjarje per te plasur zemra

[erix77]

Nuk ka faj nena pse punonte per ti mbajtur me buke,faji eshte i qeverise Shqiptare qe i ka lene njerezit te jetojne ne ato kushte te tmerrshme.Tragjedia nuk do te kishte ndodhur kurre nqs ne do te kishim shtet.
Eshte e tmerrshme qe sot ka me mijera femije qe jetojne ne mjerim dhe qeveria Shqiptare nuk ju siguron atyre as minimumin e nje jete njerezore.
Dikush duhet te mbaje pergjegjesi per keto tmerre te njepasnjeshme qe ndodhin ne Shqiperi.

Ngushellime me te sinqerta nenes per kete humbje te paimagjinueshme,megjithese asnje gje nuk mund ta ngushelloje nenen per tmerrin qe e ka zene.

[Adriana]

Policia më shoqëroi në varrosjen e fëmijëve

[Arbëri]

Tragjedia me 4 fëmijët rrëfehet babai



TIRANE-Ngjarja ne familjen Xheka ku 4 femije te mitur humben jeten si pasoje nga asfiksia ka qene tragjedi dhe per babain e ikur nga shtepia. Ne nje rrefim per te perditshmen Gazeta Shqiptare, Besim Xheka thote se i ka parë katër fëmijët e tij të mjerë, rreth 3 muaj më parë, kur ata fshehurazi nga e ëma, shkuan të takojnë të atin. Me lot në sy dhe fjali që i lë përgjysmë në mes nga ngashërimi, Besim Xheka rrëfen historinë e dhimbshme të jetës së tij.
"Isha në shtëpi kur kunata më tha se djali i madh ishte në gjendje shumë të rëndë sepse i kishte rënë një vetëtimë. U çmenda. Sillesha në shtëpi si i marrosur dhe doja të shkoja në Sukth për të parë se çfarë po ndodhte. Kunata më qetësoi dhe bashkë me tim vëlla më thanë që t’i prisja në shtëpi. Kur erdhën dhe më thanë lajmin, nuk i besoja dot veshëve. O Zot pse fëmijët e mi, pse të gjithë... ", shprehet babai i kater femijeve per Gazeta Shqiptare.

Të martuar prej 14 vitesh, Besim dhe Zana Xheka kanë kaluar nëpër konflikte dhe mosmarrëveshje të mëdha. Të vendosur në atë shtëpi që s’i dihet emërtimi, çifti, prindër të katër fëmijëve, dy djemve dhe të dy vajzave, kanë provuar të ndahen e të bashkohen disa herë, ndërkohë që shkak i sherrit ishte pikërisht moskombinimi mes tyre. Gruaja akuzonte të shoqin për paaftësi për të qenë kryefamiljar, ndërkohë që vetë Besimi mundohej të shpjegonte se në të vërtetë është munduar me sa fuqi ka pasur për të rritur fëmijët e tyre. Por, me sa duket, përpjekja në kohë e bashkëshortit 46-vjeçar ka qenë e pamjaftueshme për të siguruar qoftë edhe një jetë normale, jetë që sipas të tjera të dhënave, gruaja është munduar ta sigurojë duke punuar vetë dhe e vetme. Kështu, vetë Besimi, teksa rrëfente momentin e sherrit të fundit me Zanën tregonte se ajo e kërcënonte herë pas herë se do t’i sillte policinë në shtëpi dhe jo vetëm do ta rrihnin, por edhe do ta mbanin në qeli.
"Kam qëndruar këtu te vëllai. Me këto rri sepse gruaja më trajtonte keq dhe se kohëve të fundit më kërcënoj se do të më sillte policinë për të më rrahur e burgosur, ndaj vendosa të iki".
Sërish burri tregon se kjo histori është përsëritur shumë herë, ndërsa herën e fundit ka vendosur të lërë edhe fëmijët e tij dhe të vijë nën mbrojtjen e të të vëllait në Tapizë, ku edhe ka qëndruar prej asaj kohe.
"Po pa shpi jam. Rri të vëllai siç edhe kam ndenjur, por tashmë skam më shpi e asgjë. Askush s’më ndihmon për të pasur edhe unë diçka timen e tashmë pas vdekjes edhe të të gjithë fëmijëve për mua nuk e di kush mund të kujdeset përveç familjes sime. Më kanë thënë se për gruan po kujdeset shteti, ndërsa për mua nuk i bie kujt ndërmend".

Dy ditë më parë, në Tapizë të Krujës qindra persona përcollën për në banesën e fundit katër të vegjlit e familjes Xheka. Trupat e pajetë të Robertit, Vilsonit, Kasandrës dhe Nertilës të vrarë nga asfiksia e shkarkimit të dioksidit të karbonit nga një djegie e çuditshme materialesh në banesë, u varrosën në Tapizë. Sipas familjarëve nga babai i femijeve, shteti nuk pagoi asnjë qindarkë për shpenzimet e varrimit, madje asnjë pushtetar nuk ishte prezent në ceremoni. Ata fajesojne nenen si shkaktare dhe theksojne se kane qene njerezit e Zana Xhekes qe nuk pranuan qe ajo te merrte pjese ne varrim.

Me 11 Nentor, Robert e Vilson Xheka 13 dhe 9 vjec, Kasandra e Nertila Xheka 9 dhe 6 vjec u asfiksuan nga një vatër zjarri e krijuar në shtëpi. Nga mungesa e energjisë, fëmijët harruan ndezur një qiri, që shkaktoi edhe zjarrin në banesë. Ka qënë nëna e tyre, Zana Xheka që i gjeti të asfiksuar në orët e para të mëngjesit, teksa kthehej nga puna.

Në një rrëfim rrënqethës për News24 gruaja e vetme tregoi se nuk kishte asnjë ndihmë nga bashkëshorti për rritjen e tyre, madje, ky i fundit i dhunonte sa herë kthehej në shtëpi. Kjo ishte edhe arsyeja që gruaja kishte zgjedhur të jetonte vetëm me fëmijët e saj, në varfëri e skamje.

[Arbëri]

Thefshi qafen qe te dy ju "prinder" , deri sa keni force te jepni intervista neper media , nuk me han mendja qe ishin prinderit e duhur te atyre femijeve te ndjere .

[Arbëri]

Humb jetën shtetasi shqiptar në Liqenin e Likovës (Maqedoni)

Një shtetas shqiptar të dielën pasdite është mbytur në liqenin e Likovës, ndërsa bëhet fjalë për shtetasin Elton.H, 27 vjec nga Tirana. Shtetasi shqiptar i shoqëruar nga Q.R, 15 vjeç nga Kumanova kishin shkuar tek Liqeni artificial i Likovës për të kaluar fundjavën, ku fatkeqësisht ka ndodhur tragjedia.
Sipas njoftimeve, shtetasi shqiptar ka hyrë në ujë për tu freskuar dhe për një moment është fundosur. Ai i ka kërkuar ndihmë 15 vjeçarit, por ky i fundit nuk ka ditur të notojë dhe tentimi për shpëtim ka qenë i kotë.
Më pas kanë ndërhyrë ekipet e shpëtimit të njësiteve speciale policore duke nxjerrë trupin e pajetë të shtetasit shqiptar, i cili më pas është dërguar për obduksion në Institutin e Mjekësisë Ligjore.

[Adriana]

Edhe ne toke te huaj ne duhet ti paguajm tragjedite
Ngushëllime shpirtërore kësaj familjeje!

[Adriana]

Zjarr i madh në një magazinë fishekzjarrësh në Tiranë

Një zjarr i fuqishëm në një magazinë fishekzjarresh ne Tirane ka vënë në alarm këtë pasdite zjarrfikësit e kryeqytetit dhe Durrësit dhe banorët e zonës ku ndodhej godina.
Magazina me fishekzjarre ndodhet në kryqëzimin e Unazës së Re, pranë tregut të zonës së Kombinatit, ndërsa zjarri në të mësohet se ka rënë rreth orës 16:30 minuta, raportojnë mediat shqiptare.
Banorë të zonës sapo kanë parë flakët gjigande dhe tymin kanë njoftuar forcat e zjarrfikëseve. Në vendgjarje mbërriti fillimisht vetëm një zjarrfikëse që nisi menjëherë nga puna për lokalizimin e flakëve dhe më pas disa të tjera.
Policia nisi menjëherë nga evakuimi i banorëve që kishin banesat pranë magazinës së fishekzjarreve. Mësohet se zjarri po përparon dukshëm dhe për shkak të lëndës që ndodhet në magazinë që përshpejton flakët e zjarrit duke u dhënë përmasa tepër të mëdha. Herë pas herë dëgjohen shpërthime të fuqishme të fishekzjarreve që po digjen brenda magazinës.
7 zjarrfikëse nga Tirana dhe nga Durrësi kanë mbërritur në vendgjarje dhe po tentojnë të lokalizojnë flakët. 3 zjarrfikëse janë pranë një pike karburanti që ndodhet në zonë dhe po luftojnë të mbajnë larg zjarrin.
Nuk dihen ende shkaqet e zjarrit, ndërsa mësohet se aktualisht nuk ka asnjë të dëmtuar nga ky incident.
Kreu i zjarrfikëseve të Tiranës, Dilaver Laci konfirmoi se situata me zjarrin në magazinën e fishekzjarreve është serioze, raporton BalkanWeb.
“Përberja e materialeve që përmban magazina vështirëson punën e zjarrfikëseve për shuarjen e flakëve. Nuk ka të dhëna për viktima. Shtënllungat e tymit janë tepër gjinagnde dhe për këtë arsye në evakkuam banorët e zonës. Po punojmë që flakët të mos mbërrijnë drejt banesave”.

[Adriana]

Tragjedi në Tiranë, shuhet familja

Një ngjarje tragjike ndodhi orët e para të mëngjesit në Tiranë, ku një familje u shua nga flakët që përpinë banesën e tyre, një apartament i ndodhur në katin e tretë të një pallati në rrugën “Hoxha Tahsim”.
Genc dhe Florida Spahiu, 35-vjeç, së bashku me vajzën e tyre 4-vjeçare Jona, nuk mundën të dilnin në kohë nga banesa dhe humbën jetën mes zjarrit. Ndërhyrja e vonuar e zjarrëfikëseve arriti të shpëtonte vetëm vajzën e dytë të mitur të çiftit, 3-vjeçaren Dea Spahiu.
Ndonëse është ende herët dhe policia nuk ka një version zyrtar mbi shkaqet që shkaktuan këtë tragjedi, pistat e para bëjnë të besohet se ishte shpërthimi i një bombole të gazit ai që ndezi flakët.
Pasiguria ndaj zjarreve dhe mungesa e mjeteve të sofistikuara zjarrëfikëse është një shqetësim i madh në qytetet shqiptare. Vetëm një ditë më parë, të shtunën, një banesë u shkrumbua tërësisht në lagjen muzeale të Beratit, duke vendosur në rrezik dhe shumë banesa të tjera përreth, ndërsa më parë gjatë muajit, një zjarr i fuqishëm shkaktoi dëme të mëdha materiale teksa përfshiu një treg të madh në Tiranë.


http://www.gazetajone.com/2011/12/04/tr ... t-familja/

[Adriana]

Nje fillim jo i mire 2012-ta per dy te moshuarit nga Gjirokatra.

Gjirokastër, zjarri djeg banesën, vdesin të moshuarit

Ngjarja ndodhi në fshatin Dhoskat të Gjirokastrës, ku si pasojë e një zjarri të rëndë, kanë gjetur vdekjen shtetasit Sotir Stoja 80 vjeç dhe gruaja e tij 75 vjeçare Angjelina.

Ata ndodheshin të vetëm në banesë, teksa flakët e kanë shkrumbuar plotësisht ndërtesën. Dyshohet se shkak i zjarrit ka qenë një shkëndijë elektrike në ngrohësen që dy të moshuarit kishin ndezur. Trupat pajetë janë nxjerrë nga forcat zjarrfikëse.

[Arbëri]

RREZIKOHEN JETET E BASHKEKOMBASVE TANE NE VERI TE SHQIPERISE !!

Nga orteku i borës në Restelicë të Dragashit 9 të vdekur.
Gjenden edhe dy trupa të pajetë, shkon në 9 numri i të vdekurve

(I Plotësuar) - Lajmet e fundit që vinë nga Restelica bëjnë të ditur se ekipet e shpëtimit kan gjetur edhe dy trupa të pa jetë nga tre persona sa ishin të ngujuar në borë, duke quar numrin në 9 të vdekur. Ndërkohë po vazhdojnë kërkimet edhe për një të ngujuar.

Po vazhdon me intensitet të lartë kërkimi edhe për 3 persona të ngujuar pas Ortekut. Nga raportimet e fundit bëhet e ditur se përkundër pastrimeve të mëdha të borës ende nuk janë gjetur gjurmë nga 3 të ngujuarit.

Përveç numrit të madh të prestarëve të FKS-së në kërkimet që nga mëngjesi janë bashkangjitur vullnetarisht edhe shumë qytetarë të cilët po kërkojnë edhe 3 të ngujuarit. Mësohet se bëhet fjalë për një burrë, grua dhe një fëmijë.

Vazhdon kërkimi i tre të ngujuarve

Ndërkohë zyra e kryeministrit ka njoftuar se Kryeministri Hashim Thaqi në orën 11: 30 do të vizitoj Fshatin Restelicë.

Rreth orës 8:00 të mëngjesit njësitet e FSK-së kanë rinisur kërkimet edhe për 3 të ngujuarit të tjerë nga orteku i djeshëm që ka goditur fshatin Restelicë të Dragashit. Por fryma të mëdha po vështirojnë shkuarjen deri të vendi i ngjarjes. Kërkimet ishin ndërprerë rreth orës 03:00 të mëngjes për shkak të motit të keq ndërsa ato tashmë kanë riflliuar.

Në Restelicë të Dragashit, Shtatë të vdekur nga orteku i borës

Salim Jenuzi, kryetar i Komunës së Dragashit deklaroi se të gjitha viktimat janë të familjes Reka.

Më herët ekipet e shpëtimit kanë arritur të nxjerrin personin e parë me shenja jete nga dy shtëpitë e mbuluara prej ortekut të borës.

Deputeti Hamza Balje ka konfirmuar nxjerrjen e një fëmije nga njëra shtëpi në Restelicë dhe ka shtuar se ekipet e FSK-së po punojnë vazhdimisht në përpjekje për të nxjerrë edhe të mbijetuarit e tjerë të tragjedisë.

* * * * * *

Policia e Kosovës konfirmoi edhe viktimën e tretë nga orteku që ka goditur disa shtëpi në fshatin Restelicë të komunës së Dragashit.

Informacionet më të fundit nga komuna e Dragashit bëjnë me dije se ekipet që po ballafaqohen për t’i shpëtuar të mbuluarit nga bora në Restelicë, kanë nxjerrë dy persona pa shenja jete, ndërkohë që po punohet për t’i shpëtuar familjarët e tjerë që gjenden nën ortekun e borës. Shefi i policisë së Dragashit, Gëzim Zogaj, e ka konfirmuar për radion lokale ngjarjen tragjike në Restelicë, duke dhënë edhe bilancin e aksionit për shpëtim, deri në këtë orë. “Bëhet fjalë për ngërthimin e dy shtëpive të banuara nga një ortek i madh bore, ndërkohë që shtëpitë tjera, në të cilat nuk kishte banorë, nuk paraqesin urgjencë për intervenim. Deri më tani, janë nxjerrë dy kufoma, një mashkull dhe një femër, ndërkohë që dyshohet se brenda këtyre shtëpive ndodhen gjithsejtë 11 persona”

[Arbëri]

Kjo është vogëlushja e mbijetuar në Restelicë :

[Arbëri]

Bora ‘gozhdon’ veriun. Berisha: Drejt gjendjes së emergjencës

TIRANE-Kanë kaluar 12 ditë dhe në vend vijojnë problemet nga moti i keq kryesisht në zonat veriore të vendit. Harta e situatës problematike u zgjerua dje dhe në juglindje. Shume e veshtire te jepet ndihma me ushqime apo ajo mjekesore, te gjitha rruget rurale dhe shume nacionale rezultojne te bllokuara ndersa stuhite e bores veshtiresojne nderhyrjen nga ajri. Banoret i vijne ne ndihme njeri-tjetrit.

Edhe sot e vështirë situata paraqitet në Puke, Dibër, Kukës ku bora po mban të bllokuara të gjitha komunat e zonave ndersa vazhdojne stuhite e bores. Vazhdimi i reshjeve te bores po e përkeqëson gjithnjë e më tepër situatën, ndërsa nga pushteti vendor dhe forcat e policisë u kërkohet banorëve të shmangin lëvizjet deri në rihapjen e akseve rrugore. Kjo edhe për faktin se ende rreziku i rënies së orteqeve është i madh.

MINISTRIA E BRENDSHME: NË GATISHMERI, OPERACIONET DO VIJOJNË
Ora 18:05 Zëdhënësi i Minsitrisë së Brendshme nëpërmmjet një konference për mediat ka bërë të ditura operacionet e ndihmë shpëtimit në zonat e bllokuara. Sipas zëdhënësit Fatmir Konja operacionet e ndihmës dhe shpëtimit do të vijojnë në orët dhe ditët në vijim.

"Nëpërmjet angazhimit të 49 borëpastrueseve, 40 fadromave dhe disa mejteve me zinxhirë të ushtrisë, është bërë e mundur mbajtja e hapur për komunikim e të gjitha akseve kombëtare si dhe pjesa kryesore e rrugëve rurale të zonave nën reshjet e dëborës. Ekipi i helikopterëve të Ministrisë së Shëndetësisë ka realizuar 38 fluturime për transportin e qytetarëve me emergjencë shëndetësore në rrethe Tropjë, Malësi e Madhe dhe Kukës. Flota e helikopterëve të forcave të armatosuara ka realizuar 8 misione fluturimi, për furnizmini me mallra ushqimore dhe higjenike në rrethet Librazhd dhe Peshkopi. Monitorimi dhe komunikimi me të gjitha rajonet kryhet nëpërmjet kryetarëve ët Komunave me pikat e kontaktit me cdo shtab prefekture dhe me shtabin qëndror të emergjencave në numrat: 22 33 106, 22 33 090 dhe 069 41 10 198",- theksoi Konja.

Berisha ne Kukes
Gjendja emergjente ka ngritur shtetin në këmbë. Një ditë më parë ishin ministrat Petrit Vasili dhe Arben Imami që vizituan zonat veriore, kurse sot udhëtoi drejt Kukësit kryeministri Sali Berisha se bashku me 5 ministra.
Kryeministri Sali Berisha shprehu sot nga Kukësi angazhimin total të qeverisë për situatën e vështirë të krijuar nga moti i keq, me reshje dëborë, në zonën veriore, verilindore dhe atë juglindore.
Në mbledhjen e Komitetit Ndërministror të Emergjencës, të zhvilluar në Prefekturën e Kukësit, Berisha tha se "ka kohë që reshje në sasi të tilla nuk janë parë edhe në këtë zonë. Pasojat e këtyre reshjeve, që janë të vazhdueshme kanë krijuar vështirësi për banorët e zonës veriore, verilindore dhe juglindore. Është një dimër ndër më të mëdhenjtë dhe me agresivitet të madh, që ka përfshirë dhe Evropën".
Duke u ndalur tek problemet e krijuara në zonë, Berisha tha se "në Shqipëri janë krijuar probleme veçanërisht nga dita e djeshme. Dëbora ka bllokuar rrugët, ka humbur jetën dhe një shtetas si pasojë e ngricave".

Kryeministri Berisha theksoi që "është situata që qeveria të shpallë gjendjen e emergjencës civile, pasi për eleminimin e pasojave duhen mjete më të mëdha".
Berisha kërkoi gjithashtu që në çdo moment helikopterët të jenë në gatishmëri të plotë, nga ushtria që të merret rol kryesor dhe repartet e saj të vendosen në zonat më problematike.
"Në çdo moment skuadra e helikopterëve duhet të jetë në gatishmëri të plotë. Të gjitha furnizimet duhet të jenë të paketuara dhe të gatshme. Duhet të shfrytëzojmë çdo dritare të mundshme kohe. Ushtria, pas shpalljes së gjendjes së emergjencës, duhet të marrë një rol kryesor në përballimin e situatës, në rast se është e nevojshme dhe mund të jenë të nevojshme, reparte dhe njësi të saj të zhvendosen këtu, të sistemohen në shkolla a mjedise të tjera, në mënyrë që të jenë gjithnjë në bashkëpunim të ngushtë me autoritetet e qeverisjes vendore. Po kështu, edhe policia e shtetit".

Kryeministri i shprehu ngushëllime familjes Qarri për humbjen e njeriut të tyre të dashur, ndërsa theksoi se "duhet të bëjmë gjithçka për mbrojtjen e jetës, pasi pasojat e borës kërkojnë angazhimin total të qeverisë".
Berisha kërkoi nga kryetarët e komunave identifikimin e familjeve me rrezik të lartë dhe dhënien e ndihmës së tyre sa më shpejt ndërsa u bëri thirrje qytetarëve për solidaritet për kapërcimin e pasojave të këtij dimri.
Berisha përmendi gjithashtu dhe faktin që një nënë e re nga Kolosjani është transportuar për të lindur. "Është e domosdoshme që qendrat shëndetësore të jenë të parat për furnizim me medikamente dhe të vendoset mami pranë tyre".

Prefekti Elez Maçi bëri një rezume të situates në fillim të takimit, duke theksuar se të gjitha rrugët janë të bllokuara veç autostradës Kukës-Morinë.
Të pranishëm në këtë mbledhje ishin Ministri i Brendshëm Bujar Nishani, Ministri i Punëve Publike, Transportit dhe Telekomunikacionit Sokol Olldashi, Ministri i Shëndetësisë Petrit Vasili, Ministri i Arsimit dhe Shkencës Myqerem Tafaj, Ministri i Mjedisit, Pyjeve dhe Administrimit të Ujërave Fatmir Mediu, Ministri i Mbrojtjes Arben Imami, deputetë të zonës, Prefekti i Kukësit, kryetarë të komunave të këtij qarku dhe përfaqësues të tjerë vendorë.

Qeveria mbledhje ne oren 20:00
Kreu i qeverise ka parashikuar në orën 20:00 mbledhje qeverie ku do të diskutojë rreth problematikës në vend krijuar nga situata me dimrin e ashpër. Pritet që gjatë kësaj mbledhje, kryeministri të shpallë gjendjen e emergjencës në zonat verilindore dhe juglindore të vendit.
Situata sot Kukës
Në Kukës vijojnë ende reshje bore, por me intensitet më të ulët. TVNews24 njofton se frikë orteqet në zonat e Kukësit janë të shpeshtë ndaj rekomandohet kujdes.
Për shkak të bllokimit total të rrugëve, banorët e kanë patur të vështirë të lidhen më qytetin për furnizim me ushqime dhe ilace.
Një familje në një fshat të Pukës ka patur një emergjencë gjatë natës. Familja Shpata kanë patur gjyshen 80 –vjecare sëmurë. Por, për shkak të pamundësisë së qarkullimit në rrugë automobilistike dhe ajore për shkak të kushteve të vështira atmosferike, asnjë mjek nuk ka hyrë në zonat ku ka patur emergjencat. Janë vetëm banorët që i vijnë në ndihmë njëri-tjetrit.
Trashësia e borës në Kukës ka arritur rreth 3 m.

Puke
Dimri i ashpër që ka mbërthyer prej ditësh veriun e vendit duke shkaktuar probleme të ëmdha tek banorët e këtyre zonave. Puka e izoluar nga bora po vuan mungesën e ujit të pijshëm pasi temperaturat e ulëta kanë shkaktuar ngrica në tubacione.
Zona të tëra në Pukë rezultojnë të bllokuara pasi rrugët hyrëse dhe dalëse nacionale janë tërësisht të bllokuara nga bora.
Në qytet trashësia e borës ka arritur 1m e gjysëm kurse në fshatra rreth 3 metër.
E vështirë po bëhet situata dhe në furnizimin me ushqime. Furrat e bukës në Pukë po ndiejnë mungesën e furnizimit me miell

Dibër
Komuna të tëra në qarkun e Dibrës rezultojnë të bllokuara. Sot paradite në qarkune Dibrës ka nisur borë e shoqëruara me stuhi duke parashikuar një ditë tjetër të vështirë. Banoret kane patur emergjenca te ndryshme, por e pamundur nderhyrja e mjekeve ne zonat e thella malore. Fshatra te tera qe deri dje kishin nderprere komunikimin me qytetin, sot nuk arrijne te lidhes as me tyre.
Rreth mesditës u hap rruga Peshkopi-Tiranë që ishte bllokuar prej orëve të para të mëngjesit për shkak të borës së rënë. Rruga ishte bllokuar në 3 pika, kurse tani njoftohet se kalimi i automjeteve kryhet me vështirësi, por me zinxhirë.

Juglindje
Vështirësi raportohen dhe nga zona e juglindjes së vendit në Korcë e Pogradec ku bora po bie edhe sot me intensitet të madh. Në qarkun e Korçës që prej disa ditësh vijojnë të mbeten të bllokura disa prej komunave, ndërsa dita e shtunë ka zgjeruar edhe më tej izolimin e tyre.
Sipas Shtabit të Emergjencave Civile pranë Prefekturës së Korçës, komuna e Çlirimit në rrethin e Kolonjës dhe komuna e Lekasit në rrethin e Korçës, të cilat u izoluan disa ditë më parë, vijojnë të mbeten të bllokuara pa asnjë mundësi qarkullimi për automjetet dhe njerëzit. Natën e së shtunës u bllokua edhe komuna e Trebinjës në rrethin e Pogradecit dhe Komuna e Liqenasit në rrethin e Korçës.
Vështirësi të shumta paraqet Qafa e Thanës, veçanërisht për mjetet e rënda, ndërsa është bërë e pakalueshme rruga nga Kapshtica në drejtim të Kozanit në Greqi.

Të bllokuara pikat turistike
Ndërkohë mbetet e bllokuar rruga, që lidh Boboshticën me pikën turistike të Dardhës dhe rruga që lidh Korçën me pikën turistike të Moravës. Probleme paraqesin edhe segmentet rrugore Sovjan- Petrushë, Korçë-Ersekë dhe Korçë- Lozhan, ku edhe pse në këto akse, qarkullimi mund të kryhet me zinxhirë, segmente të caktuara të tyre paraqesin vështirësi serioze, pasi rruga mbulohet vazhdimisht nga dëbora, që sjellin erërat e vrullshme. Në disa zona si në fshatrat e komunës Dardhas, në fshatrat e rrethit Kolonjë, në fshatrat e komunës Progër dhe në komunën e Mirasit në rrethin e Devollit ka patur ndërprerje të energjisë elektrike në disa zona.
Gjatë natës të së shtunës ndërprerje të energjisë elektrike pati edhe në qytetin e Korçës dhe në atë të Pogradecit.

Por sipas parashikimit të motit kjo gjendje do të zgjasë. Pritet që edhe në ditët në vijim qarkullimi i automjeteve të mbetet problematik.
Situata që po vijon prej ditësh ka shkaktuar emergjenca në shëndet dhe ushqime. Qeveria aktualisht ka ngritur shtab emergjence dhe po operon me ndihma ushqimore nga toka dhe ajri.

BORA I BLLOKOI, VDES NJË PREJ KUSHËRINJVE
Për rreth 30 orë kanë qëndruar në një bunker të kohës së Enverit për t’i shpëtuar vdekjes nga i ftohti dhe sulmit të kafshëve të egra. Kushërinjtë Isa dhe Myrteza Qarri nga rrethi i Hasit u gjetën mbrëmë nga të afërm dhe bashkëfshatarë të tyre pa ndjenja në bunker, gjysmë të ngrirë. Vetëm pas rreth 40 orësh në mal, mes dëborës dhe lukunisë së ujqërve, ata u transportuan për në spitalin e qytetit të Krumës. Burime zyrtare nga Prefektura e Kukësit bëjnë me dije se për shpëtimin e dy kushërinjve, përkatësisht 45 dhe 35 vjeç u mobilizuan 60 burrat më të fuqishëm të zonës. Vetëm pak minuta pas mbërritjes në spitalin e qytetit të Krumës, Isa Qarri ka ndërruar jetë, ndërsa kushëriri i tij ndodhet jashtë rrezikut për jetën.
Ata kishin udhëtuar drejt malit Oplas për të vendosur një antenë interneti. (shkeputur nga Gazeta Shqiptare).