Shirat, rikthehen përmbytjet (video)
Posted: Sun Oct 11, 2015 2:13 pm
Te jetosh nen uje per shqiptaret tashme eshte refren i çdo vjeshte.... Ne kete teme( kliko ketu ) jan shenuar te gjitha problemet e stines se vjeshtes dhe dimrit ne shqiperi qe nga viti 2009-2010-2011-2012,... Sot jemi 11-TETOR -2015 dhe problemet vazhdojne perseri!....
Faji i shiut, apo i shtetit?
Faji i shiut, apo i shtetit?
VIDEO: Përmbytjet, pamje të frikshme vijnë nga Vlora
11-Tetor-2015: Gjendje katastrofe civile është aktualisht në Vlorë dhe ende askush nuk ka marrë përgjegjësi. Të dhënat nga Vlora janë të frikshme. 80% e territorit të Vlorës është nën ujë e baltë. Janë më shumë se 200 shtëpi të përmbytura. Një i vdekur në Radhimë.
Vlora duket se është kthyer në një ishull duke u izoluar nga pjesa tjetër e Shqipërisë. Pamjet që vijnë nga qyteti bregdetar janë të frikshme. Makina të zhytura në ujë në mes të qytetit dhe njerëz që deri në mes janë të mbuluar nga uji.
Thirrjet për ndihmë që vijnë nga Vlora duket se ende nuk kanë mbërritur në Tiranë, që të dëgjohen nga qeveria që duket se ja ka lënë përgjegjësinë vetëm Ministrisë së Bujqësisë. Qindra banorë janë të izoluar në banesa. Mungon buka, uji i pijshëm dhe energjia elektrike, bën të ditur “Vlora Neës”.
Ndërsa ende askush nuk ka dërguar ndihma dhe kryeministri që është edhe deputeti i zonës, nuk ka ndërmarrë aksione për situatën e rëndë.
