"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

Rusia paralajmeron me lufte

Këtu mund të diskutoni për të gjithë fenomenet që shqetësojnë mbarë botën dhe që janë bërë objekt i shtypit dhe medias ndërkombëtare.

Moderator: ALBPelasgian

Post Reply
User avatar
Adriana
Universe Member
Universe Member
Posts: 3196
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Rusia paralajmeron me lufte

#1

Post by Adriana » Sat Aug 01, 2009 9:00 pm

Rusia paralajmeron me lufte Gjeorgjine


Moska rezervon të drejtën të përdorë forcën nëse Gjeorgjia vazhdon provokimet e saj në Kaukaz, një javë para një vjetorit të shpërthimit të konfliktit në verë të vitit 2008 mes Rusisë dhe Gjeorgjisë, deklaroi sot ministri rus i Mbrojtjes.

Ministria ruse e Mbrojtjes akuzoi Gjeorgjinë se kishte hedhur mortaja dhe granata herë pas here gjatë katër ditëve të fundit kundër kryeqytetit të rajonit rebel të Osetisë së Jugut të cilës Moska i ka njohur pavarësinë."Nëse këto provokime, që përbëjnë një kërcënim për popullsinë e Osetisë së Jugut dhe ushtarët rusë, vazhdojnë, Ministria e Mbrojtjes rezervon të drejtën të përdorë forcën dhe çdo mjet që disponon'', thuhet në komunikatë e Ministrisë ruse të mbrojtjes.


01 / 08 / 2009
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



User avatar
Adriana
Universe Member
Universe Member
Posts: 3196
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Re: Rusia paralajmeron me lufte

#2

Post by Adriana » Tue Aug 11, 2009 7:59 pm

Kievi zhgënjehet nga deklaratat e presidentit rus


Moskë - Ministri i Jashtëm ukrainas, Vladimir Khandoghi u shpreh sot i zhgënjyer lidhur me vendimin e presidentit rus Dimitri Medvedev për shtyrjen e afatit të dërgimit të ambasadorit të ri rus në Kiev.
"Një vendim i tillë nuk më fyen personalisht, por shkakton një lloj zhgënjimi sepse prania e diplomatëve, përfshi ambasadorët, është më mirë sesa mungesa e tyre", shpjegoi Khandoghi, duke theksuar se megjithatë nuk ekzistojnë limite kohore për aprovimin dhe dërgimin e një ambasadori.

Shefi i diplomacisë ukrainase deklaroi më tej se do të jetë vetë presidenti ukrainas, Viktor Yushçenko, i cili do t'i përgjigjet mesazhit me të cilin Medvedev sulmoi hapur kryetarin e shtetit.
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



User avatar
Adriana
Universe Member
Universe Member
Posts: 3196
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Re: Rusia paralajmeron me lufte

#3

Post by Adriana » Wed Aug 12, 2009 9:49 am

Putin: Gjeorgjia duhet të ketë nxjerrë mësim nga lufta




Moskë - Kryeministri i Rusisë, Vladimir Putin, tha se Gjeorgjia duhet të ketë nxjerrë mësime për rreziqet e përdorimit të forcës nga lufta e vitit të kaluar me Rusinë.
Javën e kaluar, Rusia dhe Gjeorgjia shënuan njëvjetorin e luftës për rajonin separatist të Osetisë së Jugut. Më vonë, Rusia e njohu pavarësinë e Osetisë së Jugut dhe të Abkhazisë.

Putin tha se me lidershipin aktual të Gjeorgjisë “është e pamundur të përjashtohet gjithçka”, por tërhoqi vërejtjen se me praninë e shtuar ushtarake ruse, çdo përpjekje për përdorimin e forcës kundër provincave rebele do të ishte “shumë më e vështirë”.
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



User avatar
Sally
Galactic Member
Galactic Member
Posts: 2062
Joined: Tue Jun 09, 2009 2:36 pm
Gender: Female

Re: Rusia paralajmeron me lufte

#4

Post by Sally » Wed Aug 12, 2009 6:42 pm

Dilemat e Brukselit e shndërruan luftën e Gjeorgjisë në turpin e Perëndimit


Fati i Gjeorgjisë duket se është përcaktuar, si pasojë e hidhërimit të Moskës për shkak të njohjes së pavarësisë së Kosovës në shkurt të vitit 2008. Njohja e Kosovës nga ana e Perëndimit është një çështje, ndërsa injorimi i kërcënimeve të Rusisë për njohjen e pavarësisë së rajoneve separatiste të Abhazisë dhe të Osetisë së Jugut është një çështje tjetër



Isha lufta e turpit e Evropës. Ajo zbuloi një BE të përçarë në mënyrë të pashpresë, të konsumuar nga debatet e panumërta në lidhje me Traktatin e Lisbonës, port ë paaftë apo të pavullnetshme për të gjetur një zë të përbashkët për të dënuar invadimin. Pikërisht me fillimin e Lojërave Verore Olimpike para një viti, tanket ruse hynë në Gjeorgji. Kryeministri i Rusisë, Vladimir Putin dhe presidenti i SHBA-së, George Bush, ishin në Pekin, për të marrë pjesë në ceremoninë e hapjes të këtyre lojërave, në momentin kur forcat e armatosura të Gjeorgjisë, pas javëve të tëra të incidenteve të armatosura, sulmuan enklavën e Osetisë së Jugut, duke nxitur kështu rrjedhën e ngjarjeve, të cilat më pas do të cilësohen me termin Lufta Olimpike.



Incidentet para fillimit të invadimit mbesin të turbullta. A kishte njoftuar presidenti i Gjeorgjisë, Mikhail Sakashvili, Washingtonin për planin e tij për të pushtuar Osetinë e Jugut? A kishin urdhëruar rusët njësitë në Osetinë Jugore që të hapin zjarr kundër paqeruajtësve gjeorgjianë, në kuadër të kurthit të përgatitur mirë?



Rusia ishte e gatshme. Fati i Gjeorgjisë duket se është përcaktuar, si pasojë e hidhërimit të Moskës për shkak të njohjes së pavarësisë së Kosovës në shkurt të vitit 2008. Njohja e Kosovës nga ana e Perëndimit është një çështje, ndërsa injorimi i kërcënimeve të Rusisë për njohjen e pavarësisë së rajoneve separatiste të Abhazisë dhe të Osetisë së Jugut është një çështje tjetër. Luftimet në Gjeorgji përfunduan ende pa nisur mirë Lojërat Olimpike-pesë ditë të cilat shokuan botën, apo së paku e tronditën atë.



Gushti ka qenë gjithmonë një muaj i vështirë në politikë. Lufta e madhe, invadimi pranveror në Pragë, puçi i dështuar në Rusi dhe invadimi i Irakut në Kuvajt janë të gjitha këto ngjarje, të cilat kanë ndodhur gjatë ditëve të nxehta. Sikur edhe në vitin 1914, lufta në Gjeorgji dëshmoi se grindjet lokale mund të shndërrohen në një luftë mes gjigantëve ushtarakë. Por e vërteta është se gjatë luftës vitin e kaluar Gjeorgjia është braktisur dhe se Evropa dhe SHBA-ja është dashur të jenë më të vendosura në reagimet e tyre, pa rrezikuar me këtë rast paqen rajonale.



Në Pekin, në momentin kur filluan të qarkullojnë lajmet se forcat gjeorgjiane kishin hyrë në Osetinë e Jugut, Putini arriti të sigurojë garancitë e Bushit se SHBA-ja nuk do të përfshihet. Në këtë mënyrë u hap fusha për Putinin, duke I ofruar atij mundësinë që në njëfarë mënyre të hakmerret për humbjen e Rusisë gjatë Luftës së Ftohtë, e cila sipas fjalëve të tij “ka qenë katastrofa më e madhe e shekullit XX”. Dhe kështu Rusia invadoi në një shtet evropian, për herë të parë që nga viti 1968. Vitet ‘90, nën kryesimin e Boris Jeltsinit, ishin periudhë e turpërimit të Rusisë, një dekadë e turpit për Putinin, gjatë së cilës Rusia e dobësuar ishte e detyruar të pranojë ndihmat ekonomike të perëndimit dhe u desh të pajtohet me anëtarësimin e ish-shteteve anëtare të Paktit të Varshavës në NATO.



Gjeorgjia ishte mundësia e Putinit për të ndërruar gjendjen. Por pse Putini rrezikoi aq shumë? Me këtë rast rëndësi kishte edhe e kaluara, por lufta në Gjeorgji nuk kishte të bënte vetëm me Gjeorgjinë apo me statusin e reduktuar të Moskës. Kishte të bënte më shumë me Ukrainën dhe portin gjeorgjian, Poti, sesa që kishte të bënte me Abhazinë ose Osetinë e Jugut. Ukraina kishte bërë të qartë se nuk do ta ripërtërijë më kontratën për t’ia lëshuar Rusisë me qira bazën detare Sevastopol, në Detin e Zi, pas skadimit të kontratës në vitin 2017. Por rusët e kanë agjendën e tyre. Prefekti i Moskës, Yuri Luzhkov, dikur e pat cilësuar Sevastopolin si “një rajon të Moskës”. Ai gjithashtu kishte kërkuar që Gadishulli i Krimesë t’i kthehet Rusisë. “Ne nuk kemi vendosur para vetës synimin për t’u larguar nga Sevastopoli”, theksoi muajin e kaluar gjenerali rus, Nikolai Makarov, duke shtuar: “Ne synojmë të ndërtojmë komplekse të reja në Detin e Zi, në afërsi të Novorosiskit”. Madje edhe nëse rusët do të largoheshin nga Sevastopoli dhe do të vendoseshin disa qindra kilometra më larg, në Novorosisk, është vështirë të paramendohet se Moska do të lejonte shtetet anëtare të NATO’s që të shfrytëzojnë portin Poti, i cili gjendet 500 kilometra larg Novorosiskit. Gjatë luftës në Gjeorgji, edhe NATO-ja ishte tejet e përçarë. Në prill të vitit 2008, disa muaj para fillimit të invadimit, Gjermania dhe Franca kundërshtuan SHBA-në dhe Britaninë, duke bllokuar negociatat e Gjeorgjisë për anëtarësim në NATO. Kjo përçarje u vërejt edhe në Moskë. Porti i Potit, nën kontrollin apo ndikimin indirekt të Rusisë, siç është tani, do t’i lejojë Moskës që të shtojë trysninë ndaj Ukrainës dhe të forcojë qytetarët rusë në Krime. Nëse Ukraina nga këndvështrimi rus bëhet tejet pro-perëndimore, atëherë Krimea mund të jetë Osetia e Jugut e radhës.
Nuk jam vrasës, jam student shqipëtar, vrava një tradhtar të Atdheut tim.
(Avni Rustemi)

User avatar
Sally
Galactic Member
Galactic Member
Posts: 2062
Joined: Tue Jun 09, 2009 2:36 pm
Gender: Female

Re: Rusia paralajmeron me lufte

#5

Post by Sally » Thu Aug 13, 2009 2:03 pm

SHBA kritikojnë Rusinë: Gabuat me Ukrainën


Uashington - Shtetet e Bashkuara të Amerikës kanë thënë se akuzat e presidentit rus Dmitri Medvedev i cili tha se Kievin me aspiratën për hyrje në NATO, po përkeqëson raportet bilaterale nuk do të ndihmojnë raportet e mira fqinjësore.
“Është e rëndësishme për Ukrainën dhe Rusinë që të kenë marrëdhënie konstruktive. Ukraina ka të drejtë të bëjë zgjedhjet e veta dhe ne ndjejmë se ka të drejtë t’i bashkohet NATO-s nëse kështu zgjedh”, tha zëdhënësi i Departamentit Amerikan të Shtetit Filip Kraulli.

Një këshilltare e lartë e Jushçenkos, Vera Ulijançenko e ka cilësuar letrën e Medevedevit si agresive duke shtuar se lidershipi rus po shndërrohet në peng të komplekseve të vjetra perandorake.
Nuk jam vrasës, jam student shqipëtar, vrava një tradhtar të Atdheut tim.
(Avni Rustemi)

User avatar
Adriana
Universe Member
Universe Member
Posts: 3196
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Re: Rusia paralajmeron me lufte

#6

Post by Adriana » Thu Aug 13, 2009 4:25 pm

Jushçenko: Akuzat e Rusisë, 'jo miqësore'




KIEV- Presidenti ukrainas Viktor Jushçenko hodhi sot poshtë akuzat për politika anti-ruse, që shefi i Kremlinit, Dmitry Medvedev i bëri përmes një letre të hapur dy ditë më parë.
Deklaratat e Medvedev, i cili shprehej gjithashtu se shpresonte në ardhjen e një lideri të ri në Ukrainë, shënojnë një krizë të re në marrëdhëniet midis dy vendeve dhe ndërkohë analistët politikë i konsideruan ato si përpjekje të Moskës për të ndikuar në zgjedhjet e ardhshme presidenciale në Ukrainë.
"Për të qenë i sinqertë, jam shumë i zhgënjyer nga karakteri jo miqësor i saj", deklaroi Jushçenko lidhur me letrën e Medvedev.
"Nuk mund të mos pranoj se ekzistojnë probleme serioze në marrëdhëniet mes dy vendeve tona, por është befasuese se si presidenti rus përpiqet të shmangë plotësisht përgjegjësinë e Rusisë për këtë", theksoi Jushçenko përmes një deklarate.
Jushçenko, i ardhur në pushtet përmes Revolucionit properëndimor Portokalli në vitin 2004, ka irrituar Moskën për shkak të aspiratave të tij për anëtarësimin e Ukrainës në NATO dhe këmbënguljes që Rusia të lirojë bazën e saj detare të flotës së Detit të Zi, të vendosur në gadishullin ukrainas të Krimesë.
Shefi i kabinetit të presidentit Jushçenko, deklaroi dje se "Rusia mbetet peng i së kaluarës së saj perandorake dhe e ka për kënaqësi të nxisë dhe fyejë fqinjët e saj".
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



User avatar
Sally
Galactic Member
Galactic Member
Posts: 2062
Joined: Tue Jun 09, 2009 2:36 pm
Gender: Female

Re: Rusia paralajmeron me lufte

#7

Post by Sally » Tue Sep 22, 2009 1:46 pm

Adriana wrote:
Rusia paralajmeron me lufte Gjeorgjine


Moska rezervon të drejtën të përdorë forcën nëse Gjeorgjia vazhdon provokimet e saj në Kaukaz, një javë para një vjetorit të shpërthimit të konfliktit në verë të vitit 2008 mes Rusisë dhe Gjeorgjisë, deklaroi sot ministri rus i Mbrojtjes.

Ministria ruse e Mbrojtjes akuzoi Gjeorgjinë se kishte hedhur mortaja dhe granata herë pas here gjatë katër ditëve të fundit kundër kryeqytetit të rajonit rebel të Osetisë së Jugut të cilës Moska i ka njohur pavarësinë."Nëse këto provokime, që përbëjnë një kërcënim për popullsinë e Osetisë së Jugut dhe ushtarët rusë, vazhdojnë, Ministria e Mbrojtjes rezervon të drejtën të përdorë forcën dhe çdo mjet që disponon'', thuhet në komunikatë e Ministrisë ruse të mbrojtjes.


01 / 08 / 2009





Gjeorgji, ngritet 'Muri i Berlinit'


Personalitete të njohura evropiane kanë ngritur shqetësimin se një mur i ri Berlini po ngrihet në Gjeorgji me aneksimin de facto të dy rajoneve nga Rusia.

Shqetësimi u bë publik përmes një letre të hapur, të botuar në gazetat evropiane, e të nënshkruar nga ish presidenti i Çekisë Vaslav Havel, eurodeputeti Daniel Cohn-Bendit dhe filozofët francezë Andre Glukman dhe Bernard Henri Levi.

“Në Gjeorgji është në lojë integriteti i Evropës. 20 vite pas emancipimit të gjysmës së kontinentit, një mur i ri po ngrihet në Evropë, këtë rradhë në territorin sovran të Gjeorgjisë”, shkruhet mes të tjerash në letrën e hapur.

Letra kërkon nga BE-ja të “përcaktojë një strategji aktive për të ndihmuar Gjeorgjinë që në mënyrë paqësore të rifitojë integritetin territorial dhe të largojë trupat ruse të vendosura ilegalisht në Gjeorgji
Nuk jam vrasës, jam student shqipëtar, vrava një tradhtar të Atdheut tim.
(Avni Rustemi)

qiellikaltër
Honored Member
Honored Member
Posts: 358
Joined: Sat Jul 18, 2009 6:22 pm
Gender: Female
Location: Shqipëri

Lëshimi i parë i Obamës ndaj Rusisë

#8

Post by qiellikaltër » Tue Sep 22, 2009 2:01 pm

Ky artikull Nga Petrit Haliti, "Gazeta Shqiptare" dt 21.09.2009, diskuton rrethanat dhe pasojat e terheqjes se Amerikes nga ndertimi i mburojave antirakete ne Poloni e Ceki.
Po shkepus:
Në radhë të parë, efektet e tij mund të jenë në raportet e besueshmërisë së vendeve dhe të opinionit publik europian në politikën atlantike dhe europiane të administratës së re të SHBA-së. Nuk mund të thuhet se kuota e besueshmërisë ndaj politikes atlantike amerikane do të jetë e njëjtë me atë të para marrjes së këtij vendimi. Le të marrim fillimisht dy shtetet, ku ishte planifikuar të dislokoheshin interceptorët dhe radari i mburojës amerikane antiraketë, Polonia dhe Republika Çeke. Qeveritë e këtyre dy shteteve dhanë miratimin për vendosjen e mburojës antiraketë, ndonëse e njihnin kundërshtimin dhe presionin e madh të Rusisë ndaj tyre për të mos pranuar mburojën amerikane. Një pjesë e opinionit publik dhe disa parti politike, sidomos në Republikën Çeke, organizuan fushatë pas fushatash, disa prej të cilave të sponsorizuara nga Rusia, për të penguar vendosjen e mburojës antiraketë të Amerikës. Qeveria amerikane nënshkroi edhe marrëveshje zyrtare me Varshavën dhe Pragën vitin e kaluar, për dislokimin e mburojës antiraketë. Si Polonia, ashtu dhe Republika Çeke, e shihnin vendosjen e mburojës antiraketë amerikane, si një garanci e sigurisë së tyre edhe ndaj politikës dhe strategjisë së Rusisë për rivendosjen e influencës së saj në zonat e dikurshme të influencës të ish-Bashkimit Sovjetik. Qeveria amerikane nuk hoqi dorë nga planet e vendosjes së mburojës antiraketë, edhe kur Kremlini kërcënoi se si përgjigje do të vendoste edhe ai mburojën e vet antiraketë në Kaliningrad, enklava ruse mes dy shteteve anëtare të NATO-s, edhe kur Vladimir Putin kërcënoi se do të fuste përsëri në objektivat e raketave ndërkontinentale ruse kryeqytetet e shteteve europiane. Tani befas, edhe Polonia, edhe Republika Çeke, mësojnë se Shtëpia e Bardhë, në mënyrë të njëanshme heq dorë nga marrëveshjet që ka nënshkruar me këto dy shtete për mburojën antiraketë, dhe i jep kënaqësi presionit rus. Partitë dhe forcat proatlantike e proamerikane në këto dy shtete u gjetën befas në një pozitë tepër të pafavorshme në sytë e opinionin e tyre publik, dhe kjo nuk mund të mos ndikojë në nivelin e përkrahjes proatlantike në popujt e këtyre dy shteteve. Kjo që ndodhi inkurajon forcat proruse në këto dy shtete, që të rrisin ofensivën e tyre politike dhe presionin kundër pranisë dhe pjesëmarrjes në Aleancën Atlantike. Lëshimi i ri i Obamës mund të sjellë një dobësim të forcave proatlantike dhe proamerikane në shkallë kontinenti. Sepse ky vendim do të konsiderohet si një shenjë dobësie e Amerikës përballë kërkesave të Rusisë. Nuk duhet harruar se ndeshja strategjike për mburojën antiraketë u zhvillua në Europë, dhe kostoja politike e diplomatike do të paguhet nga Europa. Në një farë kuptimi, shtetet europiane, dhe sidomos ato që vijnë nga ish-regjimet komuniste dhe nga ish-Traktati i Varshavës, dhe që e njohin shumë mirë Rusinë, nuk mund të mos ndjehen si të zbuluar dhe mos u shkojë nëpër mend ndjenja e hidhur e një kohe të kapërcyer, kur ato ishin zona influence të Bashkimit Sovjetik dhe ato kontrolloheshin nga Moska. Miratimi i vendosjes së mburojës antiraketë në Poloni dhe në Republikën Çeke, ka qenë akt sovran i qeverive të atyre shteteve, në përputhje me stabilitetin dhe me interesat e tyre të sigurisë. Tani, situata e re i vendos ato në një pozitë edhe më të dobët përballë Rusisë. Pas kësaj, Rusia mund të inkurajohet të avancojë pretendime të tjera në marrëdhëniet me ish-shtetet komuniste të Europës Lindore, sepse mund të ndjehet e stimuluar nga hapi i ri i presidentit Obama. Ajo që e bën më të paqartë arsyetimin e përkrahësve të vendimit të presidentit amerikan, është fakti se heqja dorë nga mburoja antiraketë bëhet në një kohë, kur strategjia e Rusisë dhe ambiciet e Kremlinit për influencë globale po shpalosen më fort se kurrë. Nuk duket se retorika demokratike dhe paqësore e presidentit Obama, qysh nga ardhja e tij në pushtet më 20 janar të këtij viti, ka pasur rezonancën e pritur të udhëheqësit rus. Vetë gjuha e përdorur nga presidenti dhe kryeministri i Rusisë duket sikur është nxjerrë nga sirtarët e arkivave të Luftës së Ftohtë. Moska ka shpalosur planet e zgjerimit të potencialit të vet bërthamor strategjik. Bombarduesit bërthamorë rusë kanë nisur të patrullojnë tani qiejt e botës. Rusia po pretendon prani ushtarake edhe pranë ujërave të Amerikës, duke organizuar manovra ushtarako-detare me regjimin e Venezuelës. Kushdo që ka ndjekur kurbën gjithnjë e më tepër në ngritje të ambicieve imperiale të Rusisë nëpër botë, e sheh se Moska po afishon gjithnjë e më tepër mbështetjen e këtyre ambicieve të saj në dy instrumente kryesorë: në energjinë dhe në forcat ushtarake. Në një koniukturë të tillë ndërkombëtare, të rritjes së forcës dhe të ambicieve të Rusisë, vjen hapi i heqjes dorë nga mburoja antiraketë, të cilën, për hir të së vërtetës, duhet thënë që popujt dhe vendet ish-komuniste të Europës Lindore, e shihnin më shumë si mbrojtje nga Rusia se sa nga Irani dhe Koreja e Veriut. Mendimi ynë është se lëshimi i ri i presidentit amerikan ndaj Rusisë mund të ketë ndonjë efekt negativ edhe në rajonin e Ballkanit. Rusia ka nisur në rajonin tonë një marshim energjetik dhe diplomatik tepër agresiv dhe ajo mund të inkurajohet për të kërkuar koncesione të tjera në pika, rajone apo në çështje të ndryshme ndërkombëtare.
"Du t'jem zot, n'timen tok,
dje dhe sot, sot e neser."

Post Reply

Return to “Problematika nderkombëtare”