"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

SHBA paralajmërojnë nga sulmet terroriste në Evropë

Këtu mund të diskutoni për të gjithë fenomenet që shqetësojnë mbarë botën dhe që janë bërë objekt i shtypit dhe medias ndërkombëtare.

Moderator: ALBPelasgian

Post Reply
User avatar
Sally
Galactic Member
Galactic Member
Posts: 2062
Joined: Tue Jun 09, 2009 2:36 pm
Gender: Female

SHBA paralajmërojnë nga sulmet terroriste në Evropë

#1

Post by Sally » Tue Oct 05, 2010 8:24 am

Ministria e Jashtme e SHBA u bën thirrje shtetasve amerikanë të shtojnë kujdesin në udhëtimet në Evropë. Kujdesi veçanërisht duhet shtuar në udhëtimin me mjete të transportit publik dhe pranë atraktiviteteve turistike

Pas disa ditësh të paralajmërimeve jozyrtare, ministria e Jashtme e SHBA shqiptoi tani zyrtarisht një paralajmërim për udhëtimet në Evropë. Në bazë të gjendjes aktuale të informacioneve, besohet se Al-Kaida dhe grupe të tjerra terroriste planifikojnë atentate në Evropë, thuhet në një deklaratë me shkrim. Në të ministria i paralajmëron qytetarët e SHBA që jetojnë në Evropë, ose udhëtojnë atje, që për sigurinë e tyre të tregojnë kujdes të veçantë.


Kujdes duhet patur veçanërisht në transportin publik

Edhe fluturimet dhe qarkullimi me anije, si dhe metrotë e qendrat, ku mblidhen turistët mund të bëhen objekte të atentateve. Terroristët mund të përdorin për këtë mjete ndihmëse dhe armë kundër institucioneve publike dhe private. Prandaj shtetasit e SHBA duhet të jenë sa më të kujdesshëm, ta vëzhgojnë ambjentin përreth tyre dhe të marrin masat e duhura të sigurisë për vete, kur nisen për udhëtim.

Ne qendër të planeve për atentate, të cilat ndodhen ende në fazën fillestare, mund të jenë tetë gjermanë dhe dy britanikë. Këtë thuhet se e ka mësuar shërbimi i fshehtë pakistanez në telefonata të përgjuara, të cilat i kanë zhvilluar të dyshuarit me të njohur të tyre në Evropë. Shërbimet e fshehta amerikane besojnë se pas planeve ndodhet edhe Osama bin Ladeni. Nëse kjo është e vërtetë, atëherë kjo do të thotë se Bin Ladeni do të përfshihej për herë të parë që prej 11 shtatorit 2001 drejtpërdrejt në planifikime për atentate.


Për momentin paralajmërimi për udhëtim nuk ka pasoja të drejtpërdrejta.

Ajo nuk i lejon qytetarët e SHBA që të tërhiqen falas nga udhëtimet e prenotuara. Veç kësaj paralajmërimi për udhëtim nuk synon të bëjë që udhëtarët të heqin dorë nga planet e tyre për të udhëtuar, u tha ditët e fundit në Uashington. Megjithatë, shoqëritë e udhëtimeve llogaritin që tani me një pakësim të udhëtimeve të biznesit dhe private nga SHBA për në Evropë. Paralajmërimi për udhëtimet i ministrisë së Jashtme të SHBA vlen hë për hë deri në 11 janar të vitit, që vjen.
Nuk jam vrasës, jam student shqipëtar, vrava një tradhtar të Atdheut tim.
(Avni Rustemi)

User avatar
Adriana
Universe Member
Universe Member
Posts: 3194
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Re: SHBA paralajmërojnë nga sulmet terroriste në Evropë

#2

Post by Adriana » Tue Oct 05, 2010 9:05 am

Sa i madh është rreziku nga terrorizmi në Gjermani? - Qeveria gjermane thotë se nuk ka asnjë arsye për alarm




Të gjithë janë të pajtimit se Gjermania është në shënjestër të rrjeteve terroriste aktive ndërkombëtare. Por pikëpamjet ndryshojnë shumë kur flitet për shkallën e rrezikut nga sulmet e tilla


Ministri gjerman Thomas de Maizière: Nuk ka asnjë arsye për alarm

Gjatë viteve të kaluara autoritetet gjermane të sigurisë ia kanë dalë mbanë që në bashkëpunim me partnerët ndërkombëtarë të zbulojnë disa herë me kohë planet për sulme. Tani kanali televiziv amerikan "Fox News" bëri bujë me lajmin për plane konkrete të sulmeve terroriste në Gjermani. Qeveria gjermane nga ana tjetër po provon të qetësojë opinionin.

Rreziku nga terrorizmi në Gjermani, sa i lartë është ky rrezik në të vërtetë? Ministri i Brendshëm gjerman, Thomas de Maizière përpiqet të qetësojë opinionin:

"Nuk ka asnjë arsye për alarm“.



Por njoftimet e fundit nga Shtetet e Bashkuara të Amerikës bëjnë të supozohet e kundërta. Sipas informatave të kanalit televiziv "Fox News" terroristët kanë planifikuar ndër të tjera atentate kundër stacionit kryesor hekurudhor në Berlin, Kullës Televizive dhe hotelit "Adlon" në Portën e Brandenburgut. Si burim i informacionit përmendet një gjermano-pakistanez i ndaluar nga amerikanët në Afganistan.



Autoritetet e sigurisë analizojnë rregullisht informatat e shërbimeve të fshehta


Ministri i Brendshëm Thomas de Maizière tha gjatë një konference të shkurtër për shtyp (04.10.) se nga pranvera e vitit 2009 ka pasur rregulllisht informacione se organizata terroriste e AL Kaidës në aspektin afatgjatë kohor planifikon sulme në Shtetet e Bashkuara të Amerikës, në Evropë dhe po ashtu edhe në Gjermani:

"Këto informacione vijnë nga shërbimet e fshehta dhe analizohen e vlerësohen nga autoritetet federale të sigurisë dhe landeve me intensitetin e nevojshëm, me ndjeshmërinë e duhur dhe me njohuritë e mbledhura për personat e rrezikshëm në Gjermani."



Interesat gjermane janë në shënjestër të terrorizmit ndërkombëtar

Të hënën paradite (4.10.) de Maizière ka vizituar Qendrën për mbrojtje nga terrorizmi në Berlin, ku me kryetarët e shërbimeve të fshehta ka biseduar për gjendjen e shkallës së rrezikshmërisë. Pra gjermanët ka javë që shkëmbejnë rregullisht informata me partnerët ndërkombëtarë. Kjo vlen edhe për atë personalisht. Ai ka telefonuar me ministren amerikane për Mbrojtjen e Atdheut, Janet Napolitano. Pala gjermane po shfrytëzon të gjitha burimet e mundshme të informatave. Megjithatë "nuk ka shenja konkrete për sulme të afërta në Gjermani", tha politikani kristiandemokrat de Maizière:

"Megjithatë ekziston një rrezikim i lartë abstrakt, sipas të cilit interesat gjermane, si brenda ashtu dhe jashtë vendit, janë në shënjestër të terrorizmit ndërkombëtar."

Informacionet për një kërcënim terrorist janë vetëm një kriter. Ministri i Brendshëm de Maizière e bëri të qartë se qeveria gjermane aktualisht nuk sheh arsye për ndërmarrjen e veprimeve shtesë. Në rast se do të ndërmirren masa shtesë atëherë ai do të informojë opinionin. Por sipas tij aktualisht një gjë e tillë nuk është e nevojshme.
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



User avatar
Sally
Galactic Member
Galactic Member
Posts: 2062
Joined: Tue Jun 09, 2009 2:36 pm
Gender: Female

Re: SHBA paralajmërojnë nga sulmet terroriste në Evropë

#3

Post by Sally » Fri Oct 08, 2010 7:33 am

Nuk ka shkak për panik nga rreziku i terrorizmit në Evropë


Paralajmërimi për akte terroriste në Evropë, marrëveshja për ndihmën juridike reciproke me Japoninë, marrëveshja me Pakistanin, ishin në qendër të takimit të ministrave të brendshëm të shteteve anëtarte të BE-së.


Paralajmërimet e SHBA nga aktet terroriste në Evropë kanë shkaktuar irritim tek ministrat e Brendshëm, por edhe tek deputetet evropianë. Ministrja e Brendshme belge dhe kryetarja e radhës, Annemarie Turtelboom, kërkoi nga SHBA në rradhë të parë sqarim për shkaqet. Homologu i saj gjerman Thomas de Maizière nga ana tjetër nuk sheh deficit në informacion.

„Ne jemi të informuar shumë mirë. Ne kemi kontakte të ngushta në të gjitha fushat, në nivele të larta, por edhe në nivelin e shërbimeve dhe qëndrimi i Gjermanisë është i njohur“, tha ai.



Nuk ka shkak për panik

De Maizière tha se SHBA kanë lëshuar një udhëzim për udhëtarët në lidhje me gjendjen e përgjithshme të sigurisë. Kjo nuk ka të bëjë hë për hë "me përgatitjen e sulmeve terroriste."

Në takimin e Luksemburgut mori pjesë edhe zëvendësministrja e SHBA-së për Mbrojtjen e Atdheut, Jane Holl Lute. Gilles de Kerchove, koordinator i BE në luftën kundër terrorizmit, paralajmëroi BE nga pakujdesitë.

„Kërcënimi ekziston akoma dhe është serioz, por në dy tri vitet e fundit ai ka ndryshuar. Ndërsa me 11 shtator 2001 kishim të bënim me një grup të organizuar mirë, El Kaidën, e cila ishte në gjendje të kryente sulme të tilla të komplikuara, tani nuk kemi të bëjmë më me një grup të këtij lloji", theksoi ai.



Unifikim i të dhënave evropiane

Më vështirë të kapen janë në radhë të parë islamistët, që janë nënshtetas të shteteve të BE dhe prandaj u bien më pak në sy autoriteteve. Në dritën e porosive për të pasur kujdes shtohet edhe kërkesa për më shumë shkëmbime të dhënash ndërmjet BE dhe shteteve të treta, si SHBA. Deputeti gjerman i Unionit Kristiansocial, (CSU), Manfred Weber, nuk është në parim kundër, por paralajmëron shtetet evropianë që të mos veprojnë pa koordim me njëri-tjetrin.

„Por vendimtare është, që kur të negociohet për bazat e të dhënave nga Evropa, për shembull sistemi i informacionit Shengen, ku ndodhen të gjitha të dhënat evropiane të kërkimeve, atëherë jo secili shtet më vete mund t'u mundësojë amerikanëve qasjen në të dhënat evropiane, por Evropa duhet të nënshkruajë me SHBA një marrëveshje dhe ne edhe do ta kërkojmë këtë si parlament", pohon ai.



Marrëveshje për ndihmën juridike reciproke me Japoninë

Ministrat e Brendshëm nënshkruan në Luksemburg edhe një marrëveshje për ndihmën juridike reciproke me Japoninë, e cila do të shërbëjë për lëhtësimin e bashkëpunimit për ndjekjen e veprave penale. Rezervat e disa shteteve për shkak të mundësisë së ushtrimit të dënimit me vdekje në Japoni mundën të kapërcehen. Nqs një shkelës i ligjit rrezikohet nga dënimi me vdekje në Japoni, shtetet e BE mund ta refuzojnë prerë bashkëpunimin.

Marrëveshje me Pakistanin

Ministrat nënshkruan edhe një marrëveshje me Pakistanin për lehtësimin e kthimit të emigrantëve ilegalë. Parlamenti Evropian e aprovoi ndërkohë këtë me shumicë dërmuese. Sozialistë, të gjelbër dhe të Majtë e kishin refuzonin filimisht marrëveshjen me argumentin se Pakistani nëpërkëmb të drejtat e njeriut dhe nuk ka nënshkruar konventën e Gjenevës për refugjatë.

Përpjekjet për të harmonizuar ligjin për azilimin dhe refugjatë në BE kanë mbetur ndërkohë në vend.
Nuk jam vrasës, jam student shqipëtar, vrava një tradhtar të Atdheut tim.
(Avni Rustemi)

User avatar
Sally
Galactic Member
Galactic Member
Posts: 2062
Joined: Tue Jun 09, 2009 2:36 pm
Gender: Female

Re: SHBA paralajmërojnë nga sulmet terroriste në Evropë

#4

Post by Sally » Thu Nov 18, 2010 11:10 am

Paralajmërime serioze për sulme terroriste në Gjermani

Sipas të dhënave të organeve gjermane të sigurisë forca islamike parashikojnë nga fundi i nëntorit të ushtrojnë akte terroriste në Gjermani.


Ministri i Brendshëm gjerman Thomas de Maiziere tha se i ka kërkuar policisë federale që për shkak të gjendjes aktuale të shtojë kontrollet në aeroporte dhe nëpër stacionet e trenave.


Ministri i Punëve të Brendshme Thomas de Maiziere tha gjatë një konference urgjente shtypi të thirrur më 17.11. në Berlin se të dhënat që fillimisht ishin të karakterit të përgjithshëm, tani janë konkretizuar.

"Të nderuar zonja dhe zotërinj, kemi shkaqe për t'u shqetësuar, por jo për histeri.“ Ministri i Brendshëm gjerman Thomas de Maiziere nuk ishte shprehur kurrë më parë me fjalë kaq të qarta në lidhje me rrezikun e akteve terroriste në Gjermani.

Nga jashtë ka të dhëna se nga fundi i nëntorit në Gjermani planifikohet një sulm terrorist. Kjo e dhënë përputhet edhe me të dhënat më të fundit të organeve gjermane të sigurisë.

"Masa e madhe e përkimeve kohore dhe përmbajtësore me gjendjen e deritanishme të informacioneve e kanë ndryshuar gjendjen.“ - tha ministri de Maiziere duke sqaruar se të dhënat bazohen në gjurmë dhe të dhëna hetimore konkrete.



Paralelisht me këto masa policitë e landeve kanë përforcuar mbrotjen e objekteve që mendohet se mund të jenë objektiva të goditjeve.

"Qytetaret dhe qytetarët do t'i shohin me sytë e tyre këto masa, por krahas tyre ka edhe një sërë masash që ata nuk mud t'i shohin" - tha ministri i Brendshëm gjerman Thomas de Maiziere.

Sikurse edhe dy javë më parë ministri de Meziere u bëri thirrje qytetarëve që të jenë vigjilentë, të kujdesshëm dhe që në rast se shikojnë objekte të dyshimta të njoftojnë menjëherë policinë.

Gjermania në kooperim të ngushtë me partnerët e saj do të shtojë kontrollet edhe në kufijtë e jashtëm të Gjermanisë tha ministri i Brendshëm gjerman Thomas de Maiziere. Kjo do të thotë që atentatorët e mundshëm ndodhen aktualisht jashtë Gjermanisë.
Nuk jam vrasës, jam student shqipëtar, vrava një tradhtar të Atdheut tim.
(Avni Rustemi)

Post Reply

Return to “Problematika nderkombëtare”