ARBERIAONLINE

Trazirat, lista e 44 kosovarëve të evakuar deri tani nga Egjipti .



Gjendja e rënduar e ditëve të fundit në Egjipt, bëri të domosdoshme e tërheqjen e shtetasve të huaj nga ky vend. Me iniciativën e disa studentëve të cilët studiojnë në

Kajro, është kontaktuar presidenti i Aleancës Kosova e Re, z. Behgjet Pacolli për t’u ofruar ndihmën e tij për një evakuim sa më të shpejtë. Kësaj kërkese ai i është përgjigjur pozitivisht dhe në kontakt me këta studentë ai ka siguruar një listë me rreth 163 persona, jo vetëm studentë por edhe familjarë dhe punëtorë që jetojnë në Kajro, Aleksandri dhe Sharm el Sheik. Nga kjo iniciativë është arritur që sot të mbërrijë në Kosovë grupi i parë i kosovarëve të evakuar me ndihmën e z. Pacolli, të cilët do të arrijnë në Aeroportin e Prishtinës në orën 13:25 përmes linjës Turkish Airline. Nisja e tyre është bërë sot në orën 03:40 të mëngjesit nga Aeroporti i Kajros.
1.Berat Durguti
2.Samire Durguti
3. Emrush Muharremi
4. Havishe Sadiki
5. Sara Muharre
(vajza) Zehra Muharremi
6. Shefik Sadiku
7. Sebastian Aurel
8. Besmir Lutfiji
9. Ali Lama
10. Edmond Garuja
11. Engjellushe Garuja
12. Abdullah Garuja
13. Enes Garuja
14. Elham Amidi
15. Rifat Alioski
16. Muharem Jakupi
17. Ibrahim Sherifi
18.Adnan Spahia
19.Liridone Musliu
20.Alban Malsiu
21.Kubra Shaban
Ndërkohë janë edhe 10 persona të tjerë udhëtimi i të cilëve në linjën Kajro-Stamboll ka qenë sot në orën 9:30 nga por si rezultat e shtyrjes së fluturimit për në orën 11:25, e kanë të pamundur të arrijnë fluturimin Stamboll-Prishtinë të orës 12:50, prandaj ata do të akomodohen në një hotel në Aeroportin e Stambollit dhe do të mbërrijnë nesër në Aeroportin e Prishtinës në orën 13:25.
1.Jetmir Krasniqi
2. Mindihie Shala
3.Ibrahim Krasniqi
4.Muhamed Krasniqi
5.Burim Karpuzi
6.Liridona Berati
7.Emina Karpuzi
8.Zenel Neziraj
9.Valon Cykoski
10 .Ardi Elezi
13 shtetas të Kosovës nuk kanë arritur të udhëtojnë nga Kajro për në Stamboll pasi që Ambasada e Kosovës në Ankara i ka pajisur me fletë udhëtime për foshnjat nën moshën 2 -vjecare që janë kopje, e jo dokumente originale.
1. Burim Dalipi
2. Lule Uka Dalipi
3. Melika Dalipi (fëmijë)
4. Fatmir Zogaj
5. Ardiane Bytyqi
6. Muslim Zogaj (fëmijë)
7. Valon Cacaj
8. Albina Shala Cacaj
9. Amar Cacaj (fëmijë)
10.Umridin Thaqi
11.Pranvera Thaqi
12.Esma Thaqi
13.Omer Thaqi
Gjithashtu edhe 17 personave të tjerë që ndodhen në Sharm el Sheik në kufi me Jordaninë, u është mundësuar kalimi për çdo rrezik të mundshëm, në Jordani, me pasaportë të Kosovës pa vizë por vetëm duhet të kenë një vulë të Egjipitit për personat të cilët duhet të evakuohen. Gjatë ditës po përpilohet lista me emra të tjerë të personave qe kanë kontaktuar si në sekretarinë tonë në Prishtinë ashtu edhe në atë të Z. Pacolli në Zvicër.
Akomodimi i tyre po bëhet përmë kompanisë Turkish Airline, Alitalia dhe Kompanisë së Emirateve, shkruan Bota Sot.

Koha për vetkritikë - Perëndimi e ka mbështetur shumë gjatë Mubarakun




Demonstruesit në Egjipt kërkojnë dorëheqjen e presidentit Mubarak. Ai duhet të largohet, thonë ata. Jo në shtator - tani. Perëndimi e ka mbështetur presidentin e Egjiptit për një kohë të gjatë. Mos ka qenë tepër gjatë?

Me ardhjen në pushtet përpara gati tri dekadash presidenti Mubarak deklaroi, se do të shfuqizojë gjendjen e jashtëzakonshme në Egjipt dhe do të kufizojë kompetencat e plotfuqishme të presidentit. Ky ishte një premtim bosh.

Duke tërhequr vazhdimisht vëmendjen për luftën latente me islamistët në vend Mubaraku për dhjetëvjeçarë me radhë ka çimentuar pushtetin e tij me mjetet e një aparati totalitar dhe me mbështetjen e Perëndimit. Kundërshtarët e sistemit të Mubarakut janë detyruar brutalisht të heqin dorë, janë tortuar e madje janë rrahur deri në vdekje. Madje edhe zgjedhjet presidenciale në 2005 në dukje të lira, ishin sipas rregullave demokratike vetëm një farsë.

Perëndimi i ka mbyllur të dyja sytë duke u kapur për arësye gjeostrategjike pas një sundimtari, regjimi i të cilit ka përfituar për xhepat e vet, ndërkohë që masa e popullsisë është varfëruar gjithnjë e më shumë. Pikërisht këtë ka shfrytëzuar Vëllazëria Islamiste e myslimanëve duke zëvendësuar boshllëqet, ku shteti e ka lënë pasdore detyrimin e përkujdesit social.

30 përqind e popullsisë ndërkohë konsiderohen të varfër - rreth gjysma e mbi 80 milionë egjiptianëve është e detyruar të jetojë me më pak se dy dollarë në ditë. Kryesisht rinia ndjen mungesën e perspektivës për arësye se asaj i mungon aksesi në institucionet arsimore, në tregun e punës dhe në të drejtën e bashkëvendosjes në shoqëri.

Në një terren të tillë ushqehen simpatitë për radikalët islamistë, të cilët nuk duan t' ia dinë për të drejtat e lirisë dhe që parimisht venë në pikëpyetje të drejtën e ekzistencës së Izraelit.

Televizioni, interneti dhe format e tjera moderne të komunikimit shoqëror e kanë ndryshuar botëkuptimin e njerëzve, gjë që ndihmon në shpërbërjen e strukturave të kalçifikuara. Ajo që mund të ndodhë: realizimi kthesës, apo zhytja e Egjiptit në kaos dhe përgjakje do të ketë një efekt të madh sinjalizues edhe përtej rajonit të deltës së Nilit.

Amerika dhe Evropa kanë neglizhuar shumë gjatë për t'i mbështetur forcat e transforimimit dhe për t'u pozicionuar qartë në anën e popullit. E kësisoj Perëndimi nuk mund të vazhdojë më gjatë të sakfrifikojë idealet e veta të lirisë në altarin e interesave gjeostrategjike.

Ai që flet për të drejtat e njeriut e njëkohësisht mban në pushtet diktatorët, jo vetëm që humbet kredibilitetin tek njerëzit në Lindjen e Mesme, por bën që kudo të forcohen besimtarët fanatikë dhe ekstremistët. http://www.dw-world.de/dw/article/0,,14 ... lb-609-xml

Armatimi i Egjiptit nga SHBA


Në 30 vitet e fundit SHBA është eksportuesi më i rëndësishëm i armëve në Egjipt. Është kjo një punë që prodhuesve amerikanë të armëve u ka sjellë një profit shumë të madh. Duket se këtyre punëve tani po u vjen fundi.


Shumë armë që tani shihen në Kajro si avionët F16, gazi lotësjellës i firmës Combined Systems International apo tanket në rrugët e Aleksandrisë janë të prodhimit amerikan.

„SHBA e ka armatosur në mënyrë masive regjimin e Mubarakut dhe ushtrinë egjitpiane në 30 vitet e fundit“, shpjegojnë ekspertët.

Përveç Izraelit, asnjë vend tjetër nuk ka marrë më shumë ndihma financiare se Egjipti. Sipas të dhënave të Ministrisë së Jashtme amerikane, ndihmat ushtarake për Egjiptin nën titullin "Foreign Military Financing (FMF)" kapin shumën mesatare prej 1,3 miliardë dollarësh në vit, thotë William Hartung, ekspert ushtarak i Foncacionit New America.

„Sipas disa të dhënave, prej ardhjes në pushtet të Mubarakut, ushtrisë egjiptiane i janë dërguar armatime në vlerë prej 40 miliardë dollarësh", pohon ai.

Se a do të vazhdojë eksporti i armëve ende nuk është e qartë, thotë zëdhënësi i Obamës, Robert Gibbs: „Ende nuk është vendosur. Tani do të shikojmë me kujdes sjelljet e qeverisë egjiptiane dhe më pas do të vendosim.“


Nihma dhe shërbimet


Ndihmat në armatim deri tani kanë funksionuar sipas parimit të shkëmbimit të mallrave: avionë, helikopterrë, raketa dhe armatime të tjera janë dërguar si kompensim për shërbimet paqësore të Mubarakut në Lindjen e Mesme dhe për respektimin e Marrëveshjes paqësore me Izraelin.

Kështu thuhet në një raport sekret të ambasadës amerikane në Kajro, që është botuar në platformën e internetit Wikileaks. Sipas këtij raporti, prej vitit 2009 ushtria amerikane ka edhe disa përparësi të tjera: anijet amerikane të parat mund të kalojnë kanalin Suez, ndërsa avionët ushtarakë mund të fluturojnë në çdo kohë mbi Egjipt, thotë William Hartung.

„Si ushtria amerikane ashtu edhe prodhuesit e armëve janë të interesuar për një raport të mirë me Mubarakun.


Përfituesit më të mëdhenj

Vetëm gjiganti i armatimeve Lockhead Martin ka nënshkruar në 10 vitet e fundit kontrata për shitjen e armëve në Egjipt në vlerë prej 3,8 miliardë dollarë", pohon ai. Koncerni i dytë që ka përfituar më së shumti është General Dynamics, i cili në Egjipt ka shitur prej vitit 2001 tanke në vlerë prej rreth 2,5 miliardë dollarësh. Ndërsa në vendin e tretë është koncerni Boeing me kontrata në vlerë prej 1,7 miliardë dollarësh.

Në listën zyrtare të furnizueve të Egjiptit me armë janë koncernet amerikane Lookheed Martin, General Dynamics, Boeing, Raytheon apo General Electric dhe BAE Systems. Qeveria në Kajro i porosit këto armë ose tek ushtria amerikane ose në këto koncerne.

Për këto koncerne është tani e qartë: me përfundimin e periudhës së sundimit të Mubarakut, do të përfundojë edhe faza e përfitimeve të mëdha në këtë vend. Pasardhësit e Mubarakut me siguri që do të jenë më kritikë ndaj amerikanëve.
http://www.dw-world.de/dw/article/0,,14816389,00.html

Protestuesit në Egjipt që kërkojnë largimin e presidentit Hosni Mubarak bënë thirrje për protesta në mbarë vendin në ditën që e quajtën "E Premtja e Largimit". Kryeministri i ri Ahmed Shafik tha se ministri i brendshëm nuk do të duhej t'i pengojë marshimet e sotme paqësore pas faljes të së premtes. Por, Departamenti amerikan i Shtetit tha se pret konfrontime.

Mubarak ka 40 deri në 70 miliardë dollarë

Ushtria e Egjiptit ka bërë përpjeke që me tanke të depërtojë në Sheshin Tahrir, ku po vazhdojnë demonstratat kundër regjimi të hekurt e të korruptuar të Hosni Mubarakut.

Opozitarët, mijëra sish, qëndruan shtrirë para tankeve dhe bënë barrikada për të mos lejuar shpërndarjen e demonstruesve. Disa ushtarë u përpoqën të hynin në shesh, ndërsa zyrtarë të lartë ushtarakë u përpoqën të bisedojnë me opozitarë për të shkuar te demonstruesit.

“Po përpiqen të na frikësojnë për të shkuar në shtëpi. Por, kjo nuk do të ndodhë pa dhënë dorëheqje Mubaraku”, ka thënë një demonstrues për BBC.

Ursula Lindsi, autore e Arabist Blog, ka deklaruar se ende janë në burg aktivistë që i kishte arrestuar policia sekrete. "Disa qindra ose mijëra njerëz janë ende në burg, ku po merren në pyetje dhe po keqtrajtohen”, ka thënë ajo.

Spekulime për ikje

Ekspertët për Lindjen e Afërt vlerësojnë se pasuria e presidentit Hosni Mubarak dhe familjes së tij do të mund të arrinte edhe deri në 70 miliardë dollarë. Profesoresha e shkencave politike në Universitetin Princeton, Amaney Jamal, mendon se pasuria e presidentit Mubarak sillet mes 40 deri 70 miliardë dollarë.

“Ndërmarrjet afariste nga karriera e tij ushtarake dhe politike janë bartur edhe në pasurinë e tij personale”, tha Jamal për rrjetit televiziv amerikan ABC. Ajo shtoi se në regjimet e tilla siç është ai i Mubarakut, ka shumë korrupsion dhe përdorime të burimeve të të ardhurave publike për pasurim personal.

Një pjesë e madhe e pasurisë së tij gjendet gjoja në banka britanike dhe zvicerane dhe në patundshmëri që i ka në Londër, Nju-Jork, Los Anxhelos dhe në lokacione atraktive buzë bregdetit të Detit të Kuq. Shumica e atyre të hollave gjenden në llogari të fshehta nëpër banka apo është investuar në shtëpi dhe hotele luksoze.

Demonstruesit, edhe të shtunën, duke kërkuar dorëheqjen e Mubarakut, kanë qëndruar në sheshin Tahrir në Kajro. Ndërsa presidenti Hosni Mubarak edhe më tej refuzon të paraqes dorëheqjen. Ai përsëri deklaroi se nuk do të kandidojë në zgjedhjet në shtator, por insiston që të mbetet në funksion deri atëherë, për të penguar kaosin në vend.

Ka mendime se Hosni Mubarakut do t’i lejohet mundësia që të shkojë në Gjermani, në kontrollet e zakonshme mjekësore dhe të qëndrojë më gjatë, lajmërojnë të shtunën mediet gjermane duke u mbështetur në njoftime amerikane me qëllim që Mubarak të dalë ndërshmërisht nga kriza”. Varianti tjetër është që Mubaraku të tërhiqet në pushimoren e tij në Sharm-el Sheik.

Atentati i dështuar

Në ndërkohë Ministria gjermane e Punëve të Jashtme i përgënjeshtroi këto njoftime.

Hosni Mubarak bisedoi të shtunën me ministrat e tij rreth temës së ngjalljes së ekonomisë së vendit. Mubaraku u takua me kryeministrin, ministrat e financave, naftës, tregtisë, industrisë dhe me guvernatorit. Bankat në Egjipt do të hapen prapë të dielën, ndërsa bursa do të hapet të hënën. Çdo ditë e protestës Egjiptit 310 milionë dollarë.

Dy truproje u vranë në atentatin e dështuar kundër nënkryetarit të sapoemëruar egjiptian Omar Sulejman, lajmërojnë mediet amerikane.

Rrjeti “Fox News” raportoi se atentati ndaj Sulejmanit u krye gjatë ditëve të kaluara. Burimi i “Fox News” ishte i befasuar që atentati ndaj Sulejmanit deri më tani nuk ishte lajm kryesor, thuhet në ueb-faqen e televizionit. Nuk dihet se kush qëndron prapa këtij atentati ndërkohë që zyrtarë egjiptianë kanë hedhur poshtë këto njoftime.

Udhëheqësi i opozitës egjiptiane Mohamed el Baradej deklaroi se sa më shpejt dëshiron të bisedojë me zyrtarë të lartë ushtarakë rreth ndërrimit paqësor të pushtetit në Egjipt.

“Do të doja të diskutoj me shefat ushtarakë, në kohë të afërt, të shqyrtojmë se si mund të realizojmë kalimin pa gjakderdhje”, tha ai në intervistën revistës gjermane “Der Spiegel”, El Baradej, fitues i çmimit Nobel për paqe më 2005, në këtë intervistë, përsëri thirri të shtunën terroristët kanë sulmuar gazsjellësin që furnizon Izraelin dhe Jordaninë

Automobili i Mubarakut, më i siguruari

Kryetari egjiptian Hosni Mubarak, përdor xhipin amerikan “Chevrolet Silverado”.

“Terroristi nuk mund të aktivizojë asnjë pajisje eksplozive”, thotë Vlado Turtanski, njëri prej pronarëve të firmës, duke mos përmendur radiusin, sepse “bëhet fjalë për sekret, por pajisja i përgjigjet standardeve të NATO-s”.

Pajisja bullgare është e regjistruar në NATO me emërtimin OOPXU, shkruan gazeta “Trud”. Xhipi ku është e vendosur pajisja është “Chevrolet Silverado”, dhe është më i madhi në botë, është i blinduar dhe i rëndë gati katër tonë.

Është e pajisur me tre motorë, dy prej tyre prodhojnë rrymë për pajisjen speciale, sepse harxhon tejet shumë energji.

Arrestohen gazetarët

Autoritetet egjiptiane arrestuan shefin e korrespondencës së rrjetit televiziv të Katarit, al-Xhazira, në Kajro dhe njërin prej gazetarëve të tij, lajmëroi Al Xhazira. Puna e televizionit arab në Egjipt u ndalua javën e kaluar, ndërsa ueb-faqja e tij në gjuhën arabe që nga fillimi i protestave më 25 janar, është në shënjestër të hakerëve, lajmëron AFP.

“Përkundër të gjitha vështirësive, me të cilat ballafaqohemi, qoftë fjala për arrestimin e gazetarëve, konfiskimin e pajisjeve apo pengimin e sinjalit, ne do të vazhdojmë të punojmë në raportimin rreth ngjarjeve në Egjipt”, tha dje zëdhënësi i al-Xhaziras. Në Egjipt, siç u përmend në ueb-faqen e televizionit, nëntë gazetarë të këtij rrjeti janë vendosur dje në paraburgim.
http://www.albeu.com/bota/mubarak-ka-40 ... are/29568/

Më qartë u shpreh gjatë hyrjes në ndërtesën e Këshillit në Bruksel kryeministri holandez Mark Rutte: "Ai duhet të largohet tani!" Rutte e kishte fjalën për presidentin egjiptian, Hosni Mubarak. Ky i fundit kishte refuzuar sërish në një intervistë për stacionin amerikan ABC të enjten në mbrëmje, që të largohej nga posti shpejt.


Kancelarja Angela Merkel, nuk reagoi ndaj pyetjeve të reporterëve që prisnin, po dha një deklaratë të parapërgatitur: "Ne kërkojmë dhe presim, që forcat egjiptiane të sigurisë të garantojnë, që në këtë të premte vendimtare të jenë të mundura demonstrata të lira dhe paqësore." Merkel paralajmëroi, se do të flitet për atë se si Bashkimi Evropian mund të jetë partner në kalimin e kontrolluar, për kalimin në rregull, në paqe dhe në mënyrë demokratike në Egjipt, por edhe në Tunizi.

Kryeministri britanik David Cameron tha: "Në rast, se sot përsëriten sulmet brutale të huliganëve të porositur ndaj demonstruesve, regjimi egjiptian do të humbasë edhe besueshmërinë e pakët, që ka mbetur." Deri tani hapat drejt kalimit të pushtetit nuk janë të mjaftueshme, shtoi Cameron



Telefonatë me Suleimanin natën

Ministrja e jashtme e BE-së Catherine Ashton, raportoi për telefonatën e saj me zëvendëspresidentin egjiptian Omar Suleiman gjatë natës. Ajo tha, se i kishte bërë atij thirrje, të fillonte më në fund një dialog kombëtar me opozitën. Suleimani e premtoi këtë dhe do të formojë tri komisione për të nisur bisedimet, tha Ashton. E pyetur nëse Hosni Mubaraku duhet të japë menjëherë dorëheqjen zonja Ashton deklaroi, se nuk është detyrë e saj të japë këtu këshilla. "Këtë duhet ta vendosin qeveria dhe populli egjiptian." Duhet të ketë një kalim të kontrolluar të pushtetit, tha ajo. Njerëzit duhet të kenë sigurinë, se ka një plan, shtoi ajo.


27 kerët e shteteve dhe të qeverive të BE-së do të këshillohen gjatë drekës për gjendjen në Egjipt dhe në botën arabe. Pas saj pritet deklarata e përbashkët e BE-së. Të enjten ishin shprehur bashkarisht gjashtë shtetet më të mëdha të BE-së.

Egjipt: Largohet presidenti Mubarak




Presidenti i Egjiptit Hosni Mubarak ka dhënë dorëheqjen, njoftoi zëvendëspresidenti egjiptian Omar Suleiman.

Sipas njoftimit të bërë në televizionin shtetëror të Egjiptit, pushteti i tij do të kalojë në duart e këshillit të ushtrisë.

Ky njoftim erdhi ndërsa mijëra vetë qëndronin të grumbulluar në Kajro dhe qytete të tjera egjiptiane në ditën e 18 të protestave për të kërkuar dorëheqjen e zotit Mubarak.

Protestuesit reaguan me brohorima, valëvitje flamujsh, përqafime dhe buri makinash. "Populli ka rrëzuar regjimin," thirrën ata.

Suleiman tha se Mubarak kishte dorëzuar pushtetin tek komanda e lartë e forcave të armatosura.

"Në emër të Zotit mëshirplotë, qytetarëve, në këto rrethana shumë të vështira në të cilat po kalon Egjipti, Presidenti Hosni Mubarak ka vendosur të largohet nga posti i presidentit të republikës dhe ka ngarkuar komandën e lartë të forcave të armatosura për të administruar çështjet e vendit", tha ai.

Nuk ka detaje të tjera për mënyrën e qeverisjes në këtë periudhë tranzicioni. Gjatë ditës ushtria ka deklaruar se do të garantojë zbatimin e reformave dhe i bëri thirrje qytetarëve që t'i kthehen jetës normale.

Presidenti i Egjiptit Hosni Mubarak ka dhënë dorëheqjen, njoftoi zëvendëspresidenti egjiptian Omar Suleiman.

"Zoti ndihmoftë të gjithë".

Më herët, Mubarak ishte larguar nga Kajro dhe shkoi në pikën turistike Sharm-el-Sheikh në Detin e Kuq.

Qindra mijëra vetë vazhdojnë të qëndrojnë sërish në qendër të Kajros pas lutjeve të së premtes për të kërkuar dorëheqjen e presidentit Hosni Mubarak.

Por udhëheqësit ushtarakë të Egjiptit kanë përkrahur planet e tij për kalim paqësor në demokraci ndërsa ai është në pushtet.

Ata kanë garantuar heqjen e gjendjes së jashtëzakonshme sapo të përfundojë situata aktuale, si dhe mbajtjen e zgjedhjeve të lira e të ndershme.

Ndërkohë komuniteti ndërkombëtar është i shqetësuar për situatën në Egjipt.

Gjermania ka deklaruar se fjalimi i z. Mubarak nuk ishte hapi përpara për të cilin shpresohej, dhe se ai nuk do t'i ulte tensionet në vend.

Britania ndërkaq e ka përshkruar situatën si të rrezikshme dhe i ka bërë thirrje protestuesve që të vetëpërmbahen.

Më herët presidenti Obama i quajti hapat e qeverisë egjiptiane si të pamjaftueshme.

Por në Teheran, presidenti Mahmoud Ahmadinejad, i ka përshkruar protestat si valë zgjimi dhe ka deklaruar se Lindja e Mesme së shpejti do të çlirohet nga SHBA dhe Izraeli.