"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

Përse Gjermania flet papritur për "terrorizëm të djathtë"?

Këtu mund të diskutoni për të gjithë fenomenet që shqetësojnë mbarë botën dhe që janë bërë objekt i shtypit dhe medias ndërkombëtare.

Moderator: ALBPelasgian

Post Reply
User avatar
Adriana
Universe Member
Universe Member
Posts: 3194
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Përse Gjermania flet papritur për "terrorizëm të djathtë"?

#1

Post by Adriana » Tue Nov 15, 2011 10:29 pm

Të paktën dhjetë vrasje, grabitje bankash dhe një shpërthim bombe: të gjitha këto krime që i ngarkohen një grupi neonazist. Qeveria gjermane flet për herë të parë për terrorizëm të djathtë.

Ngjarjet e kanë tronditur republikën: prokuroria federale, organi më i lartë i ndjekjes penale në Gjermani, hetojnë "nën dyshimin e fortë të themelimit dhe anëtarësisë në një shoqatë terroriste". Ministri i Brendshëm gjerman Hans-Peter Friedrich paralajmëroi ndaj "një forme të re të terrorit ekstremist të djathtë". Terror i së djathtës ekstreme në Gjermani? Për këtë vitet e kaluara nuk ka folur askush. Çfarë ka ndodhur?

Të dielën në mbrëmje autoritetet lëshuan një urdhër-arresti ndaj 36-vjeçares Beate Z. Ajo akuzohet se qysh në vitin 1998 bashkë me dy bashkëpunëtorë, kanë themeluar grupimin e ekstremit të djathtë "Ilegaliteti Nacionalsocialist". Treshja akuzohet se ka marrë pjesë në një numër vrasjesh në shumë qytete gjermane. Të hënën (14.11.2011) do të kërkohet lëshimi i një urdhërarresti edhe ndaj një personi tjetër.


Image


Pranim i autorësisë në DVD

Pjesëmarrja e grupit në akte të dhunshme ekstremiste të djathta, është thuajse e sigurt. Në një DVD dërguar revistëts informative "Der Spiegel", grupi pranon kryerjen e shumë vrasjeve. Në qendër është një seri vrasjesh mes viteve 2000 dhe 2006, për të cilat gazetat gjermane kanë informuar me epitetin "vrasjet dëner". Viktima ishin tetë sipërmarrës të vegjël turq dhe një grek. Tri vrasje ndodhën në Nürenberg, dy të tjera në Mynih, përkatësisht nga një vrasje në Hamburg, Rostock, Dortmund dhe Kassel. Në të gjitha krimet është përdorur e njëjta armë.

I pashpjegueshëm ishte edhe rasti i një policeje të vrarë në Heilbronn. Në prill të 2007-s, 22-vjeçarja Michelle K. u vra me një plumb në kokë në mes të ditës në një lëndinë ku mbahej një festë. Kolegu i saj i patrullës, atëherë 24-vjeçar u plagos rëndë dhe qendroi për disa javë në koma. Për zbardhjen e këtij rasti hetuesit katër vjet me radhë nuk arritën asnjë rezultat. Muaj me radhë ata kërkonin një "grua pa fytyrë", gjurmët e ADN-së të së cilës ishin gjetur në më shumë se 35 vepra penale. Në mars të 2009 u zbulua se gjurma e ADN-së buronte nga shkopinj të ndotur pambuku.

Zbulime sinjalizuese armësh në Turingji



Vetëm në fillim të nëntorit 2011 u ndez një dritë në errësirën e hetimeve. Armët e shërbimit të dy policëve u gjetën në një rulo të djegur pranë Eisenach-ut në Turingji. Në makinë kishin kryer më parë vetëvrasje Uwe M. dhe Uwe B. Të dy burrat akuzoheshin edhe për një numër grabitjesh në banka.

Ndërkohë në Zwickau të Saksonisë digjej shtëpia në të cilën kishin jetuar dy grabitësit e dyshuar të bankave me shoqen e tyre Beate Z. 36-vjeçarja u dorëzua pak ditë më vonë në policinë e Jenas. Në rrënojat e shtëpisë u gjet pistoleta me të cilën ishin kryer vrasjet "dëner". Në landin e Rinit Verior-Vestfalisë, policia po heton ndërkohë nëse neonazistët janë përgjegjës edhe për atentatin me bombë me gozhda në një rrugë të banuar kryesisht nga turq në Köln në vitin 2004. Si pasojë e atentatit atëherë ishin plagosur 22 vetë.

Politikanët tejet të shqetësuar



Lajmi se në mes të Gjermanisë një shoqatë terroriste ka kryer pa u zbuluar për vite krime të përgjakshme, ra si një bombë. Ministri i Brendshëm Friedrich tha për gazetën "Bild" se "është shumë shqetësuese, që nuk u kuptua asnjë lidhje mes serisë së vrasjeve në gjithë Gjermaninë dhe skenës së djathtë në Turingji".

Në këtë kontekst është i paqartë në radhë të parë roli i autoritetit për mbrojtjen e kushtetutës. Fjala është se përse ekstremistët e djathtë, të cilët janë nën vëzhgim të paktën që prej vitit 1998, arritën të zhdukeshin nga sytë e hetuesve dhe mbetën të pazbuluar deri para pak ditësh.

Opozita e akuzon qeverinë gjermane për dështim: eksperti i SPD-së për sigurinë Dieter Wiefelspütz, tha për gazetën "Hamburger Abendblatt", se ky rast "është një katastrofë e paimagjinueshme për autoritetet gjermane të sigurisë. Përfaqësues të policisë dhe mbrojtjes së kushtetutës, na kanë thënë vazhdimisht ne parlamentarëve se ka ekstremistë të gatshëm për dhunë, por nuk ka kërcënim terrorizmi".

Me këtë rast do të merret të martën (15.11.) instanca e parlamentit federal (Bundestag) për kontrollin e shërbimeve sekrete. Në të gjithë Gjermaninë hetuesit kanë rihapur dosjet për shumë atentate të tjera të pasqaruara. Edhe kancelarja Merkel premtoi sqarim: "të afërmit e viktimave mund të kenë besim se shteti ligjor do të bëjë gjithçka për të zbuluar se cili është sfondi". Kancelarja e cilësoi "të turpshme" serinë e krimeve terroriste.


http://www.dw-world.de/dw/article/0,,15 ... lb-609-xml
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



User avatar
Patush
Grand Star Member
Grand Star Member
Posts: 1360
Joined: Tue Jun 02, 2009 2:12 pm
Gender: Male
Location: With my loved ones, where I belong!

Re: Përse Gjermania flet papritur për "terrorizëm të djathtë

#2

Post by Patush » Wed Dec 07, 2011 6:33 am

''Përse Gjermania flet papritur për "terrorizëm të djathtë"?


Sepse populli duhet mbajtur ne hije per hajnat e vertete me kostume 10 mije dollareshe!
Liri-A-Vdekje
Qui tacet consentit
Heshtja eshte Hjeksi!

Post Reply

Return to “Problematika nderkombëtare”