"Moreover, you scorned our people, and compared the Albanese to sheep, and according to your custom think of us with insults. Nor have you shown yourself to have any knowledge of my race. Our elders were Epirotes, where this Pirro came from, whose force could scarcely support the Romans. This Pirro, who Taranto and many other places of Italy held back with armies. I do not have to speak for the Epiroti. They are very much stronger men than your Tarantini, a species of wet men who are born only to fish. If you want to say that Albania is part of Macedonia I would concede that a lot more of our ancestors were nobles who went as far as India under Alexander the Great and defeated all those peoples with incredible difficulty. From those men come these who you called sheep. But the nature of things is not changed. Why do your men run away in the faces of sheep?"
Letter from Skanderbeg to the Prince of Taranto ▬ Skanderbeg, October 31 1460

Europa: Pezullim të përkohshëm regjimit pa Viza & Azile?

Këtu mund të diskutoni për të gjithë fenomenet që shqetësojnë mbarë botën dhe që janë bërë objekt i shtypit dhe medias ndërkombëtare.

Moderator: ALBPelasgian

Post Reply
User avatar
Adriana
Universe Member
Universe Member
Posts: 3194
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Europa: Pezullim të përkohshëm regjimit pa Viza & Azile?

#1

Post by Adriana » Mon Oct 08, 2012 11:52 am

Në BE nuk ka asnjë angazhim për pezullimin e regjimit pa viza. Përderisa disa vende po bëjnë thirrje për pezullimin e përkohshëm, ekspertët thonë se ndryshimi i procedurave është kompetencë e vendeve të Shengenit.

Propozimi i ministrit të Brendshëm bavarez dhe përfaqësuesit të Komisionit për Punët e Brendshme të Bundestagut gjerman për shqyrtimin e mundësisë për pezullimin e regjimit pa viza për shtetasit e Serbisë ka rëndësinë e vet, por është e rëndësishme të theksohet edhe se Gjermania, ose ndonjë vend tjetër i zonës Shengen nuk mund të aplikojë në mënyrë të njëanshme regjimin e vizave. Politika e vizave në BE zbatohet në nivel evropian, dhe në këtë rast kjo do të kërkonte procedura të gjata: "Dhe shtrohet pyetja nëse ajo do të kishte sukses. Ajo do të duhej të kalonte edhe nëpër Komisionin Evropian, i cili së pari duhet të dalë me një propozim për rifutjen e regjimit të vizave për Serbinë dhe Maqedoninë. Atëherë për këtë do të duhej të sigurohej edhe shumica në Parlamentin Evropian (i cili është i njohur si një "mik i mirë" i regjimit pa viza) dhe për të duhet të votojnë edhe shtetet anëtare. Aktualisht nuk ka asnjë shenjë se dikush dëshiron të ndërmarrë një iniciativë të tillë në Bruksel ", vlerëson për Deutsche Welle-n drejtorja e organiyatkëtë të hënës " Lista e Bardhë e Shengenit "e Iniciativës Evropiane për Stabilitet, Aleksandra Stiglmayer.

Si të ndalohen por jo të diskriminohen azilkërkuesit e mundshëm?

Komisioni Evropian në maj të vitit të kaluar doli me një propozim sipas të cilit shtetet anëtare mund të pezullojnë regjimin pa viza në rrethana të caktuara, duke përfshirë këtu edhe rastet e një fluksi të madh të azilkërkuesve. Ky propozim, sipas Stiglmayer, ka "ngecur" për shkak të mosmarrëveshjeve mes shteteve anëtare dhe Parlamentit Evropian. Miratimi i të ashtuquajturës "Klauzolë e pezullimit", e cila do të miratohet herët apo vonë, do të lejojë futjen e regjimit të përkohshëm të vizave. Por futja e regjimit të vizave mund të ndodhë vetëm në rast se numri i azilkërkuesve nga Serbia dhe Maqedonia rritet në të ardhmen. "Aktualisht kemi një rënie të numrit të azilkërkuesve. Gjendja mund të ndryshojë shpejt por natyrisht numri vetëm mund të bie ende e jo të rritet", thekson Stiglmayer.

Pas heqjes së regjimit të vizave, Serbia radhitej pas Afganistanit, Pakistanit, Irakut dhe Rusisë midis vendeve kryesore sa i përket numrit të azilkërkuesve në BE. Ky numër nga 17.700 në vitin 2010 ra në 14.000 vitin e kaluar. Edhe pse nga Bashkimi Evropian bëhet thirrje për një angazhim më të madh të autoriteteve vendore, në Iniciativën Evropiane për Stabilitet thonë se shtetet anëtare të BE-së janë të vetëdijshme që Serbia dhe Maqedonia nuk mund të bëjnë shumë në këtë drejtim: "Bëhet fjalë kryesisht për romë të cilët vijnë në BE për të kërkuar azil dhe nuk është realiste të presësh nga Serbia dhe Maqedonia që ata të ndalohen që në kufijtë e tyre, sepse kjo do të përbënte diskriminim etnik", shpjegon Stiglmayer.

Me azil “për të kaluar dimrin" në Gjermani


Sidomos muajt e vjeshtës deri tani janë treguar si "shkas" për një fluks më të madh të azilkërkuesve. Për shumë të varfër kërkesa për azil është mënyra më e mirë që deri sa të vendoset për kërkesën e tyre të kalojnë dimrin në një nga qendrat e azilit në BE ku janë të garantuara strehimi, ushqimi dhe kujdesi shëndetësor. Ajo që mund të bëjnë shtete anëtare të BE-së është shkurtimi i kohës për vlerësimin e kërkesave për azil të cilat në disa shtete zgjasin disa muaj. Në Austri, ku shqyrtimi i kërkesës për azil përfundon brenda një jave asnjëherë nuk ka pasur probleme me të ashtuquajturit azilkërkues të rrejshëm. Belgjika, Luksemburgu dhe Zvicra tashmë janë duke punuar në reduktimin e procedurave të veta: "Do të ishte e mençur që këtë ta bëjë edhe Gjermania dhe kjo është ajo që ka propozuar ministri i Brendshëm i Bavarisë. Ndoshta propozimi prej 48 orësh është shumë i shkurtër, por pesë ditë do të ishin të mjaftueshme. Atëherë opsioni "ta kalojmë dimrin në Gjermani" nuk do të ekzistonte më dhe njerëzit nuk do të provonin më të bëjnë diçka të tillë", nënvizon Stiglmayer.
Në raportin e Eurostatit të këtij viti thuhet se në BE aktualisht ndodhen rreth 20 milionë shtetas të vendeve të treta, çfarë do të thotë rreth katër për qind e popullsisë së përgjithshme. Në të njëjtën kohë, raporti tregon se pavarësisht kërkesave nga disa vende për rivendosjen e kontrolleve kufitare brenda zonës së Shengenit, shumica dërrmuese e evropianëve (67 për qind) nuk do të pranojë një masë të tillë, ndërsa 42 për qind besojnë se të huajve duhet t'iu lehtësohet vendosja në BE në mënyrë që të përmirësohen edhe tendencat e kqëija demografike.
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



User avatar
Adriana
Universe Member
Universe Member
Posts: 3194
Joined: Tue Jun 02, 2009 3:34 pm
Gender: Female
Location: Giethoorn (Nederland)
Contact:

Re: Europa: Pezullim të përkohshëm regjimit pa Viza & Azile

#2

Post by Adriana » Mon Oct 08, 2012 12:27 pm

Nuk e di ne shtetet e tjera, po do flas per Hollanden.
Ketu ne Hollande te gjitha qendrat e azilkerkuesve i kan grumbullur ne tre qendra nga 16 qendra qe kane qene kur kemi emigruar ne 1990.
Per keto tre qendra parlamenti ( per faktin qe hollanda ndejti gati 5 muaj pa qeveri ) e kan lene ne diskutim qe keto qendra ti kalojne ne Rumani, qe te kursejne gati 80% nga shpenzimet. Por perpara se ti kalojne ne Rumani sqaruan qe nje pjese te mire te tyre do ti kthejne mbrapsht, me shume behet fjale per azilkerkuesit nga Iraku,Afganistani, dhe per disa azilkerkues politik nga Afrika. Pak jave me pare ata moren kete lajme dhe kane protestuar dy here duke u djegur me benzine ne nje nga tre qendrat e mbetura ne Zwolle ( e cila ka qene dhe qendra me e madhe e azilkerkueseve).

Persa i perket regjimit pa viza ketu akoma gjithcka eshte sic ka qene qe ne fillim ( flas per shqiptaret), ne dy menyra, si turist ( qe duhet te ken shume e duhur te lekeve per te plotesuar kushtin e nje turisti ), ose duke pasur garancin e nje te afermi qe banon ne hollande.

Flitet qe ne 2013 do shtohet shuma e lekeve si turist, ndersa per ata qe leshojne garanci, duhet te hapin nje garanci te vecant per ate person me nje shume lekesh 23 mije euro. Kjo shume do jet ne dispozicion deri sa personi te largohet nga hollanda, dhe me firmen e marre nga policia qe personi eshte larguar, kjo shume u rikthehet perseri. Ne mungese te ketyre te ardhurave per personi qe banon ne hollande, mund te hapi nje garanci duke paguar nje pagese te vogel mujore, derisa personi te largohet nga hollanda, ( kjo pagese nuk u rikthehet me ). Dhe nese personi nuk ka figuruar qe eshte larguar nga Hollanda atehere ky person perballet me ligjin si dhe me shumen 23-mije euro hahahaha


( kete sistem me garancine 23mije euro, hollanda e ka pasur ne fuqi por jo per shtetet qe po punojne per BE-n)

Por per pezullimin e regjimit pa viza nuk kemi degjuar akoma.
Jam fisnike e kam zemren gure,
si Shqiponja ne flamure.
Mburrem dhe jam krenare,
qe kam lindur Shqiptare.
Nga do qe te jem me ndjek fati,
se jam Shqiptare, shkurt hesapi !!



Post Reply

Return to “Problematika nderkombëtare”