ARBERIAONLINE

ARBERIAONLINE

kuvend që bashkon arbërorët
 
It is currently Thu Apr 17, 2014 3:49 am

All times are UTC




Post new topic Reply to topic  [ 8 posts ] 
Author Message
 Post subject: Keshilla per seksin
Post Number:#1  PostPosted: Tue Jun 16, 2009 4:06 am 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Kujdes për seksin
Image





Dieta ushqimore e shëndetshme dhe ushtrimi fizik i rregullt, janë dy kushte të rëndësishme për funksionimin e mirë të trupit. Duhet të evitohen nga dieta ushqimet me shumë yndyra dhe kolesterol.
Ushqimi që i bën mirë zemrës, trurit, veshkave dhe në përgjithësi gjithë organizmit, ndihmon edhe për një jetë seksuale më të mirë. Mos harroni: Çdo ushqim që ndihmon të mbyllen tubat e jetës (arteriet), mbyll edhe tubat e dashurisë. Kur qarkullimi i gjakut dëmtohet nga depozitimi i yndyrave në enët e gjakut, organet gjenitale nuk marrin sasi të e mjaftueshme gjaku. Gjaku, siç dihet, u duhet burrave për të arritur ereksionin dhe u duhet burrave dhe grave për të siguruar ndjeshmërinë seksuale. Si pasojë e mungesës së gjakut, loja seksuale do të jetë e keqe. Kjo vlen, po njësoj, për burrat dhe për gratë.


Shijojeni kafenë


Për kafenë është folur dhe vazhdon të flitet shumë. Kohë më parë, janë bërë një numër i madh studimesh që kërkonin të gjenin lidhjen midis kafeinës, seksit dhe riprodhimit. Këto studime treguan se kafeina shkakton defekte të lindjes dhe rrit rrezikun e kancerit të gjirit.

Më vonë janë bërë shumë studime të tjera, pjesa më e madhe e të cilave kanë treguar se filxhani me kafenë që avullon, ndihmon prodhimin dhe lëvizshmërinë e spermatozoideve tek burrat. Por, mos harroni, kafeja i ka këto veprime të mira, vetëm tek ata burra që pinë një ose dy filxhanë kafe në ditë.

Është provuar se kafeina rrit shpejtësinë e lëvizjes së spermatozoideve, por mos mendoni se duke pirë kafe pa fund, çiftet që nuk kanë fëmijë do të ndihmojnë fertilizimin. Në shumë studime, u provua se sasitë e mëdha të kafeinës, kur veprojnë direkt mbi spermatozoidet që lëvizin në një pjatë (petri) në laborator, e ndihmojnë vërtet lëvizshmërinë e spermatozoideve. Por, vlera praktike e këtij studimi, është se ai na tregon si të mund të përmirësojmë shanset e ngjizjes (fertilizimit) in vitro, por jo për ngjizjen me rrugë natyrale.

Kujdes me alkoolin

Alkooli ka ndikim në aktivitetin seksual. Ai shkakton ngjitje dhe zbritje të këtij aktiviteti. Mbani mend: alkooli më shumë shkakton rënie të aktivitetit seksual. Pasi keni pirë një gotë me verë, ju mund të jeni të aftë të bëni seks më të mirë. Por pasi të keni pirë dy ose tre gota verë, kurba e shkathtësisë suaj seksuale fillon të bjerë menjëherë.

Mos harroni këtë rregull të përgjithshëm: sasia e alkoolit që prish aftësinë për të drejtuar makinën (për një burrë me përmasa mesatare, dy gota brenda një ore), prish edhe aftësinë seksuale të burrit.

Ju të gjithë, pa dyshim, e keni provuar se një gotë shampanjë, në një ambient me qirinj aromatikë, nën tingujt e lehtë të një pianoje në sfond, i kanë mbushur sytë e saj plot me pasion dhe u kanë drejtuar tek shtrati në dhomën e gjumit. Bulëzat e vogla të shampanjës kanë veprim magjik. Por mbani mend, kur bëni seks, nuk duhet të jeni kurrë nën anestezi.

Pakësoni ushqimin


Ushqimi i tepërt e prish jetën seksuale. Ai prish më shumë punë nga alkooli. Të gjithë e kemi provuar se pas një ushqimi të tepërt jemi ndjerë të përgjumur. Triptofani është një aminoacid që sjell përgjumjen dhe ai gjendet me shumicë në mishin e ngrohtë, veçanërisht tek mishi i ngrohtë i gjelit. Pasi keni ngrënë një ushqim të bollshëm me mish të ngrohtë dhe keni pirë një gotë verë, ju nuk do të jeni të zotët të kaloni një natë që e keni planifikuar për pasion, por do të keni dëshirë të flini.

Kini parasysh këto këshilla të thjeshta: për të nxitur proceset metabolike të trupit dhe për të evituar shëndoshjen, këshillohet të hani disa herë në ditë (5-6 herë), me sasi të vogla dhe kurrë mos evitoni ngrënien e mëngjesit. Hani darkën, më së paku, katër orë para se të shkoni për fjetur.

Ka edhe disa telashe të tjera të mëdha ngrënia e tepërt. Ka një vepër klasike seksi në Afrikën e Veriut. Ajo quhet: "The Perfumed Garden". Në këtë libër shkruhet se marrëdhënia seksuale pas një ushqimi të rëndë, bën që të çahet zorra. Besoj se askush nuk dëshiron t'i ndodhë kjo. Edhe sikur t'u duket se nuk ka bazë shkencore për këtë paralajmërim afrikan, është mirë ta zbatoni këtë porosi.


Kujdes me hundën

Pse njerëzit ndalojnë këmbët kur kalojnë para një punishteje ëmbëlsirash dhe diçka blejnë atje, kur shkojnë në një mbrëmje dashurie? Hunda e jonë punon në mënyrë të çuditshme dhe misterioze, kur është fjala për seksin. Nuk janë asgjë aromat e parfumeve më të shtrenjta, përpara nuhatjes së thjeshtë e të vjetër të drurit të kanellës, që përdornin njerëzit e lashtë.

Neurologët e Çikagos, para disa kohësh, u morën me kërkimet lidhur me shijen dhe nuhatjen. Tek studentët e mjekësisë, ata përcaktuan sasinë e gjakut që shkon në penis të djemve dhe konkluduan se flagranca e kanellës është eksituese për burrat. Por, mbani mend, mos hani biskota me kanellë pa masë, veçanërisht kur janë akoma të nxehta. Po vepruat kështu, ju do të zhytni kokën në jastëk. Gjaku i trupit do të shpejtojë të shkojë në stomak, për të tretur gjithë ato biskota që hëngrët. Era e kanellës është e shijshme dhe sensuale, kur ju do të hani vetëm një ose një gjysmë biskotë, ndryshe, gjaku do të shkojë në stomak dhe jo në penis.

Ndaloni duhanin

Tymosja e duhanit, siç e dini, shpejton formimin dhe bllokimin e arterieve të zemrës dhe bën të njëjtën gjë edhe në vazat që shpien gjak në penis. Tymosja e duhanit, tani konsiderohet një faktor i rëndësishëm për disfunksionin erektil. Shenjat e para të dëmtimit duken që në moshën 40 vjeç. Nikotina e duhanit, përveç që çon në formimin e pllakave në murin e arterieve, ajo është dhe një lëndë që ngushton vazat e gjakut. Kjo do të thotë që çdo thithje e cigares, e bën më të vështirë mbushjen e penisit me gjak, kur ky stimulohet. Kjo i pengon burrat të ngrihen dhe qëndrojnë kokulur e të turpëruar.

Kujdes për gjumin


Ju nuk dëshironi të mbyteni përpara se të bëheni gati për lundrim. Dihet që lodhja është një pengesë e madhe për seksin e mirë. Kush është i lodhur e i përgjumur, nuk do seks. Ai kërkon çlodhje dhe gjumë. Shkoni në takim kur të jeni të sigurt se keni fjetur aq sa duhet. Pushimi i mirë, dieta e mirë dhe ushtrimi trupor fizik, ndihmojnë trupin dhe veglat tuaja fine seksuale, që të funksionojnë mirë në kulmin e punës së tyre.

Evitoni rutinën seksuale, që të bëni seks përpara se të flini natën. Për shumicën e njerëzve kjo është koha më e keqe. Në fund të një ditë pune të lodhshme, juve u kanë mbetur pak, shpesh, aspak energji për të bërë dashuri. Po qe se për seksin mendoni vërtet si për të gjitha prioritetet e jetës suaj, atëherë pse e lini të fundit në radhën e punëve ditore dashurinë? Përpiquni ta ndryshoni radhën e punëve ditore. Fillojeni ditën me dashurinë, në vend që ta mbyllni me të. Ditën e shtunë në mëngjes, është koha më e përshtatshme. Qëndroni më gjatë në shtrat dhe të dilni prej andej kur t'i keni bërë të gjitha. Kush ka fëmijë bën mirë t'i rregullojë ata që të premten.

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Last edited by Sally on Sun Jun 21, 2009 8:22 pm, edited 4 times in total.

Top
 Profile  
 
 Post subject: Re: Keshilla per seksin
Post Number:#2  PostPosted: Tue Jun 16, 2009 4:25 am 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Seksi i hershëm dhe i vonshëm shkaktojnë çrregullime funksionale


Një studim i ri ka zbuluar se fillimi i hershëm ose i vonshëm seksual është i lidhur me probleme në funksionimin seksual.Gjatë studimeve hulumtuesit kanë ekzaminuar pasojat e të rriturve me fillimin e hershëm ose të vonshëm seksual.
Ata kanë krahasuar individët të cilët përvojat e para seksuale i kanë pasur pas martesës, me individët të cilët përvojat e para i kanë pasur para martesës. Ata që kanë pasur seks të hershëm kanë qenë më të prirë të kenë më shumë partnerë dhe në mes tyre edhe më shumë partnerë të rrezikuar me sëmundje të ndryshme, përfshirë edhe infeksionet seksualisht të transmetuara. Edhe personat që kanë filluar jetën seksuale vonë, kanë qenë të shoqëruar me probleme në funksionimin seksual, krahasuar me personat të cilat kanë filluar jetën seksuale në moshë normale.

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Top
 Profile  
 
 Post subject: C'far eshte seksi, dhe paraloja seksuale?
Post Number:#3  PostPosted: Tue Jun 16, 2009 5:55 pm 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Image





Çfarë është seksi?

Kur Presidenti Klinton i tha botës se ai nuk kreu "marrëdhënie seksuale" me Monika Lewinsky-n, pohoi diçka që nuk është e vërtetë. Tamam kështu, mendojnë edhe shumë të reja sot dhe gjatë gjithë historisë.
Ky keqinterpretim i seksit, ka konsekuenca të rrezikshme. Ne i bëjmë vetes një shërbim të keq, kur e mendojmë seksin vetëm si interkursë vaginale, ose sillemi sikur seksi fillon e mbaron me interkursën.
Duke eksploruar idenë e paralojës seksuale, unë vazhdoj t'u mësoj dhe të mësoj nga burrat dhe gratë. Këto bashkëbisedime që kam pasur me ta, më kanë provuar se partnerë më të mirë, janë ata burra dhe gra që janë më gjenerozë në shtrat.
Ata shikojnë një sfond më të gjerë, në një pikturë më të madhe. Ata bëjnë pyetje dhe përdorin gjithçka të mundshme për ta ndihmuar partnerin të jetë seksualisht më i nxehtë.


Pse burrat nuk kuptojnë që paraloja është pjesa më me rëndësi e marrëdhënies seksuale?

Për këtë ka shumë faktorë që i detyrojnë burrat dhe gratë të besojnë se seksi është vetëm interkursë. Për shembull, feja prej kohësh ka predikuar se seksi është vetëm për rikrijim dhe se çdo kënaqësi që merret nga ky akt është mëkat.
Shoqëria jonë është plot mite dhe tabu për seksin, që duan të na mbajnë të gjithëve në errësirë. Varet nga gratë, që t'u mësojnë dashnorëve të tyre se si t'i prekin. T'i inspirojnë ata të lexojnë libra dhe të mësojnë bashkë me ato.
Varet nga gratë që të ofrojnë seks-edukim të kualifikuar, madje, edhe tek fëmijët e tyre. Të gjejnë libra të përshtatshëm për moshën e fëmijëve dhe t'i lexojnë bashkërisht me ta, ndërkohë që ata po rriten. Libra ka plot, kërkojini ato dhe do t'i gjeni.

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Last edited by Sally on Mon Dec 21, 2009 3:35 pm, edited 1 time in total.

Top
 Profile  
 
 Post subject: Re: Keshilla per seksin
Post Number:#4  PostPosted: Sat Jun 20, 2009 5:52 pm 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Image

Seksi dhe dashuria ndikojnë

1. Dashuria e mjaftueshme do të bëjë që femrat të duken në formë të mirë dhe me pamje të shkëlqyeshme. Shkaku kryesor, i cili ndikon për kënaqësi në dashuri dhe në seks është të tajiturit e sasisë së dyfisht të hormoneve të ostrogenit.

2. Seksi është më i bukur sesa kremet e shtrenjta kundër rrudhave. Ai e nxit apo e shpejton qarkullimin e gjakut dhe lëkura bëhet më e lëmueshme dhe më e shtrënguar, më saktë më e nderë (më e shtrirë). Papastërtia dhe puçrrat zhduken.

3. Seksi ndikon edhe në mbajtjen e vijës së trupit bilonjë, d.m.th të trupit të bukur, shtathedhur. Gjatë seksit të nxehtë dhe me plot pasion është konstatuar se shpenzohen 560 kalori të tëra, po aq kalori sa shpenzohen për një orë e gjysmë të stërvitjes me biçikletë dhomë. E me këtë kjo paraqet edhe njëfarë kënaqësie.

4. Në shtrat mund ta zvogëloni rrezikun nga ngushtimi i enëve të gjakut. Gjatë kohës sa keni marrëdhënie seksuale tajohet (formohet) hormoni që e zvogëlon tensionin e gjakut.

5. Edhe disponimi përmirësohet pas seksit, bile zhduket edhe depresioni dhe shfaqet ndjenja e lumturisë dhe e kënaqësisë.

6. Nëse juve ju mundon pagjumësia, seksi para gjumit do t’ju bëjë çudira. Është konstatuar se seksi është dhjetë herë më i mirë se sa hapat për gjumë ose për qetësim. Do të çliroheni tërësisht nga brengat dhe do të flini të qetë, sigurisht nja 25% më mirë e më gjatë.

7. Seksi është terapia më e mirë dhe më e fortë kundër flamës dhe kundër gripit. Netët e nxehta të seksit dhe të dashurisë ndihmojnë edhe në shërimin e astmës dhe të alergjisë.

8. Tashmë është konstatuar se edhe paraloja e zjarrtë gjatë seksit dhe dashurisë e shëron dhembjen e kokës. Enët e gjakut në tru, të cilat kanë ngërç, gjithashtu mund të çlirohen.

9. Loja me buzë dhe me gjuhë ndikon gjithsesi në tajitjen e pështymës, e cila i mbron dhëmbët nga kariesi dhe bigorri (guralecët) e dhëmbëve. Përveç kësaj, edhe puthjet e buta dhe të ndjeshme ndikojnë për të mirë në seks, d.m.th. e stimulojnë atë.

10. Seksi i pakëson fatkeqësitë në rrugë dhe në punë. Pas natës së mrekullueshme të seksit dhe të dashurisë së kaluar, njerëzit janë psikikisht më stabilë dhe më të kujdesshëm.

11. Në seks më së miri stërviten muskujt e barkut dhe të prapanicës. Për këtë arsye zhduket stomaku, kurse prapanica bëhet edhe më e fortë dhe e ngrejtur, më saktë më e ndërtuar dhe ka një pamje të mrekullueshme, të cilën e merr pas seksit intensiv. Bile, seksi mundëson edhe që të dobësohemi dhe nuk ka dietë më të mirë se seksi për t’i hequr kilogramët e tepërt dhe të padëshiruar.

12. A bëheni të harrueshëm dhe a plakeni?
Seksologët kanë konstatuar se seksi dhe dashuria e ngadalësojnë procesin e mplakjes (të moshuarit) dhe e kthjellojnë mendjen, d.m.th. nuk bëheni të harrueshëm dhe e ndalon mplakjen e parakohshme.

13. Nëse ju tërheqin dashuria dhe seksi, nuk do t’ju dhembë lukthi fare, bile as rraskapitjet nuk do t’i njihni (përjetoni).

14. Po ta fitoni vetëbesimin në shtrat, edhe partneri juaj do t’jua pranojë këtë dhe në jetë nuk do të jeni të komplikuar, pra, do të çliroheni nga të gjitha komplekset e mundshme.

15. Seksi u jep një pamje të bukur kofshëve dhe këmbëve. Nga celuliti nuk do të mbetet asnjë gjurmë, sepse sistemi limfatik është mjaft aktiv, e posaçërisht në këmbë.

16. Netët e dashurisë i zgjidhin të gjitha vështirësitë dhe këshillat nga institucionet për këshillime martesore s’do t’ju nevojiten fare. Bisedoni në shtrat me partnerin tuaj për gjithçka.

17. Sportistët e dijnë tashmë edhe atë që një kohë të gjatë se pas mesnatës së suksesshme të seksit dhe të dashurisë reaksionet janë thjesht më të mira.

18. Seksi është me të vërtetë lloji më i sigurt dhe më i shpeshtë i sportit, i cili e vë në lëvizje çdo muskul të trupit të njeriut, e në anën tjetër në shtrat ka më pak fatkeqësi.

19. Seksi-terapia më e fortë kundër infarktit të zemrës?!
Mjekët kanë konstatuar se infarkti i zemrës i godet në radhë të parë njerëzit që dashurohen shumë pak dhe që jetën seksuale e kanë shumë të varfër (pra ata që merren më pak me seks). Mirëpo, shumica e personave që pësojnë infarkt, pas këtij infarkti e ndërpresin jetën seksuale të rregulltë, nga frika më tepër. Por, sipas mjekëve, kjo është plotësisht e gabuar dhe e dëmshme, sepse seksi i rregullt pas infarktit, ndikon dhe e stimulon stabilizimin e imunitetit. Nëse nuk e besoni këtë, para se të provoni, këshillohuni me mjekun.

20. Seksi ju bën shumë tërheqës dhe joshës (ngashnjyes). Kur dashuron shumë, nënkuptohet se bën seks edhe më shumë e më shpesh, dhe me këtë rast krijohen fenomene të një seksi parfumi të butë, me aromë të mirë dhe joshëse, por shumë të rëndësishme. Femrat i bën të dëshirueshme, kurse meshkujt më të furishëm (më agresivë).

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Top
 Profile  
 
 Post subject: Re: Keshilla per seksin
Post Number:#5  PostPosted: Sat Jun 20, 2009 6:34 pm 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Image

Disa truke te vogla per shtepiaket, ose per ato femra qe i dedikojne pjesen me te madhe te kohes, punes dhe femijeve


Nuk eshte e lehte qe nje femer e cila ka plot detyrime familjare te kete shume kohe per t'u kujdesur per veten e saj. Por nuk eshte kurre vone qe sapo te gjeni pak kohe te lire, t'i futeni punes per te ndryshuar dhe per te qene sa me terheqese ne syte e partnerit per t'u bere joshese. Duket si nje enderr qe nje grua te luaje nje rol te tille pas 10 oresh pune, pa permendur detyrat qe duhet te permbushe ne familje. Eshte per te ardhur keq qe femrat nuk po e perdorin me kete sharm te tyre. Tani ka ardhur koha qe femrat te zgjohen dhe te behen "perendesha te seksit". Pikerisht per kete arsye seksologet rekomandojne 20 menyrat per t'u bere joshese.


1- Thuaj disa fjale partnerit para se te shtrihesh ne krevat, qe mund te jene fjale cfaredo dhe nuk ka pse te aludohet seksi. Thoni ato fjale me ze seksi, qe e duken te buta dhe deri diku jonormale.

2- Mos vish kemishe nate pasi te kesh bere nje dush. Thjesht mbulohu me nje peshqir, mundesisht te shkurter, pa fshire pikat e ujit te mbetura ne lekure. Lereni qe peshqiri te tregoje pjeset me magjepsese te trupit tuaj.

3- Beni ecjen tuaj sa me shume seksi duke u perpjekur te lekundni vithet tuaja dhe mos harroni te mbani drejt kurrizin tuaj qe te evidentohet sa me shume gjoksi dhe te duket me shume vrull.

4- Nje ere e lehte djerse mund te shtoje kenaqesine e dyanshme gjate parapritjes per seks. Kjo nuk do te thote se ju keshillohet te beni stervitje para se te beni seks, por mund te merrni ne konsiderate nje zbavitje te vogel ne qilim.

5- Shpikni nje nofke per veten tuaj. Dicka te kendshme, te embel dhe te shijshme. Partneri juaj nuk duhet medoemos te dije per te.

6- Kollituni pak me shume se sa duhet. Vishni te brendshme te stilit te larte, mendafsh me

dantelle. Perseri nuk keni pse t'ia tregoni ato partnerit tuaj. Thjesht do te vereni se do te keni nje gjendje shpirterore shume sensuale, duke ndjere prekjen e mendafshit ne lekuren tuaj.

7- Mos qendroni me ne distance pasi bashkeshorti juaj mund te mos kuptoje qellimet tuaja te prapta.

8- Harrojini per disa dite rrobat e perditshme te shtepise. Vishni pantallona te shkurtra me nje prerje shume te shkurter dhe lini te brendshmet tuaja ne sirtar. Nisni nje bisede perfundimi i te ciles do te jete zhveshja, ne menyre qe partneri te shohe se ju s'kishit asgje poshte.

9- Hartoni vete nje plan seksi te papritur.

10- Vishni fustan te tejdukshem dhe qendroni aty ku drita ndricon me shume. Se shpejti do ta kuptoni se cdo te ndodhe.

11- Blini nje fustan nate apo rrobe shtepie me shume kopsa. Lerini disa prej tyre zberthyer, qe te shihni se cdo te ndodhe me pas.

12- Shiheni ate direkt ne sy, sikur po kerkoni dicka ne syte e tij. Ai me siguri do t'ju pyese perse po e veshtroni aq shume.

13- Nje kercim i improvizuar erotik eshte gjithnje i mirepritur.

14- Nese kohet e fundit keni qene pasive, atehere vereni veten ne rolin kryesor. Shpesh burrave u pelqen qe te drejtohen nga grate ne momentet e tyre te afshit.

15- Luaj rolin e vajzes lozonjare dhe flirto me te ne menyre shume energjike. Ngadale por me siguri ripunoni me menyrat e vjetra te sjelljes, filloni te qeshni nen hunde ashtu si ne fillimet e lidhjes tuaj.

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Top
 Profile  
 
 Post subject: Re: Keshilla per seksin
Post Number:#6  PostPosted: Sun Jun 21, 2009 2:17 am 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Image


Edhe po të jesh nga ato gra që dinë ta shijojnë seksin, ia vlen të eksperimentosh në shtrat.


[i]Sipas ekspertëve mbi seksin, njerëzit zakonisht përsërisin të njëjtat pozicione në shtrat dhe kjo sjell rutinën. Kur nuk ka një ndjesi risie, nivelet e dopaminës, e cila është e lidhur direkt me eksitimin seksual, mbeten të ulëta. Nga ana tjetër, kur në shtrat gjithçka është aksion dhe larmi, niveli i dopaminës rritet dhe eksitoheni më shumë. Seksi është më i mirë kur shtohet “faktori surprizë”. Djemve u duken shumë eksituese gratë me imagjinatë dhe, ç’është më e rëndësishmja, që kanë dëshirë të bëjnë gjëra të ndryshme, me qëllimin që situata të mbetet e nxehtë. Duke u nisur nga kjo, kemi përshkruar shtatë stile seksuale shumë krijuese që partneri yt dhe ti të udhëtoni së bashku drejt një dimensioni të ri...

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Last edited by Sally on Mon Dec 21, 2009 3:37 pm, edited 2 times in total.

Top
 Profile  
 
 Post subject: Re: Keshilla per seksin
Post Number:#7  PostPosted: Sun Jun 21, 2009 8:10 pm 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Image


Klamidia është një prej infeksioneve më të zakonshme bakteriale, seksualisht të transmetueshme

Image Nëse nuk kurohet mund të shkaktojë probleme serioze. Simptomat e infeksionit mund të shfaqen në çdo kohë. Shpesh ndodh që ato të shfaqen një deri në tre javë pas infektimit, ose të mos shfaqen për një kohë të gjatë. Këto infeksione shkaktohen nga viruset, bakteret dhe parazitët. Më të rrezikuar nga infektimi janë të rinjtë, të cilët nuk kanë shumë informacione mbi rreziqet e seksit të pambrojtur.

Në pjesën më të madhe të rasteve infeksioni prek femrat, sidomos adoleshentet dhe vajzat e reja seksualisht aktive. Ata që e theksojnë këtë janë mjekët e një qendre spitalore gjinekologjike, përmes një studimi të kryer që prej vitit 1994 te 15 mijë vizita gjinekologjike. "Vëzhgimi i sëmundjeve seksualisht të transmetueshme po bëhet një pjesë shumë e rëndësishme e punës sonë. Gjatë tre viteve të fundit, kemi zbuluar tre mijë raste të reja infektimi te të rinjtë (pothuajse tri raste në ditë) dhe kemi vëmë re se janë totalisht të painformuar mbi sëmundjet më të rëndësishme seksualisht të transmetueshme dhe parandalimin e tyre", thotë një prej studiuesve.

Klamidia transmetohet përmes marrëdhënieve seksuale të çdo lloj tipi, vaginale, anale dhe orale. Një grua e infektuar mund t‘ia transmetojë, përmes lindjes edhe bebes së sapolindur, duke i shkaktuar një infeksion në sy dhe në aparatin e frymëmarrjes. Te femrat, shfaqja më e zakonshme e infeksionit është inflamacioni pelvik (pelvic inflammatory deasise), që prek pothuajse të gjitha femrat që nuk i janë nënshtruar asnjë mjekimi. Inflamacioni pelvik mund të dëmtojë kanalet, mitrën dhe indet përreth saj, duke shkaktuar dhimbje kronike të vazhdueshme, shterpësi dhe shtatzëni jashtë mitre.

Femrat e prekura nga klamidia kanë pesë herë më shumë probabilitet të infektohen edhe nga virusi i SIDA-s. Zakonisht meshkujt nuk vuajnë nga dhimbjet kronike të vazhdueshme, edhe pse një studim i fundit i publikuar nga një grup studiuesish suedezë konfirmon se ekziston një lidhje mes infeksionit të klamidias te meshkujt dhe sterilitetit të tyre. Ndonjëherë infeksioni mund të shkaktojë dhimbje, të japë temperaturë dhe në çdo rast sterilitet.

Mosha e marrëdhënies

Sipas të dhënave të mbledhura nga grupi i gjinekologëve, marrëdhënia e parë, duke u bazuar edhe te deklaratat e 1030 pacientëve, fillon para moshës 15-vjeçare, një sjellje e cila u hap rrugë dinamikave të reja në transmetimin e patologjive me karakter seksual.

Mitet e rreme

Mes adoleshentëve janë përhapur disa mendime të gabuara, si për shembull që infeksioni i vetëm që mund të merret përmes marrëdhënies seksuale është virusi HIV, ose që pilulat kundër shtatzënisë të mbrojnë nga infektimi seksual; apo që hepatiti B dhe C nuk kanë lidhje me marrëdhënien seksuale. "Numri i lartë i infeksioneve vaginale po bëhet shumë shqetësues, duke e bërë kështu ekosistemin vaginal më të dobët ndaj infeksioneve të tjera më të rënda. Kampionët e regjistruar nga 14 për qind që kanë qenë në 2005-ën, kanë arritur në 20 për qind në 2008-ën, ndërsa për mykoplazmën (një tjetër lloj bakteri) ka kaluar nga 22.80 për qind në 30%", thotë një gjinekolog.

Klamidia

Një prej infeksioneve më të nënvleftësuara është klamidia, shkaktuar nga bakteri "Chlamydia trachomatis", që zakonisht nuk shfaq simptoma dhe si pasojë mund të veprojë në qetësi gjatë adoleshencës, duke shkaktuar probleme serioze shterpësie në moshë madhore te të rinjtë që dëshirojnë të kenë një fëmijë. Të dhënat flasin vetë: në 701 kampionë të analizuar, 26 nuk janë prekur nga ky bakter dhe kjo nënkupton një përqindje të ulët, rreth 3.7%. Një përqindje e tillë kërkon më shumë vëmendje kur janë të infektuara vajzat nën 25 vjeçe. "Mund të mos ju duken shifra shumë alarmuese, por në fakt është e kundërta, sepse infeksioni, që nuk jep shqetësime dhe nuk shfaqet pa kaluar disa vite, merret nga marrëdhënia seksuale në moshë të re, kur për arsye anatomike dhe imunologjike është më e lehtë të jemi të ekspozuar. Gjithsesi, duke analizuar këto të dhëna kuptohet se sa të painformuar dhe sa keq i përdorim teknikat mbrojtëse", vazhdon më tej gjinekologu.

Parandalimi dhe mbrojtja

Duke pasur parasysh pasojat e infektimit, të gjitha gratë seksualisht aktive nën moshën 25-vjeçare, ose ato të moshuara që i ndërrojnë shpesh partnerët, si dhe gratë shtatzëna duhet të mbrohen. Infeksioni bakterial, klamidia, mund të kurohet me antibiotikë. Përveç personave në fjalë, është e nevojshme që të gjithë partnerët seksualë t‘u nënshtrohen kontrolleve për praninë e bakterit dhe më pas të trajtohen. Rreziku i riinfektimit të pacientëve të ekspozuar ndaj subjekteve të infektuar është shumë i lartë dhe e shton mundësinë që pasojat e infektimit të jenë serioze. Personat e infektuar duhet të mbrohen nga çdo aktivitet seksual dhe t‘u nënshtrohen kontrolleve 3-4 muaj pas trajtimit. Përdorimi i kondomëve e zvogëlon rrezikun e infektimit.

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Top
 Profile  
 
 Post subject: Re: Keshilla per seksin
Post Number:#8  PostPosted: Wed Jul 29, 2009 2:47 am 
Offline
Galactic Member
Galactic Member
User avatar

Joined: Tue Jun 09, 2009 2:36 pm
Posts: 2020
Gender: Female
Mendimi i pare : seksi



Ata mendojnë vetëm për seks. OK, këtë e dimë të gjitha. Po se përse ndodh kjo, ndoshta nuk e kishit marrë mundimin ta analizonit. E pra, studiuesit e kanë bërë. Dhe kanë arritur në përfundimin se...
Mendimi i fundit: seksi
Ata mendojnë vetëm për seks. OK, këtë e dimë të gjitha. Po se përse ndodh kjo, ndoshta nuk e kishit marrë mundimin ta analizonit. E pra, studiuesit e kanë bërë. Dhe kanë arritur në përfundimin se...

Ka nga ata që pretendojnë (kushedi se si arrijnë t’i bëjnë llogaritë) se një burrë mendon për seksin mesatarisht çdo 25 sekonda. Po ka edhe të tjerë që shkojnë përtej kësaj dhe thonë se sekondat që ndajnë një fantazi seksuale nga tjetra janë vetëm 3... pastaj janë edhe ca të tjerë që na japin një teori paksa më realiste: “80 herë në ditë”. Sidoqoftë, 80 apo 90 s’ka rëndësi! Ne e dimë mirë se ata e kanë mendjen gjithë ditën në një vend. Dhe cilido qoftë realiteti (që me siguri është i ndryshëm për çdo burrë), dimensionet e fenomenit janë sigurisht të dukshme.



Flasin me një vajzë simpatike: mendojnë si ta çojnë në shtrat. Shohin një reklamë: mendojnë për seksin. U prezantojnë një kolege të re... ndezin kompjuterin... përsëri seks. Dhe kështu ikën dita... e gjithë dita. Sa e lodhshme!

Por ja që fantazia seksuale e shpeshtë bëka pjesë në pasurinë gjenetike të burrave. Të paktën kështu thonë studiuesit. Dhe ne nuk kemi pse të mos u besojmë atyre. Seksologë, antropologë, psikologë, sociologë... dhe të gjithë “log”-ët e mundshëm i janë futur punës të studiojnë dhe të tentojnë të shpjegojnë këtë tipar të veçantë të psikikës mashkullore. Dhe ja cilat janë përfundimet në të cilat kanë arritur studiuesit në përgjithësi: “burra, fantazi, seks”. Ide të ndryshme, kontrastuese e ndonjëherë pak të çuditshme. Por interesante...




1. Fantazitë seksuale janë gjenetikisht të programuara në ADN-në mashkullore (po pse në atë femërore jo...?) dhe burrat nuk mund të dalin kundër kësaj prirjeje natyrale.



2. Nuk është e vërtetë që burrat mendojnë për seksin më shpesh sesa gratë. Kushtet sociale, kulturore, religjioze u japin më shumë liri burrave në këtë fushë. Pastaj ca gjëra ata i pranojnë më me thjeshtësi. Ama fantazitë seksuale në kampin femëror janë njëlloj të frekuentueshme.



3. Është një çështje evolutive. Burri ndjek instinktin riprodhues dhe për të garantuar efikasitetin maksimal, duhet të shohë çdo grua single që takon (OK, jo tamam të gjitha... ka limite edhe në kërkesat evolutive...) duke e parë me syrin e një partnereje të mundshëm. Në këtë pikë frekuenca e fantazive seksuale rritet edhe më shumë dhe shërben për “të mbajtur lart” vëmendjen.



4. Psikika mashkullore është shumë e ndjeshme në përkufizimin e kërkesave vizive dhe reagon instinktivisht kur stimulohet në këtë pikë (kraharor, këmbë, sy etj.). Nëse kësaj i shtohet fakti se sot jetojmë me kuptimin e plotë të fjalës të zhytur në një komunikim publicitar, që tinëzisht e vënë theksin mbi të njëjtin tip të kërkesave vizive (modele gjysmë-nudo që kthehen në imazh të një produkti, makina me linja të tilla që do zilepsnin edhe Marilyn Monroe-në)... çuditemi se si fantazitë nuk kthehen në një fantazi të gjatë e të pafundme seksuale, që të na shoqërojë gjatë gjithë jetës.



5. Fantazitë seksuale shërbejnë si një valvul shpërthimi e seksualitetit mashkullor, që siguron (aq sa është e mundur) një bashkëjetesë korrekte sociale.



Ndërkohë që nga ana tjetër disa kanë hedhur idenë se gratë mendojnë për shopping po aq shpesh sa mendojnë meshkujt për seksin. E lëmë me kaq. Në këtë pikë, ne të kampit femëror nuk po e marrim mundimin të kundërshtojmë. Ndonjëherë këta studiuesit kanë të drejtë, apo jo?!

_________________
Nuk jam vrasës, jam student shqipetar dhe vrava nje tradhtar të Atdheut tim.
(Avni Rustemi)


Top
 Profile  
 
Display posts from previous:  Sort by  
Post new topic Reply to topic  [ 8 posts ] 

All times are UTC


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot post attachments in this forum

Search for:
Jump to:  
cron
Powered by phpBB © 2000, 2002, 2005, 2007 phpBB Group
History Forum
Template made by DEVPPL