ARBERIAONLINE

DAVUTOGLU E PRANON, TURQIA KA PASUR 28 KRYEMINISTRA ME ORIGJINË SHQIPTARE



Ministri i Jashtëm i Turqisë, Ahmet Davutoglu, përveç se pranoi se Perandoria Osmane ka pasur 28 kryeministra me origjinë shqiptare, gjithashtu pranoi se se autori i himnit turk, Mehmet Akifi dhe autori i fjalorit të parë turk, Sami Frashëri ishin shqiptarë.

Ministri i Jashtëm i Turqisë, Ahmet Davutoglu, ka deklaruar se Perandoria Osmane ka pasur 28 kryeministra me origjinë shqiptare dhe dhjetëra shqiptarë në funksione ministrash.

Davutoglu gjithashtu pranon se autori i himnit turk, Mehmet Akifi dhe autori i fjalorit të parë turk, Sami Frashëri, janë me origjinë shqiptare. Këtë gjë ai e ka shprehur në një intervistë për revistën “Shenja”, ku ministri ai i cilësoi marrëdhëniet mes Turqisë dhe Shqipërinë, “si mburrje”.

"Populli shqiptar ka dhënë kontribute shumë të rëndësishme në jetën administrative, kulturore dhe sociale turko-osmane. Në historinë tonë të përbashkët kanë lënë gjurmë qeveritarë, ushtarakë, njerëz të letrave, intelektualë dhe artistë shumë të vyer me origjinë shqiptare. Në Perandorinë Osmane ka pasur 28 sadrezamë (kryeministra) dhe 36 vezirë (ministra) me origjinë shqiptare. Mehmet Akifi, autori i himnit tonë kombëtar, si dhe Sami Frashëri, autori i fjalorit të parë turk, që në të njëjtën kohë konsiderohet një nga njerëzit më të shquar të letrave në Shqipëri, janë të dy me origjinë shqiptare", tha Davutoglu.

Kreu i diplomacisë turke theksoi se “midis Turqisë dhe Shqipërisë ekziston një miqësi e fuqishme, rrënjët e të cilës shtrihen në thellësitë e historisë e përbashkët.

“Kjo lidhje midis popujve tanë na jep edhe përgjegjësinë për ta zhvilluar në çdo fushë solidaritetin dhe bashkëpunimin midis Turqisë dhe Shqipërisë. Marrëdhëniet tona dypalëshe po zhvillohen në çdo fushë duke nisur nga fusha politike, ekonomike, ushtarake, kulturore dhe ajo arsimore, në përshtatje me miqësinë historike dhe unitetin kulturor midis popujve tanë”, tha Davutoglu.

Ai ka sqaruar se prania gjithnjë e më e madhe e Turqisë në rajonin e Ballkanit nuk ka të bëjë me ndonjë strategji të veçantë, por është e lidhur me zhvillimin ekonomik të këtij vendi. “Zhvillimi i fuqisë ekonomike dhe politike të Turqisë, e cila është dhe ekonomia e gjashtëmbëdhjetë më e madhe e botës dhe ekonomia e gjashtë më e madhe e Evropës, po i rrit aftësitë e saj globale dhe po i mundëson vendit tonë që t’i shpjerë përpara marrëdhëniet e saj politike, ekonomike, kulturore dhe humane me të gjithë botën. Prandaj, veprimtaria në rritje e Turqisë nuk është një zhvillim specifik vetëm për Ballkanin”, thotë ai.

Ministri i Jashtëm turk nga ana tjetër pranon se “Ballkani konsiderohet për ne një rajon primar” për shkak të “lidhjeve të ngushta gjeografike, historike dhe kulturore”.



Nga Express 04 Shtator 2012 17:38

Nuk kishte mujt turku kurre me na majt 500 vjet n'robni po te mos ishin ken kto gjak prishun t'cilt per pushtet e pasuni n'drrune gjakun, shiten nderin dhe mbajten gjakun e tyne 500 vjet ne robni e mjerim!

K'to jane trathtare!

Ne rradhe te pare filloni dhe kuptoni ndryshimin e termave historike.

1) Ne rradhe te pare, nuk ka pasur Kryeministra Shqiptare ne Turqi, por ne Perandorine Osmane.

Turqia eshte nje komb i krijuar ne 1923 nga perzierja e popullatave te ndryshme myslimane ne ate cka mbeti nga Perandoria Osmane, nen drejtimin e Ataturkut, qe u krijoi ketyre myslimaneve nje indentiet turk.

Perandoria Osmane ishte nje perandori multi kulturore, multi etnike, dhe multi rraciale, pa identiet kombetar apo etnik. Ne oborrin Osman, termi '' turk'' konsiderohej fyerje dhe perorej vetem per masta myslimane fshatare te Anadollit.

Nuk ka lidhje Perandoria Osmane me Republiken Turke.


2) Nga ana tjeter nuk ka pasur 28 kryeministra Shqiptare, por 38 Kryeministra Shqiptare.

Dinastia me e fuqishme e Kryeministrave ne Perandorine Osmane ishte Dinastia Shqiptare e Qylrylinjeve qe sundoi per 70 vite dhe shpetoi perandorine nga kolapsi i krejte.

3) Shqiptaret nuk ishin 500 nen Osmanet, por diku tek 400 vite, duke mos harruar pavaresine Shqiptare per me shume se 100 vite nen Pashalleqet Shqiptare gjate shekujve te 18 dhe 19.



Keta kryeministra Shqiptare nuk jane paska per tu lavderuar apo nderuar, pasi i sherbyen nje fuqie te huaj, dhe strukture te huaj per ne, por as nuk duhen mohuar, sepse jane pjese e plejades se jahstezkaonshme te gjenive politike dhe ushtarake qe shqiptaret kane prodhuar qe te pakten prej shekullit te 14.