Dita e PLISIT
Shqiptarët e Maqedonisë festojnë pavarësinë e Kosovës me plisaNë këtë akademi solemne morën përfaqësues të lartë qeveritarë, përfaqësues të partive politike shqiptare nga vendi dhe shumë mysafir të ftuar nga Kosova dhe Shqipëria.
Lëvizja Qytetare ZGJOHU! ka organizuar për herë të tretë Akademine Solemne DITA E PLISIT me rastin e 3 vjetorit të pavarësisë së Republikës së Kosovës në Teatrin Shqiptar në Shkup në praninë e rreth 500 mysafirëve.
Po bëhen tre vite nga shpallja e Kosovës Republikë dhe manifestimi Dita e Plisit po shëndërohet në traditë tek shqiptarët e Maqedonisë, por jo vetëm.
Për herë të parë, Lëvizja ZGJOHU! sot organizon Ditën e Plisit edhe në Kosovë duke promovuar idenë e identifikimit të ditës së pavarësisë së Kosovës me Plisin shqiptar.
Nisma jonë që dita e pavarësisë së Kosovës të njihet si Dita e Plisit është frymëzuar ga fotografia e Adem jasharit me plis ne koke dhe parullen Bac U kry qe ne fakt u be imazhi i pavaresise se Kosoves dhe qëllimi yne është që njëlloj sikur dita e pavaresise se Shqiperise që njihet si Dita e Flamurit, le të njihet edhe Dita e Pavarësisë së Kosovës si DITA E PLISIT. Në këte menyre promovojme edhe nje element dhe kod unifikues shqiptar, pas gjuhes, flamurit, tash edhe plisit ose qeleshes qe eshte e perbashket per te gjithe shqiptaret
Urojmë që nga viti i ardhshëm edhe Tirana të përqafojë këtë nismë nga Shkupi dhe të bëhëmi një kur e festojmë Ditën e Plisit ashtu si kur e festojmë Ditën e Flamurit.
Që nga ky vit, Lëvizja ZGJOHU! promovon edhe mirënjohjen që do t'ju ndahet personaliteteve të rëndësishme në jetën shoqërore shqiptare për kontributin e tyre në avancimin e kulturës, arsimit, artit, etj. Për herë të parë, Lëvizja ZGJOHU! ka ndarë plaketë të mirënjohjes për z. Syreja Imami, veteran i arsimit dhe kulturës së shqiptareve për kontributin e tij të jashtëzakontë në avancimin e kulturës dhe arsimit tek shqiptarët e Maqedonisë.
"Miqtë të dashur, Ju lutem që për disa çaste të shkëputemi nga kjo sallë dhe të kthehemi më 17 shkurt të vitit 2008 kur Kosova e shpalli pavarësinë e saj, sonte tre vite më pas jemi tubuar këtu për të kujtuar 17 shkurtin e vitit 2008, por edhe për të kujtuar sakrificën dhe përgjegjësinë që duhet të na ndjek në çdo hap në të ardhmen tonë të përbashkët", tha Artan Grubi, kryetar i Lëvizjes Qytetare, ZGJOHU!
http://shqip.time.mk/read/8f05890b31/96 ... index.html
http://shqip.time.mk/read/8f05890b31/09 ... index.html
vazhdon..
