Kartoline nga Edi Rama

[Sally]

Edi Rama uron Vitin e Ri me një kartolinë nudo

Kryetari i Partisë Socialiste, Edi Rama, publikoi dje kartolinën e Vitit të Ri 2012 në blog-un e tij në internet, duke u uruar të gjithë miqve “Gëzuar”. Ndryshe nga vitet e kaluara, kur Rama ka preferuar të dërgojë kartolina në çdo zyrë, redaksi apo derë qytetarësh, këtë vit Rama ka zgjedhur një portret gruaje gjysmë të veshur, e cila ka nxjerrë kurrizin dhe fundshpinën zbuluar deri në detaje. Portreti është vepër artistike e amerikanit Man Ray, e realizuar në vitin 1924 dhe mban emrin “Le violon d’Ingres”. Si një artist që është, Rama me këtë gjetje, një nudo e vitit 1924, revolucion për atë epokë, duket se ka dashur të imponojë shijet e tij artistike, por dhe ndoshta të provokojë një debat, që shpesh politika e bën pjesë të vetën, në ditët e fundit të këtij viti, i cili nisi vrullshëm politikisht dhe po përfundon më qetë se ç’pritej. Një vit më parë, Rama, kryetar i Bashkisë së Tiranës, disa muaj para garës elektorale për mandatin e katërt në këtë Bashki, shpërndau një kartolinë që kishte lidhje me sheshin e Tiranës, një pamje ideale e sheshit kryesor të vendit: “Ju uroj një Vit të Ri shpresash e ëndrrash të realizuar!”, ishte urimi i firmosur nga Edi Rama. Kartolina tregonte një kompozim të sheshit “Skënderbej”, pas rikonstruksionit, me të rinj dhe fëmijë që luanin në lulishten e gjelbëruar pas monumentit të Skënderbeut.

[Sally]

[Sally]

[Sally]

per videon e mesiperme:

Ka disa nga keta qe nuk njohin artin, nuk ka te bej se jan myslyman dhe nuk shikokan dote kete foto-arte, ( ajo foto vjen nga nje arte ).

Ndersa Edi Rama kesaj radhe ka vetfirmosur veten I CMENDUR!
Aji mund te mirret me arte, por aji nuk di ku ta perdori artin!

[Sally]

Rama: ‘Derrat’ e qeverisë sulmuan “nudon” time


Kreu i Partisë Socialiste, Edi Rama reagoi dje në faqen e tij personale në rrjetin social Twitter lidhur me komentin që “Rilindja Demokratike”, organi zyrtar i PD-së i kishte bërë kartolinës së tij të urimit.
“Qeveria mbushi sot leveret me foton e Man Ray. Qenka fyerje për shqiptarët kryevepra botërore e kartolinës tek edirama.al! Ç’derra të knaqun!”,-u shpreh Rama.
Kreu i PS, ka zgjedhur si kartolinë urimi për Vitin e Ri 2012. Një fotografi të një femre nudo, e zhveshur deri në fund të shpinës, e cila është vepër artistike e amerikanit Man Ray.
Fotoja e realizuar në vitin 1924, mban titullin “Le violon d’Ingres” (Violina e Ingresit). Këtë kartolinë urimi, kryesocialisti e kalikuar në faqen e tij në internet edirama.al

[Patush]

Njeri i shpifun dhe shpirt lig!

Po pse kjo foto per vitin e ri? Si e percjelle vitin e ri kjo foto?

[erix77]

Rama: ‘Derrat’ e qeverisë sulmuan “nudon” time

Jo vetem derrat e qeverise!

[Sally]

Urdhri për bazën socialiste: Kartolinat e Ramës janë me pullë të kuqe, të hapen vetëm pas orës 24


Të gjitha degëve të Partisë Socialiste në rrethe u është shpërndarë një faksimile nga kabineti i kryetarit të Partisë Socialiste, Edi Rama, për të censuruar kartolinat e shpërndara prej tij, ku sipas urdhrit të fundit, ato s’duhet të hapen apo afishohen para orës 24:00, nga frika se mund të bien në duar të të miturve. Edhe pse bëhet fjalë për një kartolinë urimi për festat e fund vitit, ajo ‘copë letër’ e përthyer, nuk është një kartolinë e zakonshme, kjo për faktin se kryesocialisti uron dashamirësit, miqtë, bashkëpunëtorët dhe qytetarët, me një portret të pazakontë; ‘një femër nudo’, vepër artistike e Man Ray “Le violion d’Ingres”, e realizuar që në vitin 1924. Pasi imazhi nudo, thuajse ka mbërritur në disa prej qyteteve të vendit dhe është shpërndarë në formë “urimi” për familje të caktuara, reagimet e kryefamiljarëve kanë qenë të ashpra, ndërsa kanë vlerësuar si të pamoralshëm Edi Ramën, për urimin – fyes që u kishte servirur. Të ndjerë në kushte jo normale, nga një tjetër vepër turpi e konsumuar nga lidershipi socialist, selia qendrore e PS shpërndan udhëzimin për korrektimin e zarfit të urimit, duke e mbajtur të fshehtë nga sytë e fëmijëve dhe adoleshentëve. Edhe pse në pamje të parë duket si një veprim qesharak, mbi të gjitha foshnjarak, aq më tepër kur bëhet fjalë për një lidership partie politike, të partisë së dytë më të madhe në vend, vëmendja duhet të jetë maksimale dhe meriton një analizë të detajuar sepse nudizmi dhe lakuriqësia e Edi Ramës nuk është një rastësi, por një veprim i qëllimshëm për arsye të cilat i di vetëm mendja e krisur dhe gjendja psikike jo normale e tij. Konsumimi i “veprave të turpit”, nuk është një element i pandeshur në jetën plot komplekse të lidershipit socialist. Jo më larg se 4 vjet më parë, fotot e tij nudo, gollomesh në plazhet publike të Spanjës, morën dhen në mbarë Shqipërinë, madje duke u kthyer edhe në objekt batutash mes adoleshentësh, të cilët i dispononin fizikisht ato. Që këtu, Edvini s’mbajti përgjegjësi edhe pse është mbartës i konsumimit të një vepre turpi dhe eksportues i një standardi të ulët për të rinjtë, kryesisht të mitur dhe adoleshentë. Duke injoruar këtë risk social, Edi Rama përforcoi karakterin e tij prej anti-familjari si dhe provoi edhe njëherë se ai vazhdon të mos njohë faktin e të qenurit ‘prind’...pasi në të vërtetë historia të tillë resto i ka sprovuar, “të mos njohë dhe mos pranojë atësinë e fëmijës së tij”. Si i tillë, ai s’ndjeu peshë ‘turpi’ dhe as denjoi të kërkonte ndjesë publike, çka në rastin më të mirë do ishte nderuar me dorëzimin e mandatit të kryebashkiakut dhe atë të kryesocialistit, kur materialet nudo ranë në dorë të djalit të tij, atëherë adoleshent, ranë në dorë të fëmijëve të të afërmve, familjarëve, miqve apo edhe shokëve. Ramës s’iu drodh qerpiku nga precedenti i daljes lakuriq në sytë e shqiptarëve, pavarësisht presioneve nga veriu në jug dhe me akuza nga më të ndryshmet se prezenca e tij nudo ose jo, po shndërrohej në një shembull negativ për të miturit dhe adoleshentët. Dhe si të mos mjaftojnë fotot e turpshme të 2007-ës, Edvini shkon përsëri “lakuriq” në shtëpinë e shqiptarëve, duke tentuar të përdhosë dinjitetin dhe moralin fisnik të qindra e mijëra familjeve socialiste. Mesazhi i PS-së është i thjeshtë dhe shumë i qartë; “mbajeni kartolinën me femrën nudo, larg të miturve”. Më thjeshtë s’ka ku shkon, Edi Rama është shembulli më i keq i kulturës së familjaritet apo edukimit fëminor.
...