Ku e ka hallin artikulli i meposhtem?

[Zeus10]

Shkeputa kete fjali nga artikulli i meposhtem:

Code: Select all

Nga burime konfidenciale mësohet se FSHF do të kërkojë nga qeveria për ti dhënë asaj administrimin e stadiumit në mënyrë që të investojë dhe ta cojë në parametrat e duhura. Problemet me stadiumin zakonisht dalin në pah në ndeshjet e Kombëtares, kur edhe kontrolli i FIFA-a apo UEFA-s është më i madh.

Mua me duket se gjithe kete situate e ka sajuar(ose ne rastin me te mire e ka amplifikuar) presidenti i federates per ta kaluar stadiumin nen administrimin e tij, dhe per ta mjele ashtu sic po ben me federaten.

TIRANE- Kushtet në stadiumin “Qemal Stafa” duken aspak të përshtatshme për një ndeshje ndërkombëtare. Televizioni News24 ka siguruar disa foto të ambienteve të brendshme të stadiumit që tregojnë kushte jo të mira dhe shumë larg standardeve për ndeshje ndërkombëtare. Ajo që duket qartë është papastërtia, mungesa e tualeteve për femra dhe amortizimi i sistemit të ndriçimit.
“Kërkesat e Uefa-s dhe të Fifa-s janë shumë të gjëra, ne jemi shumë larg këtyre standardeve. Së pari shkallët e stadiumit duhet të jenë të pastra nga sendet e forta. Një nga vëretjet e fundit që na u bë nga delegati i FIFA.s në ndeshjen e fundit me Danimarkën ishte edhe prania e sendeve të tilla, ndërkohë që kontrolli jashtë stadiumit ishte shumë i rreptë, cka e bën gjendjen qesharake. FIFA ka standarde duke filluar nga ambientet publike si WC, dhe ambientet tona lenë për të dëshiruar. Një kërkesë e domosdoshme është që duhet të ketë tualet për femrat. Tjetër problem është ambienti i gazetarëve, të ketë më shumë vende dhe lidhje interneti. Kërkesat për përmirësimin e kushteve anë shumë të gjëra dhe shkojnë deri tek gjërat më banale si problemi i ujit të ngrohtë në dushe.” thekson vëshguesi i FIFA-s, Plarent Kotherja.
Stadiumi “Qemal Stafa” edhe pse i licencuar për ndeshje ndërkombëtare, shumë shpejt mund të mos lejohet më për zhvillimin e tyre. Ndërkohë FIFA pritet të sjellë një gjobë të majme për problemin e hasur nga danezët.
Pas ndeshjes me Danimarkën në 9 shtator, futbollistët danezë por edhe arbitrat u larguan nga stadiumi duke mos bërë dushin e zakonshëm ose duke u larë me ujë të ftohtë. Një gjë e tillë ka ndodhur për shkak të mosndezjes së kaldajave të ujit.
Nga burime konfidenciale mësohet se FSHF do të kërkojë nga qeveria për ti dhënë asaj administrimin e stadiumit në mënyrë që të investojë dhe ta cojë në parametrat e duhura. Problemet me stadiumin zakonisht dalin në pah në ndeshjet e Kombëtares, kur edhe kontrolli i FIFA-a apo UEFA-s është më i madh. Por në fakt, fenomeni i mungesës së uit të ngrohtë apo kushtet e këqija e bënë “Qemal Stafën” një prej impianteve më të parehatshme në botë. (e.n/News24/BalkanWeb)

[IllyriankinG]

Problemi i Stadiumit Kombëtar është një komedi dhe paradoks më vete.
Stadiume në pronësi të shtetit.
Qash këtu, fillon cilësia e futbollit Shqiptar. Gjëra të tilla për mendimin tim ndodhin në vënde si Irani, Afganistani, Kina, Koreja e Veriut apo ndonjë tjetër.
Por kjo është vetëm një nga vrimat e shumta të cilat ka thesi i Futbollit Shqiptar.
Federata Shqiptare e Futbollin në rast se është kaq e shqetësuar për stadiumin, është fare e lehtë për të ndërtuar një stadium tjetër, sipas standarteve Europiane, dhe le ta lërë Qemal Stafën për antarët e këshillit ministror, ku Ylli Pangot dhe të tjerë të bëjnë golat e tyre kombëtarë dhe ndërkombëtare.
Futbolli Shqiptar është ozurpuar nga një grup hajdutësh, dhe njerëzish të korruptuar të cilët as që shqetësohen për futbollin.

[Sally]

Po keshtu eshte kur shtetasit tane kan dy para dhe nuk i investojn ne objektet tona sportive apo ne lojtaret tane, po kerkojm te blejn ekipet e botes.
Me kete shume lekesh mund te ndertoj dhe investoj shume gjerat qe ne Shqiperi jane te domosdoshme, psh: njeri prej tyre eshte:

Rezart Taci, biznesmeni shqiptar i naftës nuk heq dorë nga ideja për të blerë shoqerinë “Fininvest” që ka pronesinë e klubit të Milanit.

“I kam 700 milionë euro”, rrëfen Rezart Taci në një intervistë për “Gazzetta dello Sport”. 38 vjecari shton se ka ndërmend ta shtojë këtë shumë por Fininvest ka reaguar menjëherë duke hedhur poshtë ofertën.

“Milani nuk është në shitje. Fininvest është e detyruar që edhe një herë të përgenjeshtrojë se nuk ka asnjë plan për të shitur aksione të Milanit”, thuhet në komunikatën e shoqerisë. Në vijim të intervistës, Taci flet edhe për marrëdheniet me presidentin Berlusconi.

“Po, kam folur me të dhe ai më ka thënë se nuk ka ndërmend ta shesë por e di që nëse do të marrë një vendim të tillë, atëherë do të kontaktojë me mua të parin”, thekson 38 vjecari nga Shqiperia. Në lidhje me dështimin e bisedimeve për të marrë Bolonjën, ai shton: “Le të themi se si tifoz kuqezi kam vendosur të pres edhe pak”.

[Zeus10]

FIFA, vetëm gjobë për problemet me Danimarkën
TIRANE- Federata Shqiptare e Futbollit ia ka hedhur me një gjobë prej 15 mijë eurosh, pas problemeve të mëdha që u hasën në ndeshjen me Danimarkën më 9 shtator. Vendimi i Komisionit Disiplinor të FIFA-s ka qenë i zbutur për Shqipërinë, kjo edhe për shkak se tashmë ndeshjet kanë mbaruar dhe edicioni i ardhshëm do afro një vit që të startojë. Sanksioni ka ardhur këto ditë në FSHF dhe është konfirmuar edhe nga burime zyrtare nga ky institucion. Gjithsesi, në Federatë janë ndjerë disi të lehtësuar, pasi pritej që masa të ishte vërtetë e rëndë. Në takimin mes Shqipërisë dhe Danimarkës, gjëja më skandaloze ishte mungesa e ujit të ngrohtë në dushet e stadiumit “Qemal Stafa”, ç’ka bëri që futbollistët danezë të iknin pa u larë apo një pjesë të laheshin me ujë të ftohtë. Një gjë e tillë u pohua edhe nga burime zyrtare në Federatë, ndërkohë që edhe kapiteni i ekipit përfaqësues Altin Lala deklaroi se nuk ishte hera e parë që në stadiumin kombëtar mungonte uji i ngrohtë dhe futbollistët detyroheshin të laheshin me ujë të ftohtë.
(e.n/A.Latifi/Balkanweb)