Problemet midis Ballkan/Greqi/Turqi

[Sally]

Si do i vej fundi kesaj historie?


Sic kemi qene ne dijeni Anglia ka qene nje nga shtetet qe gjithmon ka mbajtur anen politike(rraciste) te Greqis. Po ne kohet e fundit u zbulua dhe nje perkrahje tjeter per interesat e poltikes Greke, degjoni me vemendje si shprehet e presidentit Frances (Nicolas Sarkozy) ne fjalimin e mbajtur ne parlamentin e Greqis: (Frengjisht,Greqisht,Angisht)

Perkthim te disa fragmenteve, per ata qe nuk kuptojn gjuhen:
0:50 Premton nje mardhenie te fort Franc-Greqi
1:30 Ve ne dijeni lidhjet Greqi-Turqi qe nuk jan te perbashketa.
3:18 Deklaron qe eshte ne dijeni dhe e kupton shume mire sistemin politik Grek, sepse Gjyshi i tij ka qen Grek.
3:40 Premton perseri qe politika Francese do jet ne cdo hap me politiken Greke.
4:10 Ve ne dijeni mardheniet Ballkan -Greqi qe nuk jan ne drejtim te mire, po shtetet Ballkane ne qoftese duan te jen pjestarrese te Be duhet te demostrojn qe jan shtete Demokrate.
5:15 Lidhjet politike France-Greqi kan qene por do jen tani dhe me te forta.
5:54 Ne kete situat qe Greqia po kalon me moskuptime te disa shtete Ballkanike, politika Francese ka zgjedhur te mbaj anen e politkes Greke.





Degjoni debatin qe ben ne nje intervist me temen:"Turkey is not European!"

[Sally]

Presidenti Frances Nicolas Sarkozy duke mbajtur anen e prejardhjes greke (nga gjyshi) shprehu mendimin e Tij, po shume nga shtetet Ballkanike si e mendojn prejardhjen e tyre?

Islam-Greece-Muslim-Chameria-A rnavutia-Janina-Family-Friends -Personal-Ottoman-Karleli-Evry tania-Pomak-Shqiperia-Balkans- Gurbet

[Sally]

Po trajtimin e emigranteve ne Greqi, e quan te drejt Presidenti Nicolas Sarkozy?
Pse nuk bashkpunojn atehere dhe ne kete sistem politik (per emigrantet), se ne Franc emigrantet i kan komplet ndryshe te drejtat e tyre, jo si emigrantet ne Greqi!
Eksiston organizata e mbrojteve te drejtave te njeriut ne Greqi??????

[Sally]

Nga kush mund te mbrohen dhe te kerkojn te drejtat e tyre Emigrantet tane?
Kur dhe Partia Bashkimi per te Drejtat e Njeriut ne Shqiperi, nuk kan akoma te qarta veprimet qe duhet te bejn!
Nje organizat e te drejtave te njeriut duhet te jet e pa aneshme, te drejtat e njeriut duhet te jen te barabarta si per PS si per PD, kot nuk quhen te ''Te Drejtat e Njeriut''
Ne ke shtet kemi pare qe Organizata e te drejtave te njeriut shkon me te majten apo me te djathten?





Zv ministri i Jashtëm grëk Kasimis nuk ka pranuar të komentojë lëvizjet e fundit brenda PBDNJ (Partia Bashkimi per te Drejtat e Njeriut) e OMONIA-s para zgjedhjeve, premton disa vepra ndertimi ne Shqiperi me vleren 600.000 euro.
Pse nuk premton zgjidhjen e te drejtave te emigranteve tane? Ato vepra qe premton te ndertoj ne Shqiperi me mire ti ndertoj ne Greqi Zv ministri ( se jan keq per veten e tyre) per ne pika kryesore qe te kerkojm nga ata duhet te jete te drejtat e emigranteve tane!

[Aulona]

Loja e Berishës me Bollanon, Alibeaj e dënon, kryeministri e mbron

Berisha dhe Bollano

Nga Bledar Lumani

Dënimi i kreut të Bashkisë së Himarës, Vasil Bollano, nga Gjykata e Faktit në Vlorë rrezikon të shkaktojë një furtunë të vërtetë në politikën shqiptare. Pak ditë para mbërritjes në Shqipëri të kryeministrit grek, Kostas Karamanlis, një gjykatë e Shqipërisë, e drejtuar nga Shkëlzen Selimi, mik i ngushtë i ministrit të Drejtësisë, Enkelejd Alibeaj, ka marrë vendim për penalizmin e kreut të bashkisë jugore.

Gjithçka duket e stisur nga vetë kryeministri, Sali Berisha, i cili tenton kështu të mbajë nën presion Partinë Bashkimi për të Drejtat e Njeriut, e cila ka shprehur rezerva të forta për qeverisjen e Berishës, duke paralajmëruar daljen nga koalicioni. Një sondazh i fundit tregonte se PBDNJ, në koalicion me PS, do të ishin forcë fituese në zgjedhje.

Por, i trembur nga reagimet që mund të vijnë nga fqinjët, Berisha ka nxituar të reagojë vetë për vendimin, duke mbrojtur Bollanon.

“Kryeministri Berisha, duke mbetur gjithmonë shumë i ndjeshëm ndaj respektimit dhe garantimit të të drejtave dhe lirive të çdo qytetari, si dhe për respektimin e plotë të pavarësisë së sistemit gjyqësor, mendon se interpretime dhe zbatime të ligjeve, të cilat mund të mbartin nuanca politike dhe arkaike, nuk i shërbejnë qëllimit të vendosjes së ligjit”, – thuhet në njoftimin e Kryeministrisë.

Vendimi

Kreu i Bashkisë së Himarës, Vasil Bollano, është dënuar dje nga gjykata e Vlorës me 6 muaj burg dhe 500 mijë lekë të reja. Përveç kësaj, Bollano nuk duhet të ushtrojë funksione publike për tre vjet me radhë. Menjëherë pas vendimit, kreu i Bashkisë së Himarës e ka cilësuar procesin gjyqësor në ngarkim të tij si nacionalist dhe me ngjyrime politike. Të njëjtin qëndrim ka mbajtur dhe Partia e Bashkimit për të Drejtat e Njeriut, e cila ka dalë në mbrojtje të Bollanos. Tashmë, ky i fundit ka të drejtën që brenda 10 ditëve të apelojë vendimin e gjykatës.

Sipas vendimit përfundimtar të gjykatës, Bollano ka dhënë dy urdhra të kundërligjshëm për heqjen e sinjalistikës në një rrugë, gjë që nuk ka qenë nën juridiksionin e Bashkisë së Himarës. Pozicioni që ka Bollano dhe fakti që nuk qenë i dënuar më parë, ka lehtësuar vendimin e gjykatës, e cila ka vendosur që ai të vuajë dënimin në një burg të sigurisë së ulët. Për këtë fakt gjykata dha vetëm gjysmën e dënimit të kërkuar nga ana e organit të akuzës, që kishte kërkuar shpalljen fajtor dhe dënimin e Bollanos me një vit burg. Sipas vendimit të gjykatës, “gjoba duhet të shlyhet brenda një viti nga vendimi i formës së prerë dhe për 3 vjet nuk duhet që të ushtrojë funksione publike”.

Gjatë dhënies së vendimit përfundimtar nga ana e gjykatës, në sallën e gjyqit nuk ka qenë i pranishëm as avokati mbrojtës dhe as Bollano, po vetëm prokurori i akuzës, Sokol Malaj. Tashmë, kreu i Bashkisë së Himarës ka të drejtën e apelimit të vendimit të gjykatës brenda 10 ditëve.

Hetimi

Shkak për nisjen e hetimeve për kreun e Bashkisë së Himarës, Vasil Bollano, u bënë ankesat e disa banorëve të zonës, të cilët kanë njoftuar prokurorinë për dëmin e shkaktuar në heqjen e tabelave orientuese në aksin Qeparo-Qafë Llogora. Pas verifikimeve në terren, ka rezultuar se policia bashkiake e Himarës i ka hequr ato me urdhër të kryetarit Vasil Bollano. Kështu, sipas hetimeve të organit të akuzës, kreu i Bashkisë së Himarës është përgjegjës për heqjen e tabelave orientuese (sinjalistikë) në gjuhën shqipe, nëpër rrugët e bregdetit, nga fshati Qeparo deri në Qafë-Llogora.

Nga verifikimet në terren, prokurori bëri me dije gjatë procesit gjyqësor se rezultoi që dëmi ekonomik i shkaktuar nga ky akt ishte 21 milionë lekë. Bollano nga ana e tij është mbrojtur duke thënë se tabelat, përveç gjuhës shqipe, duhet të shkruheshin edhe në greqisht, pasi, sipas pretendimeve të tij, kjo zonë është e banuar nga minoritarë grekë.

Për vendosjen e tabelave është organizuar tenderi prej 5.3 milionë lekësh, i zhvilluar nga Ministria e Punëve Publike, Transportit dhe Telekomunikacionit, me objekt vendosjen e sinjalistikës rrugore në aksin rrugor Orikum-Himarë-Sarandë -Butrint. Gjatë punës së saj, firma fituese e tenderit, “AGE & CO sh. p. k.”, ka hasur probleme me Policinë Bashkiake të Himarës, e cila nuk ka lejuar vendosjen e tabelave sinjalistike.

Të nxitur nga kjo situatë e krijuar, nga firma tenderuese është kërkuar takim me kryetarin e Bashkisë së Himarës, Vasillaq Bollano, i cili është shprehur se vendosja e tabelave është kompetencë e bashkisë dhe për këtë duhet të merrte leje prej saj. Gjyqi ndaj Bollanos nisi më 17 qershor të vitit të kaluar, pasi nga prokuroria u ngrit një padi penale, si pasojë e mjaft akuzave dhe denoncimeve që mbërritën ndaj emrit të tij prej banorëve të zonës, si edhe medias. Tashmë, procesi gjyqësor në ngarkim të Bollanos mori fund me vendimin e djeshëm të gjykatës, ndërkohë që pritet dhe vendimi i Apelit. Në rast se dhe kjo e fundit do ta shpallë fajtor, kreu i Bashkisë së Himarës do të përfundojë në burg, për të vuajtur dënimin prej 6 muajsh.

Bollano: Gjyqi ndaj meje, i stisur dhe me ngjyrime politike

Pas vendimit të dhënë nga gjykata për dënimin e tij, kreu i Bashkisë së Himarës, Vasil Bollano, e ka cilësuar procesin gjyqësor në ngarkim të tij si të stisur dhe me ngjyrim të pastër politik. “U bë më se një vit që gjykata dhe prokuroria e Vlorës duan me patjetër të gjykojnë kryebashkiakun Bollano. Ky është një gjyq i stisur dhe politik nga njerëz që iu shërbejnë segmenteve të caktuara ekonomike dhe politike, pasi në bazë të asaj që shkruhet në Kushtetutën e Shqipërisë, si kryebashkiak unë kam të drejtë në bazë të ligjit të marr vendime, si ato dy që mora në territorin që kam në juridiksion të bashkisë që drejtoj”, – u shpreh Bollano vetëm pak orë pas vendimit që gjykatës.

“Vetëm një gjykatë dhe një prokurori e tillë mund të veprojë kështu dhe të kërkojë të bëjë gjyq për një shkelje administrative, nëse do të shihej kështu. Prokurori i çështjes, Sokol Malaj, ka vepruar si person që iu shërben segmenteve të caktuara ekonomike dhe politike, dhe me një nacionalizëm ekstrem, që në momentin që në pretencën e dhënë prej tij ka deklaruar se në urdhrat e mi ishte shkruar të hiqen, me qëllim që të shkruhen në gjuhën greke”, – u shpreh Bollano. Bollano shtoi se do t’i shkojë çështjes deri në fund në të gjitha instancat e gjykimit, derisa të dalë i pafajshëm.

[Sally]

Titulli i temes se ngritur eshte: ''Problemet midis Ballkan/Greqi/Turqi'' dhe jo:''Dënimi i kreut të Bashkisë së Himarës, Vasil Bollano'' Mundohuni mos ti lidhni te gjitha temat me PS e PD (hakmarrje politike), se prandaj po perfitojn shtetet e tjera, duke pare qe ne nuk mund te zgjidhim te drejtat tona brenda per brenda , jo me jasht shtetit!

[Aulona]

"Si mund te luftoj armikun e huaj, kur kam armikun e brendshem?"

Gjergj Kasterjot-Skenderbej

[Aulona]

Rrjeti i fshehur i Greqisë për greqizimin e trojeve shqiptare p.1

Para pakë kohe, duke kërkuar të dhëna për historinë e përpjekjeve të Greqisë, për sundimin e trojeve shqiptare, gjetëm disa shkrime për shkollën “Arsakio”, e cila u hap nga agjenti filogrek Apostol Jan Arsaqi prej Hotovës së Përmetit. Helmi anti-shqiptar i kësaj “shkolle” u ndalua në 1933, pas vendimit shtetëror për mbylljen e gjithë shkollave private të huaja në Shqipëri. Kalojnë 65 vitë.

Këtu fillonë zbulimi i rrjetit grek kundër Shqipërisë. Vendosëm të gjejmë gjithë
trillimet dhe veprat greke e filogreke mbi këtë çeshtje.

Në 1998 Arsakio (ri)hapet në Tiranë, si “shkollë private greke”, e cila nëpërmjet mësimit të gjuhës dhe kulturës greke, qëllon “rritjen e lidhjeve miqësore midis Shqipërisë dhe Greqisë”. Në atë kohë leja e hapjes u dha nga qeveria e PS-s.

Arsakio në Tiranë

Në 2003 fillon ndërtimi i godinave të reja të “Arsakio”, me leje të dhënë nga qeveria e PS-s. Në 2007 mbaron ndërtimi i godinave të reja, dhe merret leje e re, për vazhdimin e funksionimit të shkollës nga qeveria e PD-s. Godinat e reja të “Arsakio”-s kanë madhësi 100.000 m²(!!). Përveç madhësisë të saj, përshtypje të madhe bën dhe fakti që për ndërtimin e saj, punuan nga inxhinjerët dhe profesorët më të mëdhenjë të universiteteve greke(!). Në hapjen e re të “Arsakio” morën pjesë: ministri i arsimit i Greqisë, Neritan Çeka nga qeveria shqiptare e PD-s, Anastasios Janullatos kryepishkop i kishës ortodokse shqiptare, ambasadori grek në Shqipëri, anëtarë të tjerë të “Filekpedeftiki Etaireia” dhe presidenti i shoqerisë të madhe greke “Aegean Airlines”. Hapja e shkollës filloi me bekim fetar nga priftërinjtë grekë.

Krijuesi i Arsakio dhe Janullatos

Kjo shkollë u krijua nga shoqeria “Filekpedeftiki Etaireia”, e cila kontrollohet nga shteti grek. Nxënësit/et e “Arsakio” në 2009 vizituan ministrin e arsimit të Greqisë dhe presidentin grek, dhe i kënduan hymnin grek. Duhet përmëndur që në këtë shkollë nxënësit janë nga 429 familje që përbëjnë elitën e politikës shqiptare, kryesisht familje me lidhje me PD e PS.

Nxënësit Shqiptarë dhe presidenti grek

Si shikojmë “Arsakio”:

1)U hapë si shkollë private, nga një shoqeri private e cila kontrollohet nga shteti grek. Kjo shkollë është një mjetë e Greqisë brënda teritorit shqiptar, dhe ka të njëjtin qëllim që kishte në 1933: greqizimin e Shqiptarëve.

2) Mbështetet nga politikanët shqiptarë, fëmijët e të cilëve janë nxënës e nxënëse në “Arsakio”. Si pamë PS e PD dhanë lejet për hapjen e kësaj shkolle në 1998 dhe 2007.

3)Mbështetet nga kisha ortodokse shqiptare e cila nën drejtimin e Anastasios Janullatos funksionon si “thikë greke brënda trojeve shqiptare”.

4)Mbështetet ekonomikisht nga shoqërira të mëdha greke si “Aegean Airlines”.

Sot mësove planet e armiqëve e tradhtarëve, nesër vepro kundër tyre!

http://www.tokajone.com/?p=412

[Aulona]

"Nuk duam ndryshim kufijsh me Greqine"

Ceshtja came aq shume e trajtuar nga popullsia qe ka humbur pronat e saj ne Greqi, nuk shihet si nje mundesi per te diskutuar ndryshimin e kufijve mes vendit tone dhe atij fqinje. Kete e ka siguruar kryeministri shqiptar Sali Berisha, ne nje interviste qe ka dhene ne Tirane, per gazetarin e te perditshmes greke "Kathimerini", Stavri Xhima. Intervista eshte botuar dje ne kete gazete, me e madhja ne Greqi. Gjithashtu, Berisha flet dhe per nenshtetesine e bllokuar per kryepeshkopin grek te Shqiperise, duke premtuar se Presidenti eshte duke e shqyrtuar aktualisht kerkesen e Janullatosit.

Prania e Kryepeshkopit te Shqiperise Anastasios Janullatos, eshte nje hallke e rendesishme ne marredheniet shqiptaro-greke. Si e konsideroni ne te vertete punen e tij dhe lidhjet mes jush si jane?

Shume te mira. Z.Anastas ka merite ne gjallerimin e kishes greke ne Shqiperi.

Megjithate prej shume vitesh, ai pret dhe nuk ka marre ende nenshtetesine shqiptare. Ju bashkoheni me mendimin e duhet qe t'i jepet?

Problemi eshte se une jam kryeminister dhe kjo gje i kapercen kompetencat e mija. Une jam i sigurt se Presidenti i Republikes eshte duke e shqyrtuar kerkesen. Realisht, kryeministri nuk ka asnje lidhje me ceshtjet e nenshtetesise, pasi jane kompetence presidenciale.

okkkkk!!!!!

http://kohajone.com/html/artikull_20954.html

[Aulona]

[Aulona]

Shkolle greke ne Himare - 26-2-2006

Zv.ministri i jashtëm grek sot në ceremoni, i pranishëm edhe ministri Ruli


Himarë, hapet sot shkolla greke

Do studiohet në dy gjuhë, me 120 nxënës



E para shkollë në gjuhën greke në Himarë pas Luftës së Dytë Botërore, do të hapet sot në Himarë. Zvëvendësministri i jashtëm grek Stilianidis do të vijë sot nga Korfuzi për të prerë shiritin e rikonstruksionit të shkollës së vjetër dhe të një shtese të re që do të mundësojë hapjen e të parit institucion arsimor në gjuhën helene pas shumë dekadash në këtë zonë. Kryetari i Bashkisë Himarë Vasil Bollano thotë për “Gazets Shqipëtare”, se nuk është e sigurtë se kur do të zbresë në Himarë diplomati i lartë grek dhe për pasojë, se kur do të zhvillohet ceremonia e inaugurimit të shkollës dhe të fazës së dytë të ujësjellësit të Dhërmiut, të ndërtuar me një fond prej 100 mijë eurosh nga pala greke. Zoti Bollano shton se sot pritet që zyrtari nga Athina të shoqërohet nga ministri i Ekonomisë dhe Energjitikës Genc Ruli, porse ky detaj ende mbetet për t’u konfirmuar.
Kryetari i Bashkisë së Himarës thotë gjithashtu se pas vizitës në Himarë, zoti Stilianidis do të vijojë me Tiranën, ku do të nënshkruajë një marrëveshje me qeverinë shqiptare, lidhur me asistencën greke në kuadrin e fondeve për zhvillimin e Europës Juglindore. Burime të tjera bëjnë të ditur se vendimi për hapjen e kësaj shkolle është dhënë disa ditë më parë nga ministri i arsimit dhe shkencës Genc Pollo. Kreut shqiptar të arsimit kjo kërkesë iu bë prej organizatës ’Homeri’, e cila mësohet se ka hapur nje shkollë greke dhe në Korcë. Pas shqyrtimit të kërkesës, Pollo aprovoi celjen e kesaj shkolle ku do të studiojnë rreth 120 nxënës dhe ku mësimet do të zhvillohen në dy gjuhë në atë shqiptare dhe greke.

Më pas, gjatë ditës së sotme, zv/ministri i jashtëm grek do të marrë pjesë në takime me drejtues te PBDNJ-së dhe Omonias, me të cilët, sipas burimeve “pritet të diskutojë në lidhje me investimet që mund të bëhen në zonat minoritare. Vizita e zv.ministrit të jashtëm grek në Himarë dhe prerja e shiritit të shkollës së parë në gjuhën greke, i jep fund një debati dhjetravjecar mes dy vendeve, për ndërtimin e një institucioni arsimor helen në këtë pjesë të bregdetit të Jonit. Sheshbeteje e përplasjeve të natyrës nacionaliste mes shqiptarëve dhe popullsisë greqishtfolëse, ku është përzierë rregullisht edhe politika e Tiranës dhe Athinës, Himara do të ketë që sot e tutje një shkollë private ku do të mësohet greqisht. një tabu e vërtetë për një pjesë të opinionit publik shqiptar që e ka konsideruar këtë si një akt “tradhëtie” të interesave kombëtare. Hapja e shkollë së Himarës vjen pas deklaratave të muajit tetor 2005 të ministrit të jashtëm Mustafaj, i cili pati deklaruar se nuk kishte asnjë problem për hapjen e institucioneve arsimore, qoftë edhe në Himarë. Ky qëndrim u përshëndet atëhere nga kreu i PBDNJ Vangjel Dule, i cili tha se “është në nderin e ministrit Mustafaj që e bëri këtë deklaratë dhe që nuk i nderon aspak ata që nuk e kanë bërë deri më sot një gjë të tillë”.

Nga ana tjetër, pas shkollës greke ‘Homeri” në Korçë dhe institucionit të sapohapur në Himarë, mbetet të shihet nëse do të ketë iniciativa në pjesë të tjera të vendit. Sipas ligjit për arsimin privat kjo është e lejueshme në bazë të disa kritereve të cilat gazeta po i boton më poshtë.
Ndërkaq, ceshtja e arsimit grek në Shqipëri e bën edhe më të ndjeshme problemin simetrik të arsimimit të shqiptarëve në Greqi. Ministri Pollo ka premtuar tashmë se janë nisur negociata mes dy vendeve, për mundësimin e hapjes së një numri shkollash në gjuhën shqipe për fëmijët e shumtë të emigrantëve të cilët rrezikojnë të humbin gjuhën amëtare.

Mustafaj
Ministri i Jashtëm Besnik Mustafaj gjatë një interviste deklaroi se nuk kishte asgjë të keqe që shkollat greke të hapeshin në të gjithë vendin në bazë të ligjit për arsimin ku përcaktohet hapja e shkollave private.

Pollo
Ministri i Arsimit Genc Pollo ka miratuar kërkesën e bërë disa muaj më parë nga shoqëri private për hapjen e një shkolle në Himarë ku do të jepet mësim edhe në greqisht.

Kerkesat
Hapja e një shkolle në gjuhën greke në fshatrat e Himarës është një kërkesë e vjetër, kryesisht e PBDNJ dhe elektoratit të kësaj partie në këtë zonë. Asnjë nga qeveritë e mëparshme nuk e ka pranuar hapjen e një shkolle të tillë

Zgjidhja
Për të sheshuar tensionet që mund të shkaktoheshin nga ndjeshmëria

[Sally]

Policia greke prish kampin e imigrantëve në Patra

Patra - Policia greke prishi sot 12-07-2009 një kamp të banuar nga qindra imigrantë, kryesisht nga Afganistani, në qytetin e Patras.

Rreth 100 policë morën pjesë në këtë operacion të ndërmarrë në një kamp të zënë kryesisht nga imigrantë afganë, duke mos shembur vetëm një xhami të improvizuar dhe një tendë të përdorur nga mjekët vullnetarë.

''Me mbërritjen e policisë, kampi ishte pothuajse i boshatisur nga imigrantët, por rreth 100 persona, prej të cilëve 30 fëmijë u dërguan me autobus drejt një spitali lokal'', deklaruan përfaqësuesit lokalë.

Përleshjet e shfaqura mes grupeve rivale afgane dhe somaleze kanë shkaktuar tension tek banorët e Patras që u kanë kërkuar autoriteteve lokale dhe qeverisë të ndërhyjë.

Zyra e Komisariatit të Lartë të OKB-së për refugjatët (HCR) dhe shumë OJQ i kanë kërkuar Greqisë të përmirësojë kërkesat për azil dhe të rrisë numrin e qendrave të pritjes.

[Aulona]

Zv/ministri nuk ka marrë pjesë në ceremoninë e inaugurimit duke e konsideruar shkollën si një objekt të jashtëligjshëm

Shkolla greke, përplasje në qeveri

Bojaxhiu: Shkolla greke është e jashtëligjshme

Ened Janina

TIRANË- Shkolla greke në Himarë është e jashtëligjshme dhe për pasojë zyrtarë të shtetit shqiptar nuk mund të marrin pjesë në inaugurimin e saj. Kjo është deklarata e bërë dje nga zv/ministri i Energjetikës, Gjergj Bojaxhiu, në një televizion privat pasi ka braktisur inaugurimin e shkollës. Bojaxhiu është nisur nga Tirana për të marrë pjesë në këtë inaugurim por gjatë rrugës ka mësuar se Këshilli Bashkiak i Himarës nuk e kishte miratuar këtë shkollë. Gjithashtu edhe Këshilli i Rregullimit të Territorit të Bashkisë Himarë nuk e ka miratuar rikonstruksionin e kësaj shkolle. “Unë nuk mund të merrja pjesë në një inaugurim të paligjshëm dhe për këtë arsye u largova”,- ka thënë dje Gjergj Bojaxhiu.

Paraditen e djeshme, zv/ministri i Energjetikës, Gjergj Bojaxhiu, është nisur nga Tirana për të marrë pjesë në inaugurimin e dy objekteve të reja në territorin e Bashkisë Himarë. Këto dy objekte janë një shkollë në Himarë ku mësimi do të bëhet në gjuhën greke si dhe një pompë e re uji në fshatin Dhërmi. Vajtja e zv/ministrit Bojaxhiu në Himarë ishte iniciuar nga një shkresë e dërguar disa kohë më parë në Ministrinë e Ekonomisë se në Shqipëri do të vinte zv/ministri grek i Punëve të Jashtme, Stilianidhis, për të inauguruar dy objektet e lartpërmendura. Teksa po shkonte në Himarë, Bojaxhiu ka kontaktuar me kreun e Këshillit Bashkiak të Himarës, Savo Prifti, në lidhje me inaugurimet që do të bëheshin atje. Gjatë bisedës së kryer me Priftin ai ka mësuar se Këshilli Bashkiak i Himarës nuk ishte informuar aspak për këto dy inaugurime. Madje Këshilli Bashkiak nuk e kishte miratuar projektin për hapjen e shkollës greke në Himarë. Shoqata të huaja greke dhe kryetari i Bashkisë së Himarës, Vasil Bollano, kishin filluar procesin për hapjen e shkollës greke por ata nuk kishin gjetur mbështetjen e Këshillit Bashkiak. Gjatë votimit në lidhje me këtë çështje, Këshilli Bashkiak e kishte rrëzuar projektin për hapjen e shkollës greke. Ndërkohë në lidhje me këtë shkollë ishte shfaqur edhe një problem tjetër. Ajo do të hapej në një godinë ku më parë kishte qenë një shkollë shqiptare dhe kjo godinë i ishte nënshtruar një rikonstruksioni. Edhe rikonstruksioni i shkollës ishte bërë në mënyrë të jashtëligjshme pasi Këshilli i Rregullimit të Territorit të Bashkisë Himarë nuk e kishte miratuar këtë gjë.

Pasi është njohur me këto probleme zv/ministri i Energjetikës, Gjergj Bojaxhiu ka kërkuar një takim me homologun e tij grek. Ky takim do të zhvillohej në ambientet e Bashkisë së Himarës por është refuzuar nga kreu i këtij institucioni, Vasil Bollano. Ky i fundit nuk ka lejuar Bojaxhiun që të takohet me homologun grek në lidhje me këtë çështje. I gjendur përballë kësaj situate zv/ministri i Energjetikës, Gjergj Bojaxhiu, nuk ka marrë pjesë në inaugurim por është larguar. Edhe pse ishte nisur nga Tirana enkas për të marrë pjesë në këtë inaugurim Bojaxhiu është larguar pasi ai është i jashtëligjshëm. Pas këtij veprimi, zv/ministri ka shpjeguar se duke qenë se bëhej fjalë për një objekt të jashtëligjshëm ai nuk mund të inaugurohet nga një përfaqësues i shtetit shqiptar. “Meqenëse ndërtimi dhe funksioni i kësaj shkolle nuk është miratuar nga Këshilli Bashkiak si dhe nga KRRT-ja e Himarës, ajo është e paligjshme. Unë nuk mund të merrja pjesë në një inaugurim të paligjshëm”,- ka thënë dje Bojaxhiu.

...........................................

Gjatë ceremonisë së inaugurimit është folur vetëm greqisht dhe janë lëshuar parulla nacionaliste greke

Hapet shkolla greke, Himara, thirrje për bashkim me Greqinë


Lindita Çela

HIMARË- Ajo që duhet të ishte thjesht një ceremoni e rëndomtë zyrtare që do të finalizohej me prerjen e një shiriti inaugurues është shndërruar dje në një miting elektoral të organizatës OMONIA në qytetin e Himarës. Thirrje antishqiptare si dhe parulla për bashkim me Greqinë, kanë qenë lajtmotivi kryesor i kësaj ceremonie. Ka qënë OMONIA dhe kryetari i bashkisë së qytetit, Vasil Bollano, ata që kanë organizuar festë si dhe janë kujdesur që në të, të mos ketë pjesëmarrës të padëshiruar. Kështu jo çdo himariot ka guxuar dje të ngjitet në zonën e quajtur Himara Fshat, aty ku edhe u inaugurua shkolla nëtëvjecare. Kjo është shkolla e parë në gjuhën greke në Himarë qysh pas Luftës së Dytë Botërore. Ndërkohë, gëzimi për hapjen e shkollës në gjuhën greke është shuar menjëherë pasi të pranishmit kanë parë se kishin përballë vetëm një ndërtesë me katër mure por asnjë bangë apo send tjetër që të tregonte se bëhej fjalë për një shkollë. Të vetmet gjëra që tregonin se aty mund të bëhej një shkollë ishin disa libra të vjetër, në gjuhën greke, të cilët ishin hedhur në një prej korridoreve të ndërtesës. Kjo ishte shkolla që himariotët e inaguruan dje me hare këngë dhe parulla antishqiptare.
***
Nën thirrjet “Rroftë Greqia”, “Himara është e Greqisë” si dhe duke kënduar himnin kombëtar grek, himariotët kanë pritur dje ardhjen e zv/ministrit të jashtëm të qeverisë greke, Stilionidhis në qytetin e tyre. Megjithëse festa në këtë qytet ka nisur pa zbardhur ende dita, zv/ministri grek ka mbërritur në vendin ku do të inaugurohej shkolla vetëm rreth orës 14 e 30 minuta. Ai ishte i shoqëruar në këtë ceremoni nga zëvëndës i integrimit, Albert Gajo, dhe nga një sërë diplomatësh grekë. Me të ardhur “miqtë” të pranishmit në ceremoni kanë gjetur edhe rastin për të shprehur pakënaqësitë e tyre. Duke folur vetëm në gjuhën greke, banorët kanë shprehur hapur pakënaqësitë e tyre ndaj shtetit shqiptar. Pas kësaj, gjithçka është shndërruar në një festë për ta. Kjo festë është shoqëruar me thirrje për bashkim të Himarës me Greqinë, edhe pse aty ndodhej edhe një përfaquesi i shtetit shqiptare. Situata progreke ka vazhduar përgjatë gjithë ceremonisë së inaugurimit të shkollës së re ku nuk është folur as edhe një fjalë në gjuhën shqipe.

***
Gjatë fjalës së tij, zv/ministri grek ka pohuar “Hapja e shkollës është një hap i parë i Shqipërisë drejt integrimit në Bashkimin Europian”. Zëvendësministri grek i konsideroi himariotët, duke iu drejtuar me fjalët “atdhetarë”, se ata janë një urë e bashkëpunimit të Shqipërisë me Greqinë dhe se hapja e kësaj shkolle, sipas tij, do të ndikojë në përforcimin e marrëdhënieve mes dy vendeve tona. Ndërkohë, po kaq i lumtur për hapjen e shkollës në gjuhën greke ishte edhe kryetari i Bashkisë së Himarës, Vasil Bollano. Sipas tij, pas 60 vjetësh, himariotët mundën të realizonin ëndrrën e tyre të mësimit në gjuhën amtare. Pas kësaj fjalie, Ballano nuk ka mundur që të japë detaje të tjera në lidhje me shkollën pasi ato nuk janë saktësuar ende. Ai nuk ka ditur që të shpjegojë se cili do të jetë profili i kësaj shkolle 9- vjeçare; sa nxënës do të hyjnë në të si dhe nëse në këtë shkollë do mësohet vetëm në greqisht apo edhe në gjuhë të tjera.

Himara ndahet për ceremoninë e shkollës

Ceremonia për inaugurimin e shkollës në gjuhën greke ka përçarë popullin e Himarës duke bërë që një pjesë e tij të mos shkojë. Këta banorë të Himarës kanë qëndruar larg festës dhe nuk kanë pasur guximin që të kundërshtojnë thirrjet antishqiptare të lëshuara në të. Një ndër këta njerëz është edhe Lefteri, i cili pothuajse që në mëngjes ka kundruar të gjithë panoramën pa guxuar të jetë pjesë e saj. Ai tregon se nuk është kundër hapjes së shkollave në gjuhë të huaja por ato duhet të jenë në gjuhë që vërtetë mund t’i shërbejnë të ardhmes së fëmijëve himariotë dhe jo në greqisht. Sipas tij, të gjithë fëmijët e Himarës dinë greqisht dhe nuk kanë nevojë që të bëjnë shkollë për këtë gjuhë. Të njëjtin mendim ka dhe një tjetër banor i Himarës, i cili duke qenë se është pjesë e strukturës së një partie shqiptare nuk dëshiron që të identifikohet. Ai shpjegon se mësimi i gjuhëve të huaja është kulturë por se kjo kulturë po trumbetohet ndryshe në qytetin e tij. Një përçarje është vënë re dje edhe ndërmjet përfaqësuesve të qeverisë shqiptarë që duhet të ishin të pranishëm në këtë ceremoni. Gjergj Bojaxhi, zv/ministri i Energjitikës, ka refuzuar që të marrë pjesë në këtë ceremoni pasi e ka konsideruar shkollën greke si të jashtëligjshme. Ndërkohë, zv/ministri i Integrimit, Albert Gajo, ka qëndruar në ceremoni dhe ka pohuar pas saj se shkolla greke është e aprovuar nga shteti shqiptar dhe se hapja e saj është një gjë shumë e mirë për komunitetin e Himarës.


27/02/2006
KATEGORIA: Kronike nga rrethet

[Aulona]

Nga: Arbër Himarioti (Reagimi i nje Himarjoti per hapjen e kesaj shkolle)

I dashur shteti im, (pa liçencë)
I dashur Kryeministër i vendit tim (pa liçensë.)

Për të hapur një dyqankë të vogël që të shesësh ca patate e qepë, sa për të mbajtur frymën gjallë, duhet patjetër një liçensë. Tatimorët e shtetit mbrrijnë me vrap dhe të kërkojnë lejen. Për të hapur një shkollë greke, në vendin tonë, ditën për diell, nuk ka nevojë për liçencë. “Shakaja” e radhës ka ndodhur në Himarë. Pa u ndjerë fare. Në kohën kur kryeministri ynë merrej me analizën fantastiko - shkencore se Blendi Klosi është një maniak elektroniko – polonezo - seksual, në Himarë, në një nga karakollet e Labërisë (Kaonisë) në tokën e tij, ( të kryeministrit dhe tonën) pa anjë leje, vërshon një copë greqi politike, mediatike, folklorike dhe ia këput një inagurimi për shtatë palë qejfe të një shkolle. Tej e mbanë Shqipërisë të gjithë bëjnë të paditurin. Në media ka një heshtje varri. Vetëm një televizion është ndodhur aty. Greqia ka dërguar nja 12 kamera për t’i treguar popullit të saj se Himara “e saj” e lavdishme, më në fund u bë greke.

Unë (dhe ne) në mbrëmje presim që kryeministri i vendit, ( i kudondodhuri ynë, i pagjumi ynë, që di edhe se si e kanë emrin gratë e deputetëve dhe në cilat dyqane i blejnë rrobat me lekët e korrupsionit,) të thotë pesë fjalë se si na mbiu kjo “copë greqi” aty ku ka vetëm ca greqishtfolës dhe asnjë pikë gjaku grek. Presim të gjej një justifikim rajonalo - ballkanik, intergako – politik, të paktën një ngritje supesh, një si nënqeshje, që do të na hutonte ne, popullin injorant, me nëntekstin „që ka ca gjëra të thella diplomatike që ju nuk i kuptoni dot etj...etj.” Mirëpo kjo nuk ka ndodhur. Ai nuk di asgjë. Ai e quan këtë një gjë të vockël fare përpara kungulleshkës “me kuti apo pa kuti.” (Tu thaftë goja, o beu ynë, që s’the një fjalë për gjuhën tonë shqipe! Frazë e marrë nga poeti ynë Çajupi. ( Kjo për të luftuar piraterinë e KKRT dhe Halil Lalën!)

Ndërkohë, ne durojmë e presim mos e bëj këtë gjë Ministri ynë i Arsimit shqip, mirëpo edhe ai është i zënë me lojën “me buton a me kuti” dhe nuk i nxihen fare vetullat e bardha për këtë punë. Durimi ynë i kalitur rënkon ende, duke pritur që këtë ta bëjnë TV -të tona, ata pesë - gjashtë analistët proverbialë që dinë gjithçka (jo më kot të gjithë ata tani kanë lënë mjekra 3 - 4 milionëshe, e kisha fjalën për rrogën e tyre, megjithse kam respekt për nja dy - tri të tjerë pa mjekër,) mirëpo edhe ata patriotët tanë të mëdhenj, që mbrojnë edhe popullin irakian nga “padrejtësia” amerikane, për çudi nuk thonë asnjë fjalë. (Tu thaftë goja, o beu ynë, që s’the një fjalë për gjuhën tonë shqipe!) Nuk e bën këtë as Ministri ynë i jashtëm, i cili është shumë i zënë me sa duket me punën e ndarjes së Mitrovicës dhe nuk di gjë për Himarën. Në fund të fundit Himara është punë e përbrendshme dhe ai merret me të jashtëmet (po sikur të ngatërrohesha e të thoshja gabimisht jashtë... pu, sa turp!)

Amani more gjeni një njeri të na i sqaroj se si ndodhi kjo gjë ditën për diell, se po çmendemi fare!...Amani bre se kemi të drejtën e shenjtë të informimit...të mbrojtur me kushtetutë. Mirëpo askush nuk flet për këtë gjënë e vockël me flamure e me himne palikarësh…Kujt t’i drejtohem se po plas?!… T’i drejtohem OBSE- së ata janë thjeshtë vëzhgues të paanshëm.


I dashur shteti im, (pa liçencë)
I dashur Kryeministër i vendit tim (pa liçensë.)

Gjeni një njeri të na i shpjegojë se si ndodhi kjo gjë, se po luajmë mendsh seriozisht. Harroni për një çast atë punën “me buton a me kuti” dhe na i ftilloni se si u kaluan fshehurazi në kufi gjitha ata burra me flamuj e buri dhe bënë goxha festë në Himarë, ku pas 50 vjetësh diktature, përsëri u kthye triufalisht gjuha greke dhe himni grek dhe thirrjet “duam të bashkohemi me Mëmën Greqi”, që kushtojnë gjithsej (në histori) 200 euro copa, aq sa është pensioni grek, i cili dikur ndahej natën e tani ndahet ditën. Na i spjegoni se po plasim me farsën komike të shtetit se si një zëvendës ministri ynë shkoi po s’tha asnjë fjalë (iu thaftë gjuha që në rrëzë, o zot) e një tjetër (i ekonomisë më duket ) cazë më “patriot” nuk shkoi fare.... Pikë e zezë! Është kaq misterioze kjo histori sa as sigurimi i famshëm i Kadri Hazbiut nuk do ta zbërthente dot.

Na i spjegoni de, se si qe ajo puna e Himnit grek, që këndohej për faqe të zezë nga që greqishtja tregtare e Korfuzit të vitit 1780 e “himariotëve 200 euro copa” nuk sinkronizohej dot me greqishten moderrne të Kavafis dhe Ricos.

Na shpjegoni si ta kuptojmë atë deklaratën e koalicionistit tuaj, Dules, (grek pa “s” me mbiemër mysliman,) se tani që u hap shkolla greke në Himarë ne shqipatrët kemi hipur në trenin e Brukselit dhe shpëtuam.(Daltë në kilometrin e parë nga shinat ky tren, në se na çon në Bruksel duke kënduar Himnin grek, që qoftë i bekuar për grekërit, se ne himariotët e vërtetë kemi atë tonin, të Asdrenit, që Neço Muka ynë i bukur si gjaku i tij i pastër arbëror, shkoi dhe e inçizoi në Paris me lekët e tij dhe pllakat e para të gramafonit me këtë himn i shiti në Himarë.


I dashur Kryeministër i vendit tim (pa liçensë.)

Qoftë thasheshem i mallkuar, po kam marrë vesh se nja tridhjetë tropojanë, emigrantë të konvertuar në greqi dhe nja tridhjetë gramshiotë, do të kthehen ( sigurisht të sponsorizuar ) dhe do të kërkojnë të hapin një shkollë greke në Tropojë e në Skrapar, për fëmijët e tyre që tani nuk dinë më shqip. A do t’u japësh liçencë apo do t’ia lësh këtë punë Dules, që të mos prishësh koalicionin delikat “me buton a me kuti, ha- ha- ha e hi-hi -hi”

Dikur para nja dhjetë vjetësh kur “himariotët” kërkonin shkollë greke unë edhe ti (më fal, Ju) qeshnim sa na tundej barku me këtë shaka, (madje ti, më fal, Ju, i arrestoje për ca çifte pa leje) Po sikur kjo shakaja e Tropojës dhe e Skraparit, që tani është shakaçkë, pas ca kohësh të na dalë e vërtetë? Se në këtë vendin tonë edhe shakaja më e marrë të ngjet e të del e vërtetë ditën për diell. Se të gjesh nja tridhjetë burra 200 euro copa sot, i gjen edhe në Tropojën tonë heroike edhe në Sraparin e lavdishëm. A ka ndonjë opsion të tijën për këtë punën e shkollës greke, labi himariot, Lefter Xhuveli nga Dukati, apo mjedisi i Himarës është në rregull tani që himni grek dëgjohet deri në Dukat tek varret e gjyshërve të tij...

Siç e shikoni u bënë shumë pyetje dhe shkrimi im u bë ca si lëmsh, po si mund të jesh i kthjellët në këtë farë turbullire mistike që u ngjan romaneve moderrne të Xhojsit.
A do të kesh mirësinë ( se e ke për detyrë, or burrë i dheut,) të na i sqarosh me që je qeveritari i parë i shërbimeve dhe i shërbesave. Mos ua lerë historianëve të mëvonshëm se kam frikë që mund të të rëndojnë me shumë epitete. Sqaroje qysh tani se si qe kjo punë që s’u ndjeve fare, sepse ( qoftë larg!) kam frikë, mos kjo puna e „me buton a me kuti ha- ha- ha e hi-hi –hi,” është shpikur prej teje, që të mos ia var njeri kësaj çështjes së greqizimit të Himarës kaonike. Bëje këtë, që të flerë rehat në varr edhe Petro Markua, edhe Nase Labi, edhe Zaho Koka, edhe Odise Grillo, Sokrat Leka, Andrea Varfi, edhe Kapedanëve e Vunoit që shkuan deri në Prizren më 1878 për shpëtimin e Himarës dhe të Shqipërisë, edhe .... Ose ndryshe na thuaj që t’u vemë nga një flamur grek tek koka dhe kockat e tyre të bjenë në paqe njëherë e mirë.


I dashur Kryeministër i vendit tim (pa liçensë.)

Në se shkolla greke u takon le ta gëzojnë! Në se kjo quhet intergrim, miqësi, tolerancë e të tjera gjëra që ne shqiptarët e thjeshtë (dhe himariotët akoma më të thjeshtë) nuk i kuptojmë dot, qoftë e bekuar shkolla greke! Në se ti ( më fal, Ju) je marrë vesh si burrë i besës me shtetarët grek, se edhe ata do të bëjnë të njëjtën duke hapur shkolla shqipe 9- vjeçare) në Specia, në Hidra, në Çamëri, e cila për grekërit nuk egziston as si nocion historik) në mbarë Greqinë, ku ka akoma mijra e mijra arvanitas ( s’po them miliona) të lashtë e të rinj, atëhere hallall të qoftë se ne qenkemi sylesh. Ne nuk ditkemi gjë e në Greqi do u hapkan nja 12 mijë shkolla se edhe kaq besoj nuk dalin. Pa le ç’tmerr do jetë kur t’I të na taksosh për tu çuar internetin që e ke premtuar. Atëhere hallall, or burrë i maleve, po ua falim fare Himarën me kadastër se katër mijë banorë ka. (Sigurisht Lefter Çipa dhe qindra burra të tjerë të ndershëm nuk do shkojnë e do ngjitet prapë lart në Pilurin e tij e tonin, për të shkruar elegji malli për Himarën e tij të bashkuar me tokën e famshme të gjeneral Zeervës.)

Ajo që na shqetëson ne të gjorëve është të kuptojmë, në se kemi ende ndonjë çikë shtet tonin, apo jemi si Hani i Stavros akoma?! Ajo që na shqetëson ne të gjorëve është të kuptojmë, në se kemi akoma ndonjë çikë nder e dinjitet si komb apo na ka plasur fare cipa. Ajo që na shqetëson ne të gjorëve është të kuptojmë në se kemi akoma ndonjë burrë që të thotë ky vend, si të gjitha vendet e botës, ka ligje e rregulla si çdo shtet sovran e si çdo popull sovran. (Fjalën sovran ti e ke aq për zemër dhe e ke përmendur edhe në fshatin më të humbur, kur kërkoje vota. Prandaj e shkruajta dy herë rresht,.edhe pse përsëritja e një fjale dy herë brenda një fraze është amatorizëm letrar)
Në se nuk na jep dot një përgjigje, na i boto tekstin e Himnit grek të transliteruar me shkonjat shqipe, në fletoren zyrtare me një VKM të veçantë si projekligj të Dules, dhe ti përpara me zë baritoni e ne mbprapa me zërin e dytë, ta këndojmë për shtatë palë qejfe sa të tunden malet e detet tanë arbërorë.


Pak më vonë i këpusim një të mohuar edhe Kongresit tonë të Manastirit, ku “ca të lajthitur” si Gjergj Fishta me shokë, si “injorantë” që ishin, nuk zgjodhën gërmat greke në vend të atyre latine. (Këtë propozim lerua aleatëve si Lefter Xhuveli, komunisto - socialistit ma të korruptuoem dhe mos e nxirr fare në skenë Vangjelin përsëri,) se mund të të iki ndonjë votë për dhjamë qeni. Atë shiko, votën, i dashur Kryeministër i vendit tim, (pa liçensë,) lere Himarën se përpara serenatës “me buton a me kuti, ha- ha- ha e hi-hi –hi” Himara është një pesë me hiç…

E me që e nisëm me dy vargje të një poeti tosk, pse mos ta mbyllim me dy vargje të të një poeti të madh geg: “O moj Shqypni, e mjera Shqypni/Kush të ka qit me krye në hi?! Dikur ke pas kenë një Zonjë e randë,… (Dulet me vota kurrë s’të kanë trandë....”)
shtetari yt (pa liçence.)

[Edvin]

E me që e nisëm me dy vargje të një poeti tosk, pse mos ta mbyllim me dy vargje të të një poeti të madh geg: “O moj Shqypni, e mjera Shqypni/Kush të ka qit me krye në hi?! Dikur ke pas kenë një Zonjë e randë,… (Dulet me vota kurrë s’të kanë trandë....”)
shtetari yt (pa liçence.)

Me thon te drejten gjynof eshte tja falim ne grekut camerin, si te futena ne evrop si mos te futena, nuk jam cam une, po kush e qun vetem shqipetar nuk mund ta pranoj nji gjo te till. Te historia cameve nuk fshihet vetem historia e tyre po gjith historia e vjedhur e shqiptarve nga populli grek, po mir e ka dhe shoqja jone qe ka hap kte teme qe fajin nuk na e kan greket ne tani, fajin na e ka qeveria jone se zihen si macja me mijun per nje karrige dhe nuk ulin koken tna zgjidhin hallet qe kemi ne si popull.